Soma Biblia Kila Siku Machi 2021Mfano

Yohana anasimulia vizuri matayarisho ya kifo cha Yesu. Pilato hakuona kosa la Yesu, lakini alimwacha mikononi mwa Wayahudi wamsulubishe ili kumheshimu Kaisari na ili kutunza mahusiano na Wayahudi. Ni vema kutenda kweli ili kuwa na mahusiano mazuri na Mungu badala ya wanadamu. Pia ni vema kujua Yesu aliteswa na kuuawa kwa ajili ya dhambi zetu ili atuokoe. Tuepuke kutenda dhambi ili tusimsulubishe Yesu mara ya pili, kwani yeye ni kimbilio na nguvu, na msaada utakaoonekana tele wakati wa mateso(Zab 46:1).