Soma Biblia Kila Siku 9Mfano

Akili haikubali wokovu wa bure namna hii! Je, Ibrahimu hakufanya tendo lolote ili apewe uheri huu? Huenda alikuwa ametahiriwa kwanza, na halafuimani yake ikahesabiwa kuwa ni haki?! Hapana, hapana! Ibrahimu alihesabiwaje basi? Alipokwisha kutahiriwa, au kabla hajatahiriwa? Si baada ya kutahiriwa, bali kabla ya kutahiriwa(m.10). Neema ni neema. Humo hakuna madai yoyote. Kutahiriwa kwa Ibrahimu kulifuata baadaye kama alama ya kuthibitisha kuwa alikwisha hesabiwa haki kwa imani (m.11: Aliipokea dalili hii ya kutahiriwa, muhuri ya ile haki ya imani aliyokuwa nayo kabla hajatahiriwa). Kwa hiyo kwa mtu aliyetahiriwa na mtu asiyetahiriwa hali ni hii moja: Wote wanahesabiwa haki bure kwa kuamini neema ya Mungu iliyofunuliwa katika Yesu Kristo!