Byak 1இலிருந்து பிரபலமான வேதாகம வசனங்கள்

பகிர்

Kwonka imwe, Mutima Orikwera ku aribaijaho, muryaheebwa amaani, kandi muryaba baakareebi bangye omuri Yerusalemu n'omuri Buyudaaya yoona, na Samariya n'okuhitsya ahu ensi egarukira.

Yaabagarukamu ati: Ti kyanyu kumanya obunaku, nari ebiro ebi Tata yaataisizeho obushoboorozi bwe.

Ku yaabaire ari hamwe nabo aha byokurya, yaabeehanangiriza okutaruga muri Yerusalemu, kureka okutegyererezayo eki Ishe yaaraganiise. Yaabagira ati: Nikyo ekyo eki mwahuriire ningambaho nti: Yohaana akabatiza n'amaizi, kwonka imwe, omu biro bitari bingi okwiha hati, muryabatizibwa na Mutima Orikwera.

Ku yaaherize kufa, yaabeeyoreka emirundi mingi omu miringo erikuhamya ku ahuriire, kandi yaamara ebiro makumi ana naababonekyera, naabagambira eby'obukama bwa Ruhanga.

Ku yaaherize kugamba ebyo, yaatwarwa ahaiguru nibamureeba, ekicu kyarugaho kyamubakingira.

Ku baabaire bakihangire eiguru amaisho naagyenda, ahonaaho haaboneka abashaija babiri bajwaire ebirikwera, beemereire haihi nabo. Baabagira bati: Imwe Banyagalilaaya 'mwe, ekibeemereize aha nimureeba ahaiguru ni ki? Yesu ogwo owaabaihwaho akatwarwa omu iguru, nikwo arigaruka atyo nk'oku mwamureeba naazayo.