Soma Biblia Kila Siku 05/2020Mfano

Lile lillilokuwako tangu mwanzo ... habari ya Neno la uzima (m.1). Neno la uzima ni neno lenye uhai ndani yake: Ndani yake ndimo ulimokuwa uzima (Yn 1:4a; ling. Yn 14:6 Yesu anaposema, Mimi ndimi njia, na kweli, na uzima). Neno la uzima lililokuwako tangu mwanzo lilileta uhai kwa yote (Yn 1:1 na 3,Hapo mwanzo kulikuwako Neno, naye Neno alikuwako kwa Mungu, naye Neno alikuwa Mungu. … Vyote vilifanyika kwa huyo; wala pasipo yeye hakikufanyika cho chote kilichofanyika). Yaani, Neno lilikuwako kabla ya kuumbwa kwa ulimwengu. Mwanafunzi wa Yesu alilisikia, aliliona na alilipapasa kwa sababu uzima ulidhihirika kwetu katika Yesu Kristo (m.2,Uzima huo ulidhihirika, nasi tumeona, tena twashuhudia, na kuwahubiri ninyi ule uzima wa milele, uliokuwa kwa Baba, ukadhihirika kwetu). Lengo ni kuitimiza furaha yetu katika Mungu na neema yake. Furaha katika Mungu ni nguvu ya maisha ya Kikristo.