Soma Biblia Kila Siku Mei 2021Mfano

Yesu aliwasaidia watu kiroho na kimwili. Kiroho aliwasaidia kwa kufundisha na kuihubiri Habari Njema (m.21-22, Mara siku ya sabato akaingia katika sinagogi, akafundisha. Wakashangaa mno kwa mafundisho yake; kwa maana alikuwa akiwafundisha kama mtu mwenye amri, wala si kama waandishi. M.39, Akaenda akihubiri katika masinagogi yao, katika nchi yote ya Galilaya). Kimwili Yesu aliwasaidia kwa kuponya magonjwa yao. Walikuwa wakimletea wote waliokuwa hawawezi, na wenye pepo (m.32). Ni muhimu sana sisi Wakristo kuzingatia kuwa Yesu alitofautisha kati ya wagonjwa wa kawaida na wenye pepo! 1. Alimponya mtu mwenye pepo kwa kumkemea pepo (m.23-27). 2. Alimponya mtu mwenye homa ya kawaida (m.29-31). Tusiwatie watu hofu ya kuwa na pepo kama hawana!