Soma Biblia Kila Siku Machi 2021Mfano

Tuanze kwa kuuliza swali hili, Ni lipi kimbilio sahihi tunaposongwa na majaribu? Wakati watu wakimshauri akimbie mlimani ili ajifiche, mtunga Zaburi anatujibu kuwa kimbilio pekee ni kwa Mungu. Yupo, na anaona yote yanayotusumbua! Kama tukiona maumivu yetu ni makali mno lakini Mungu huyaangalia tu, haingilii kati, tujifunze leo kuwa kuna wakati Mungu anaruhusu machungu ili atujaribu. Bwana humjaribu mwenye haki(m.5; ling. Kum 8:2-6 inayosema, Nawe utaikumbuka njia ile yote Bwana, Mungu wako aliyokuongoza miaka hii arobaini katika jangwa, ili akutweze, kukujaribu kuyajua yaliyo moyoni mwako, kwamba utashika amri zake, au sivyo. Akakutweza, akakuacha uone njaa, akakulisha kwa mana, usiyoijua wewe wala baba zako hawakuijua; apate kukujulisha ya kuwa mwanadamu haishi kwa mkate tu, bali huishi kwa kila litokalo katika kinywa cha Bwana. Mavazi yako hayakuchakaa, wala mguu wako haukuvimba, miaka hiyo arobaini.Nawe fikiri moyoni mwako, ya kuwa kama vile baba amrudivyo mwanawe, ndivyo Bwana, Mungu wako, akurudivyo.Nawe uzishike amri za Bwana, Mungu wako, upate kwenda katika njia zake, na kumcha). Majaribu namna hii yanabeba upendo wake Mungu unaotufanya kuwa wanyofu na kutuandaa kumwona uso wake sawasawa na ahadi yake katika m.7: Wanyofu wa moyo watamwona uso wake.