Ləwke Ghəa ghena
Ghəa ghena
Nahe Ghena kwatenca nya ganyɛ nya rafete Ləwke kencɛte Yɛsə bake zhigə kaNde mbele ŋkwa nya kemeɗeyi nda geva ke Israyɛl ba'a kaNde mbele pɛtɛa hwelefe ta wəndə ŋelɛ. Nahe Ləwke keɓelate tsema tsema hekakɛ geva Yɛsə laka Sefəa Mahwətə kezha kele nda Ghena kwatenca nya ganyɛ ke ka titikwəa kɛfi, 4.18. Nahe zləvə kenza te ghena ta zlama mbe Ləwke, halama geze ta se ta Yɛsə mbe kwa ghate ta bela ba'a dzeme ghweme ta ŋkɛ mbe kwa keɗaŋe ta bela. Nahe ghena kele ba'a pesle geva ta yɛ ta ka Kriste kwa sebe ta dzeme ghweme ta Yɛsə kegezete geva laka Ləwke mbe Palepa ta slene.
Deke Ləwke nde rafete ciməa ka ghwene ta Shala, se ta ka ya wəshi te vəa ya ta Yɛsə, Yɛsə mbe ghɛa Shala te və nya nza ŋkɛ kadɛgwə, ghena ta nde Samari nya ndeɗe mehele ba'a wəzege nya kezanyɛ. Ma mbe palepa shɛ ne, nahe zləvə kevate geva te səkwə ghə, Sefəa Shala, wəsə nya menete mi mbe slene ta Yɛsə ba'a kele jaɗafa ta Shala seyi te wənə.
Nehe ta wəshi nyi mbe
Gha ta ghena 1.1-4
Ya ba'a kele ta yɛ Zhaŋe Batiste le Yɛsə 1.5–2.52
Slene ta Zhaŋe Batiste 3.1-20
Batɛme ba'a dzeghe ta Yɛsə 3.21–4.13
Slene ta Yɛsə hwa mbeli mbe Galilɛ 4.14–9.50
Slə mbe Galilɛ hwa'a mbe Zhɛrəzalɛm 9.51–19.28
Kwa keɗaŋe shikwə mbe ba'a dzeyi yitea Zhɛrəzalɛm 19.29–23.56
Same kwa kwele, yɛ ncɛ ghə ba'a dzeme ghweme ta Nde sleke ŋkwa 24.1-53
தற்சமயம் தேர்ந்தெடுக்கப்பட்டது:
Ləwke Ghəa ghena: BEK12
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
La Bible en langue Kapsiki avec les livres deutérocanoniques © Alliance Biblique du Cameroun 2012.