Soma Biblia Kila Siku 03/2020Mfano

Wazo linalomtisha Daudi ni kwamba Mungu angeweza kuwatumia maadui zake ili kumwadhibu kwa sababu ya dhambi zake. Anajua kwamba yeye ni mwenye dhambi sawa na watu wengine, na hana njia ya kuepuka adhabu, kama Mungu ataamua kuchukua hatua. Kwa hiyo Daudi anajikabidhi kwenye neema yake, ili apate msamaha na kuokolewa na hatari aliyo nayo. Kumbukumbu ya matendo makubwa ya Mungu ya awali inamtia moyo wa kumwomba amwokoe tena. Unapopata misukosuko katika maisha, tegemeo lako ni nani?