Soma Biblia Kila Siku Machi 2021Mfano

Je, tunakumbuka kwamba Mungu anastahili ushuhuda wetu kwa mambo mema na makubwa anayotutendea? Kumshuhudia kunawapa wengine uelewa wa Mungu na nafasi ya kuutambua uweza wake wa kuleta haki. Zingatia ushuhuda wa mtunga zaburi katika m.4: Umenifanyia hukumu na haki, umeketi kitini pa enzi ukihukumu kwa haki. Mambo tuwezayo kushuhudia ni pamoja na ulinzi wake dhidi ya maadui zetu akiwemo shetani anayetutakia mabaya siku zote. Mungu ni mlinzi wa ajabu na hutushindia nyakati zote! Hatawaacha wanaomtafuta, bali atamhurumia kila mmoja na kuwa ngome yake, akae salama. Jikumbushe tena ushuhuda katika m.9-10: Bwana atakuwa ngome wake aliyeonewa, naam, ngome kwa nyakati za shida. Nao wakujuao jina lako wakutumaini Wewe, maana Wewe, Bwana hukuwaacha wakutafutao.