Yoane 10
10
1NSOSOLO, nsosolo, nsangel’inyo, ofotswa nda wiso w’efongelo ea mpate; lolo aunda nda wij’omo ale wiyi la bofunzi. 2Lolo ondotswa nda wiso end’ale wesanyi owa mpate. 3Ondesanya wiso aolokomboz’ekuke; ko mpate boka lolaka lokae; ko aeta mpate ikae mongo l’aina, ko aoz’iko. 4Asiz’ende looza mpate ikae mongo iuma, aoleka nda joso likiyo, ko mpate bakim’ende; ele mpate bea lolaka lokae. 5Ko bafaokima bofaya, lolo bifolot’ende: el’iko bafea lolaka j’ofaya. 6Yesu aolasangela esongany’ene, lolo iyo ntabakotola baoyi baki’nd’oasangelaka.
7Nd’ewel’eko, aokel’iyo lenkina, Nsosolo, nsosolo, nsangel’inyo, Emi nde ekuke ea mpate. 8Iy’auma bayaki nda joso likami baki baiyi la bafunzi; lolo mpate ntabok’iyo. 9Emi nde wiso: ng’onto aotswa l’emi, ifoika, ko ifotswa, ko ifola, ko ifotan’elelo ea toma. 10Wiyi aoya la ncina emoko kika wae aiya, ko aome, ko afite, Emi njoya wae baate loiko, ko baate loko o mpafula. 11Emi nde Wesanyi owa mpate ow’olotsi; Wesanyi owa mpate ow’olotsi ambya loiko lokae nd’eloko ea mpate. 12Bosali ofa Wesanyi mongo, ko afa bomongo mpate, anden’ende nkoi eoya, asundola mpate, ko aolota, ko nkoi akanda mpate, ko aofanzola iko: 13bosali alotaka el’ende ale bosali kika, ko afokanela mpate. 14Emi nde Wesanyi ow’olotsi; ko njea bakami mongo, ko bakami mongo banjea emi, 15nk’eleng’enjea Fafa emi, ko endea emi Fafa: ko njambya loiko lokami nd’eloko ea mpate. 16Koko nde la mpate imo ifa ba botong’one: bolotsi wae njel’iyo ngoko, ko bifokoza lolaka lokami; ko bifoyalema botonga bomoko, la Wesanyi bomoko. 17Nd’ewel’ene Fafa ekami aonjok’eefe, el’emi njambya loiko lokami wae njambole loko lenkina. 18Nk’onto omponola loko, lolo njambya loko nk’emi mongo. Nde la mpifo wae njambya loko, ko nde la mpifo wae njambole loko lenkina. Lone wete lotomo loki Fafa ekami ontomaka.
19Ba-Yuda baut’okafwana nd’ewela ea baoyi’ane. 20Bouke’okiyo baokela, Ale la demona, ko asongwa; lokoza lae? 21Bankina bakela, Bine bifa bitefelo bi’onto ole la demona. Kamba demona akuseya olifol’aiso b’anto bawei’aiso?
22Ko elambo ea Esekyelo eoliela nda Yelusalema: eki ekeke ea mpio: 23ko Yesu ayolande nd’ilombe ya Nzakomba nda mbalasai ea Solomona. 24Nkako Ba-Yuda baofoengamela, ko baolokela, Otokakaanya elingi na? Nkin’ole Masiya, otosangele fole. 25Yesu aolaamba, Njosangel’inyo, lolo lofimeza: belemo bekamb’emi nda lina ja Fafa ekami, beko besanga nsango nd’eloko ekami. 26Lolo inyo lofimeza, el’inyo lofa mpate ikami. 27Mpate ikami boka lolaka lokami; njea iko ko bankim’emi; 28ko njaka iyo loiko ja seko, ko bafaofitana nye: ko nk’onto omponol’iyo lima likata likami. 29Fafa ekami onkaak’iyo aolekola bauma, ko nk’onto okuseya lofonola Fafa iyo lima likata likande. 30Emi la Fafa tole nk’omoko. 31Ba-Yuda baolambola lenkina bikenje wae busel’ende. 32Yesu aolaamba, Njoleney’inyo bouke wa belemo bi’olotsi lim’ele Fafa ekami; l’elemo’eko, inyo londusela bikenje nd’ewela ea bolemo na? 33Ba-Yuda baoloamba, Tofokusele bikenje nd’ewela ea bolemo w’olotsi, lolo nd’ewela ea tosaola tosaola we Nzakomba; ele we, bonto kika, w’okela we mongo Nzakomba. 34Yesu aolaamba, Joi line lifokotama nd’onkand’okinyo wa Nzakomba nde? Nkelaki inyo lole nzakomba? 35Nkin’atang’iyo nzakomba baki joi ja Nzakomba okaemaka (ko bikotelo bia Nzakomba ntabisenzwaka) 36inyo lokela nd’eloko e’one oki Fafa ouzaka nd’oeko, oki’nd’otomaka nd’okili, Osaola Nzakomba: eki’m’okelaka, Emi nde Bona owa Nzakomba? 37Ayaka mpokambe belemo bia Fafa ekami, talonjimezake. 38Lolo ayaka njokambe beko, nkina lofonjimez’emi, limezaka belemo: wae lea ko lokotola wae Fafa al’el’emi, ko emi nd’el’ende. 39Baolasa lenkina lokand’ende, lolo aolimana lim’akata’akiyo.
40Koko aut’okenda wij’a Yoladane nd’itenela iki Yoane oinaka banto nda joso: ko aoyala eko. 41Ko bant’auke baoy’el’ende; ko bakela, Nsosolo, Yoane ntakelaki lotaza lomoko: lolo baoyi’auma baki Yoane osangaka nd’eloko ea bont’one baki nsosolo. 42Koko bant’auke baoloimeza eko.
தற்சமயம் தேர்ந்தெடுக்கப்பட்டது:
Yoane 10: NTMN58
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Bonkanda Wa Nzakomba W’aeyoko © Aliiance Biblique de la RD Congo, 1958.