Umatiu 1
1
Ubu Ujeso undi-likpan
(Luk 3:23-38)
1Ashin na be fee gbe le ubu#1:1 Ebraham na a ma yi atie bendi Ijuus puu lihwan Ujeso Kristi angwu a ma yi igia Udebid, u shi igia Ebraham.
2Ebraham a ma yi atyam Azik,
Azik u shi atyam Ujekọb,
Ujekọb u shi atyam Ujuda le bebwaa-nde.
3Ujuda a ma yi atyam Uperez befe le Uzera abe be ko andabel le Utama,
Uperez u shi atyam Uhezrọn,
Uhezrọn u shi atyam Aram.
4Aram a ma yi atyam Aminadab,
Aminadab u shi atyam Unashọn,
Unashọn u shi atyam Usalmọn,
5Usalmọn u shi atyam Ubowaz angwu be ko anam le Urehab,
Ubowaz a ma yi atyam Obed angwu be ko anam le Urut,
Obed u shi atyam Ujesi,
6Ujesi u shi atyam Usu Udebid.
Udebid a ma yi atyam Usolomọn angwu anam a ma yi ungye Uriya,
7Usolomọn a ma yi atyam Urehoboam,
Urehoboam u shi atyam Abija,
Abija u shi atyam Asaf,
8Asaf a ma yi atyam Ujehoshafat,
Ujehoshafat u shi atyam Ujoram,
Ujoram u shi atyam Uzaya.
9Uzaya a ma yi atyam Ujotam,
Ujotam u shi atyam Ahaz,
Ahaz u shi atyam Uhezekaya.
10Uhezekaya a ma yi atyam Umanase,
Umanase u shi atyam Amọn,
Amọn u shi atyam Ujosaya.
11Ujosaya a hwan Ujekonaya le bebwaa-nde ma ukpọng bendi-linaa Izwel be ha kwu kung bendi Izwel gye he kubọng Ubabilọn.
12Nyọng Izwel i ma tem le he Ubabilọn:
Ujekonaya a ma hwan Ushiatiel,
Ushiatiel a ma yi atyam Uzerubabel,
13Uzerubabel u shi atyam Abihud,
Abihud u shi atyam Eliakim,
Eliakim u shi atyam Azọ.
14Azọ a ma yi atyam Uzadọk,
Uzadọk u shi atyam Akim,
Akim u shi atyam Elihud.
15Elihud a ma yi atyam Eliyeza,
Eliyeza u shi atyam Umathan,
Umathan u shi atyam Ujekọb.
16Ujekọb a ma yi atyam Ujosef angwu a ma yi ukyeb Umeri. Umeri a hwan Ujeso angwu be ko le Ukristi, Undi-likpan.
17Ashin ki ze le, ki ma yi le igbe bendi lihwo le ngi inde kung le ha Ebraham be wu ha Udebid, ki shi le igbe bendi lihwo le ngi inde kung le ha Udebid be wu he kunyọng ahwu be kwu kung bendi Izwel gye he abwo lifee he Ubabilọn, ki shi le igbe bendi lihwo le ngi inde kung le he kunyọng ahwu be ma yi he abwo lifee be wu he kunyọng ahwu be hwan Ujeso Kristi.
Ujosef a kpe Ujeso na unwaa ama
(Luk 2:1-7)
18Ashin na ki yi kukwo ahwu be ma hwan Ujeso Kristi. Ujosef a ma tyung Umeri angwu u yi anam Ujeso le u ba kpeb. Ma ukpọng Umeri a ma ha le bee le he, be ma nde le a shi lizam gbe he ikeb Ukatia Kunyọng. 19Ukye-ma Ujosef a ma yi undi ununung a. A ma kee le u fa he ishwia he kuhwo he kugboo ye. Kife na ki ma shi-e a ma shi ugim le u ban ukyeb uma he kundyel.
20Nya ana a maa gim gbe le kimen ashin, udengel Ada a be kọng he ahe he itam le: “Ujosef angwu le he kikwu-lihwan Udebid, shel na wo kpeb Umeri ye. Ukatia Kunyọng na a shi-e a shi lizam. 21U ba hwan unwaa ungikye, wo kwu-e lizen le Ujeso#1:21 Ujeso he igie Igrik be ko lizen anyin le Ujoshwa, lizen limen i li ze le Ada u kpan. likọye u ba kpan bendi bema le he biban bibel.”
22Abin puu bi ma shi nya ana Ada a kọng gbe ha utye-ugie kisọm kima le-iti, a ma kọng le: 23“Unwa-asul angwu a wa gbe ipel ha ungikye ye, u ba sha lizam hwan unwaa ungikye. Be ba ko he le Immanuel”#1:23 Azaya 7:14 (lizen anyin li ze le, “Unim u yi utung ha abel”).
24He kunyọng ahwu Ujosef a ma wum le he kunde, a shi nya a na udengel Ada a de-e. A ma kpeb Umeri. 25A ma gbe ipel he ahe ma ukpọng a ha hwan unwaa umen ana ye. Ujosef a ma kwu-e lizen le Ujeso.
Iliyochaguliwa sasa
Umatiu 1: KUIL
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.