Mateu 1
1
Vakukuluila va Yesu Kilistu
(Luka3:23-38)
1Ava vakevo vakukuluila va Yesu Kilistu, muna Ndaviti, muna Avilahama.
2Avilahama uapuile ishe ya Isake, Isake uapuile ishe ya Yakomba, Yakomba uapuile ishe ya Yunda na vamunaina, 3Yunda uapuile ishe ya Peleze na Zela vaje vaina vapuile Tamale, Peleze uapuile ishe ya Hezelone, Hezelone uapuile ishe ya Lama, 4Lama uapuile ishe ya Aminandave, Aminandave uapuile ishe ya Naheshone, Naheshone uapuile ishe ya Salemone, 5Salemone uapuile ishe ya Mbouasi uje vaina vapuile Luhave, Mbouasi uapuile ishe ya Ovende uje vaina vapuile Lute, Ovende uapuile ishe ya Njesi, 6Njesi uapuile ishe ya Muene Ndaviti.
Kaha Ndaviti uapuile ishe ya Solomoni uje vaina vapuile tele mpuevo ya Uliya, 7Solomoni uapuile ishe ya Lehovouame, Lehovouame uapuile ishe ya Aviya, Aviya uapuile ishe ya Asa, 8Asa uapuile ishe ya Njosefati, Njosefati uapuile ishe ya Njeholame, Njeholame uapuile ishe ya Uziya, 9Uziya uapuile ishe ya Yotame, Yotame uapuile ishe ya Ahaze, Ahaze uapuile ishe ya Hezekiya, 10Hezekiya uapuile ishe ya Manase, Manase uapuile ishe ya Amoni, Amoni uapuile ishe ya Yosiya, 11Yosiya uapuile ishe ya Yehoyakine na vamunaina, ha ntsimbu ije vavatualele ku vunzinda mu cifuti ca Mbambilone.
12Kaha kuhuma hakuvatuala ku Mbambilone, Yehoyakine uapuile ishe ya Sheyaletiyele, Sheyaletiyele uapuile ishe ya Zelumbambele, 13Zelumbambele uapuile ishe ya Aviyunde, Aviyunde uapuile ishe ya Eliakime, Eliakime uapuile ishe ya Azole, 14Azole uapuile ishe ya Zandoke, Zandoke uapuile ishe ya Akime, Akime uapuile ishe ya Eliunde, 15Eliunde uapuile ishe ya Eliazale, Eliazale uapuile ishe ya Matane, Matane uapuile ishe ya Yakomba, 16Yakomba uapuile ishe ya Yosefa uje uapuile yala lia Maliya uje uasemene Yesu, uje ivatumbula Kilistu.
17Kaha honi vikota vioshe kuhuma kuli Avilahama nakutuala kuli Ndaviti viapuile likumi na viuana, kuhuma kuli Ndaviti kutuala noho vavatualele ku Mbambilone viapuile vikota likumi na viuana, kuhuma hakuvatuala ku Mbambilone kuneha noho kuli Kilistu viapuile vikota likumi na viuana.
Kusemuka ca Yesu Kilistu
(Luka2:1-7)
18Honi kusemuka ca Yesu Kilistu cezile mucifua eci. Omo vaina Maliya vamulamene kuli Yosefa, tele kanda valimoneho vamumuene nguavo akemita lizimo lia nzili yaku Cimbembesi Uakulela. 19Kaha Yosefa uje uamulamene hakupua ua vusunga, katondele kumuvuisa shuamua kaha uasinganiekele kuviana vulo muvushueke. 20Vuno honi tele acili nakusinganieka eci, taleni, kangelo ua Muene uasholokele kuli ikeye mu cilota nakuhandeka nguendi, “Yosefa, muna Ndaviti keti uteue kuambata Maliya mpueyove, muomu eci kuimita cali naco cinapu caku Cimbembesi Uakulela. 21Akasema muana ua yala, kaha ukamuluka lizina liendi Yesu, muomu ikeye akovola vantu vendi ku vipi viavo.”
22Vioshe evi vialingiuile mukushulisisa vije viahandekele Muene kuhitila muli kananguizi nguendi,
23“Taleni, mpuevo uje kanda alimone na yala akemita kaha akasema muana ua yala,
kaha lizina liendi vakamutumbula Manuuele” (kulumbununa Njambi ali netu).
24Omo Yosefa uahindukile mutulo, ualingile ngue muje muamushikile kangelo ua Muene. Uambatele mpueyendi, 25vuno honi kalimuene nendi kuvanga noho hasemenene muana ua yala, kaha uamulukile lizina nguendi Yesu.
Iliyochaguliwa sasa
Mateu 1: NNTZ
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia