Mateo 24இலிருந்து பிரபலமான வேதாகம வசனங்கள்

பகிர்

Onchakel pay i ngaaw, isonga sema gwa-gwa-chen too, onkapsot i semek ched echom. Nem sema memasig a memati ingkathod kekcheng na diga-digat to, maysalakan.

Sema mapteng a chamag maypangkep na pantorayan Afo Chiyos, maykaskasabed emiin a ili say iki-ngelan na emiin a too, et onmothok aliy kekcheng niyay a timpo.”

Iki-ngelan jo pay i maypangkep na kobat cha iyay-esop a ili tan kobat cha aragwin ili, nem enog i chanag. Tep mesepol a mepesamak ira man, nem nat seman nin i pantepos na dobong.

Tep sa-kin ili, kobathen toy sa-kin ili, tan sa-ki ngon gobirno, kobathen toy sa-kin gobirno. Gwara di pay iriy jegjeg cha chakel a dogad, tan gwara di pay iriy bithil. Nem emiin ira man a mepesamak, singen inges toy pilmiron sahit na pan-enak na bii.

Sema gwared iyaykayang tan chiya dobong, mepokaw, nem sema ese-esel ko, eg mepoka-pokaw.”

Tep chakel aliy toon onkowan a mengosal na ngaran kon mengowan i ‘Si-kak i Cristo,’ et chakel i saolen cha.

“No sa-ki din akow, iawat cha kayod gwariy karebengan to say pedigathen cha kayo tan bonoen cha kayo. Et sema ngo iren emiin a too, owesen cha kayo tep naemati kayod si-kak. No seman a timpo, chakel i man-olay na pamati red si-kak, et traidoren chiy echom cha tan owesen cha ngo ira. Chakel i naiyan-ite-itek a profiten onbo-day, et chakel i saolen cha.

Insongbat Jesus i “Pantanchaan kayo, nahol ni mesaol kayo.

Isonga, mesepol ngon mansagana kayo tep si-kak a Anak na Too, onkowanak ali na oras a eg jo namnamaen.

Isonga, pansagana kayo na olay tep eg jo amta i koston akow a ioli di na Afo yo.

Intoloy Jesus a engowan i “Nagwariy mahaamta na oras tan akow na iolik ali. Angken sema iren anghilis cha dangit tan si-kak a Anak Afo Chiyos, eg mi amta. Si Afo Chiyos a Awa bengat i mahaamta.

Tep gwariy mansao-saol a toon manparang a mengowan i si-kara konoy Cristo tan profita kono. Mengemag ira na kaskasdaaw a sinjal tan milagro say no mebedin, saolen chiy angken toon pinispis Afo Chiyos.

No timpo na iolik alin Anak na Too, say niyan-amaga na tothoo, inges to ngoy niyan-amaga na tothoo nonta timpon Noah. Tep nontan a timpon nat ingkajowjow nin na dobong, kekinakan, kaininom, tan kainimbaliy i tothoo ingkathod akow a insekep Noah cha bapor a imag to. Nat igwathan iren ma too iriy emanekot a chanchanin mepesamak. Tep nonta ejowjow i dobong tan aanod iren emiin, nontan bengat a iyamtaan cha i metiy ma ira. Et inges niwan ngo no onkowanak alin Anak na Too.