Byak 2இலிருந்து பிரபலமான வேதாகம வசனங்கள்

பகிர்

Petero yaabagarukamu ati: Mwegarukyemu, buri omwe omuriimwe abatizibwe omu iziina rya Yesu Kristo, mubone kusaasirwa ebibi byanyu; kandi nimwija kuheebwa ekiconco kya Mutima Orikwera.

Abo bakaguma nibeezirikira ebi entumwa zirikubeegyesa, nibakwatanisa nazo, nibacwamu nazo omugaati kandi nibashaba nazo.

Boona baijura Mutima Orikwera, baatandika kugamba endimi ezindi nk'oku Mutima yaabahaire kuzigamba.

Ahonaaho baahurira okuhoorera nk'okw'omuyaga gw'amaani nikuruga omu iguru. Kwaijura enju yoona ei baabaire bashutamimu, kandi baareeba ekirikushusha endimi z'omuriro; ezo ndimi zaayebaganisamu, zaaza ahari buri omwe omuribo. Boona baijura Mutima Orikwera, baatandika kugamba endimi ezindi nk'oku Mutima yaabahaire kuzigamba.

Buri izooba bakaba baza kumwe omuri Nyaruju, kandi bateeranira hamwe omu maka gaabo kucwamu omugaati; barya ebyokurya byabo bashemereirwe, baine omutima murungi, nibahimbisa Ruhanga kandi nibasiimwa abantu boona. Buri izooba Mukama yaaguma naabongyeraho abarikujunwa.

Ruhanga akagira ati: Omu biro by'aha muheru, ndyashuka Mutima wangye aha bantu boona. Batabani baanyu, na bahara baanyu baryaranga, abatsigazi baanyu baryabonekyerwa, n'abagurusi baanyu baroote ebirooto.

Abaikiriize abo boona bakaguma bari hamwe, nibakwatanisa omu bi batungire byona. Bakaba batunda ebintu byabo n'ebi baine; ebyarugamu babibagana, nibareeba aha bukyene bwa buri omwe.

Kandi obwo, weena orihoogyera eiziina rya Mukama, aryajunwa.

Eizooba riryahinduka omwirima, n'okwezi kube eshagama, ekiro kya Mukama ekikuru kandi eky'ekitiinisa kitakahikire.