Pata programuSoma Biblia Kila Siku Oktoba 2021Mfano
Ufu 4-5 unahusu kustahilishwa na utukufu wa Kristo. Yohana anatupa kwanza hali ya mbinguni ili kutufanya tusitishwe na yanayotokea duniani. Halafu zinatolewa sifa zinazomhusu Mungu mwumbaji: Umestahili wewe, Bwana wetu na Mungu wetu, kuupokea utukufu na heshima na uweza; kwa kuwa wewe ndiwe uliyeviumba vitu vyote, na kwa sababu ya mapenzi yako vilikuwako, navyo vikaumbwa (m.11). Kisha, katika 5:5-9, unasifiwa vilevile ushindi wa Kristo dhidi ya nguvu za uovu. Wale wazee 24 wanawakilisha watu wote wa Mungu, wa agano la Sinai na wa agano jipya la Kristo. Wameunganishwa katika Kristo na kuongozwa na Roho Mtakatifu. Jamii hii iliyokombolewa inamwabudu Kristo. Je, uko tayari kumsifu Mkombozi wa uumbaji wote?
Andiko
Kuhusu Mpango huu
Soma Biblia Kila Siku Oktoba 2021 ni mpango mzuri wa kusoma biblia sehemu kwa sehemu kila siku kwa mwezi wa oktoba, pamoja na ufafanuzi mfupi wa kukusaidia kuelewa na kutafakari zaidi Neno la Mungu. Katika mpango huu utasoma zaidi Zaburi, 2 Samweli na Ufunuo. Karibu kujiunga na mpango huu.
More
Tungependa kuishukuru Soma Biblia kwa kutoa mpango huu. Kwa habari zaidi, tafadhali tembelea: http://www.somabiblia.or.tz/
