Soma Biblia Kila Siku Januari 2021Mfano

Hakuna ajuaye mambo ya Mungu isipokuwa Roho wa Mungu. Kwa hiyo mtu mwenye tabia ya kidunia, hampokei Kristo. Hata akielewa maneno, anayadharau. Anaona hakuna faida, hajui maana yake kwake. Habari njema ya Kristo inaendelea kuwa siri, maana kutambua siri ya Kristo kunawezeshwa na Roho Mtakatifu tu. Yeye ndiye chombo cha kukuwezesha na kukuelimisha wewe juu ya kile Mungu akitakacho kwako. Je, u tayari kupokea baraka hiyo? Atawapa Roho Mtakatifu wale wanaomwomba (Lk 11:13, Ikiwa ninyi mlio waovu mnajua kuwapa watoto wenu vipawa vyema, je! Baba aliye mbinguni hatazidi sana kuwapa Roho Mtakatifu hao wamwombao?).