Soma Biblia Kila Siku 2Mfano

Mafundisho ya zaburi hii hayahusu tu jamii ya watu kwa ujumla, bali yanahusu pia yanayotendeka ndani ya kanisa. Hapa yapo mambo yanayohitaji kuzingatiwa sana na Wakristo na kipekee na viongozi wa kanisa! Kidogo alicho nacho mwenye haki ni bora kuliko wingi wa mali wa wasio haki (m.16). Ukijipatia mali kwa njia isiyo haki, huna heri, na yale uliyo nayo hayakupi raha kama ulivyotegemea. Bali ukiridhika na hali aliyokupa Bwana na kuzidi kumwambia mahitaji yako, hutakosa baraka zake. Utaona raha kuliko asiye haki, ingawa ana mali nyingi (m.21 na 24-26)!