Soma Biblia Kila Siku 12/2024Mfano

Yesu analinganisha kurudi kwake na mwizi anavyoingia katika nyumba. Mwizi huingia kwa mtu saa asiyojua na hutenda uharibifu wa kusikitisha. Hiki ni kielelezo kizuri kuonyesha inavyotupasa kukesha tukimngoja Bwana wetu. Kuna hatari ya sisi kukutwa tumelala kiroho arudipo Bwana wetu. Epuka hatari hiyo kwa kumtumikia kwa uaminifu, kama Yesu anavyotuhimiza katika m.45-46:Ni nani basi yule mtumwa mwaminifu mwenye akili, ambaye bwana wake alimweka juu ya nyumba yake, awape watu chakula kwa wakati wake? Heri mtumwa yule, ambaye bwana wake ajapo atamkuta akifanya hivyo. Fanya kama walinzi wafanyavyo: wao wanajua kuwa kukaa macho, kusikiliza na kuchunguza kila tendo lenye mashaka maishani ndiyo njia ya kujiepusha na hasara.