Kusudi La KirohoMfano

Upambanuzi wa kusudi letu la kiroho hutupatia tumaini katikati ya majaribu yanayo tukabili.

Neno la Yeremia la kutia moyo kwa Waisraeli kwenye ukingo wa kukata tamaa lilikuwa kwamba Mungu alikuwa akifanya kazi katikati ya machafuko yao. Yeremia aliwafariji watu kwa maneno haya:

“‘Kwa maana najua mipango niliyo nayo kwa ajili yenu,’ asema Bwana, ‘mipango ya ustawi na si msiba ili kuwapa ninyi wakati ujao na tumaini’” (Yeremia 29:11).

Waisraeli wangeweza kukaa, kujenga nyumba, na kutafuta ustawi wa mji ambao Mungu alikuwa amewapeleka uhamishoni (Yeremia 29:7) kwa sababu walijua kuwa Mungu alikuwa na mipango ya kurejesha ustawi wao na kuwakusanya kutoka mataifa yote na kutoka kwenye mahali ambapo alikuwa amewafukuza (Yeremia 29:14).

Tunapoelewa kusudi letu la kiroho likiwa na mizizi yake katika utu wake Mungu, na alituumba tuwe nani, tunaweza kutazama nyuma, kama Yusufu, juu ya majaribu na maeneo yenye fujo maishani, tukijua kwamba Mungu amekuwa nasi siku zote (Mwanzo 39:3, 21). Tunaweza kusema kwa ujasiri, kama vile Yusufu alivyowaambia ndugu zake,

“Mlinikusudia mabaya, lakini Mungu alikusudia kuwa mema ili kuleta matokeo haya ya sasa, kuwahifadhi hai watu wengi” (Mwanzo 50:20).

Ninataka kuleta kwa ukumbusho wako tukio kutoka kwa filamu ya Indiana Jones na Vita Vya Msalaba Vya Mwisho. Wakati watu wabaya walipoiba ramani ili kutafuta kikombe kilichoaminika kwamba Yesu alitumia kwenye usiku ule aliosalitiwa nacho pia kilisemekana kuwa na nguvu za uponyaji kutoka kwa Indiana Jones na babake, Indiana alitatanishwa ni nini atakachofanya baadaye. Baba yake, hata hivyo, alimkumbusha mwanawe kuwa asiwe na wasiwasi, kwa sababu yeye ndiye alikuwa amechora ramani mara ya kwanza.

Wakati maisha yetu wenyewe yanaonekana kutokuwa na mwelekeo, tunahitaji kukumbuka kwamba Baba yetu wa Mbinguni tayari amechora kwa uangalifu ramani za maisha yetu (Zaburi 139:13 – 16). Tunapomtafuta Mungu na kumjua Yeye kwa ukaribu zaidi, Yeye atatoa mwelekeo kwa maisha yetu yasiyo na mwelekeo, akitupa faida ya kusudi la kiroho.

Tunatumai kuwa mpango huu umekuhimiza. Ili ujue zaid kuhusu huduma ya Tony Evans, bofya hapa.