Lucas 12இலிருந்து பிரபலமான வேதாகம வசனங்கள்

பகிர்

Ajinallatataj qankunapis wakichisqa kanaykichej tiyan, imaraykuchus mana suyashajtillaykichej Diospa Churin ujtawan jamonqa, nispa. Ajinata Jesús yachachisqankunaman yachacherqa.

Aswanpis, qankuna Diospa kamachiyninpi sonqoykichejta churaychej, jinapitaj Dios chay waj imakunata yapata jina qosonqachej.

Chantá nillarqataj: Qankunaqa tukuy imata astawan astawan munanamanta sumajta qhawakuychej. Mana yuyanachu qhapaj kayqa allin kawsayman runata apasqanta, nispa.

Chayta ruwaychej, imaraykuchus maypichá kapuyniykichej kashan, chayllapitaj sonqoykichejpis kanqa.

Mayqentaj qankunamanta anchata phutikuspa, khuskan metrota jina sayayninman yapaykukunmanri?

Chantá Jesús yachachisqankunata nerqa: Chayrayku niykichej: Kawsanaykichejpaj imatachus mikhunaykichejmanta ama phutikuychejchu, nitaj imawanchus p'achallikunaykichejmantapis.

Ajinallataj Diospis qankunamanta mana qonqanchu. Umaykichejpi chujchaykichej mashkhachus kasqankuta yachallantaj. Chayrayku ama manchachikuychejchu, imaraykuchus qankuna aswan valorniyoj kankichej ashkha p'isqokunamanta nisqaqa, nispa.

Qankuna pisi t'aqa oveja jinalla kaspapis, ama manchachikuychejchu, imaraykuchus Tataykichej kamachishaspa, mayta munan paywan khuska kamachinaykichejta.

Qhawariychej: P'isqokunaqa mana tarpunkuchu nitaj ruthunkuchu, nillataj mikhuna jallch'ananku kanchu, nitaj pirwankupis. Chaywanpis Dios paykunata mikhuchin. Manachu qankuna aswan valorniyoj kankichej chay p'isqokunamanta nisqaqa?

Chayrayku ama llakikuychejchu imatachus mikhunaykichejmanta, chayrí ujyanaykichejmantapis. Amallataj chay imakunarayku phutikuychejchu.

Sichus Dios chay jinata campo qhorata p'achallichin, mayqenchus kunan wiñan q'ayataj ninapi ruphachisqa kanqa chayqa, qankunamanpis astawan sumajta p'achallichisonqachej. Jina kajtenqa, imaraykutaj paypi mana atinikunkichejchuri?

Tukuy pakasqa kajpis jinallataj mana sut'inchasqa kajpis sut'inchakonqapuni.