Joan 17இலிருந்து பிரபலமான வேதாகம வசனங்கள்

பகிர்

Tege heid pühikš ičeiž todel. Sinun sana om tozi.

I igähine elo om siš, miše hö tundeba sindai, üksjaižen todesižen Jumalan, i händast, kudamban oled oigendanu, Iisusan Hristosan.

Minä en loiče vaiše heiden poles, no mugažo neniden poles, kudambad heiden sanoiden kal՚t uskoba minuhu. Minä loičen, miše hö kaik oližiba üks՚, ninga kut sinä, Tatam, oled minus i minä sinus, miše hö-ki oližiba meiš kuti üks՚, i mir uskoiži, miše sinä oled oigendanu mindai.

Minä en pakiče, miše sinä otaižid heid miruspäi, no miše kaičižid heid pahaspäi.

Sen korktan arvon, kudamban sinä oled andnu minei, olen minä andnu heile, miše hö oližiba üks՚, ninga kut mö sinunke olem üks՚. Ku minä olen heiš, i sinä oled minus, siloi hö oma kogonaz üks՚, i mir el՚gendab, miše sinä oled oigendanu mindai i oled armastanu heid muga, kut mindai.