Soma Biblia Kila Siku Machi 2021Mfano

Paulo anatoa utaratibu wa kushiriki Chakula cha Bwana. Karamu hii ipewe heshima inayostahili. Tukumbuke twatangaza kufa na kufufuka kwa Kristo! Kabla ya kushiriki tujihoji juu ya dhambi zetu na kujuta kwa kweli. Hivyo tunarudiwa na Bwana (m.32: Tuhukumiwapo, twarudiwa na Bwana, isije ikatupasa adhabu pamoja na dunia). Tujiandae kukutana na waumini wenzetu katika upendo na imani ya Kristo. Tule na kunywa mwili na damu ya Mwokozi wetu kwa unyenyekevu, tukivumiliana bila kubaguana. Tufanye yote kwa utaratibu ulengao kuliimarisha kanisa na roho ya umoja.