Chivkeeb 16
16
Hankas Thiab Yisamayees
1Anplas tus pojniam uas yog Xalais yeej xeeb tsis taus tub rau Anplas li. Tiamsis Xalais muaj ib tug ntxhais qhev uas yog neeg Iziv hu ua Hankas, 2ces Xalais txawm hais rau Anplas tias, “Tus TSWV tsis pub kuv muaj menyuam. Yogli ntawd, koj ciali mus nrog kuv tus ntxhais qhev pw, tejzaum nws yuav muaj taus menyuam rau kuv.” Anplas kuj ua rawsli Xalais hais ntawd.
3Yogli ntawd, Xalais thiaj muab Hankas rau Anplas ua nws tus niamyau. (Qhov no yog tomqab uas Anplas twb los nyob rau hauv tebchaws Kana-as tau kaum xyoo lawm.) 4Anplas mus nrog Hankas pw, ces Hankas txawm xeebtub. Thaum nws paub tias nws xeebtub lawm, nws txawm khavtheeb thiab saib tsis taus Xalais.
5Ces Xalais hais rau Anplas tias, “Tim koj es Hankas thiajli saib tsis taus kuv.#16:5: Tim koj … kuv; lossis Thov kom koj raug txomnyem rau tej kev phem uas kuv raug no. Kuv yog tus uas muab nws rau koj, tiamsis txij thaum nws paub tias nws xeebtub lawm, ces nws txawm ciali saib tsis taus kuv. Thov tus TSWV ua tus txiavtxim seb wb leejtwg ua yog, koj lossis kuv!”
6Anplas teb tias, “Nws yog koj tus ntxhais qhev uas koj tswjhwm, koj ciali ua rau nws rawsli koj pomzoo.” Ces Xalais thiajli tsimtxom Hankas hnyav heev, Hankas thiajli khiav lawm.
7Tus TSWV tus timtswv los ntsib Hankas rau ntawm ib lub qhovdej txhawv uas nyob hauv tiaj suabpuam ntawm txojkev uas mus rau tom lub nroog Saws 8thiab nug hais tias, “Hankas uas yog Xalais tus ntxhais qhev, koj tuaj qhovtwg tuaj thiab koj yuav mus qhovtwg?”
Hankas teb tias, “Twb yog kuv khiav Xalais uas yog kuv tus tswv.”
9Tus timtswv hais tias, “Koj ciali rovqab mus cuag Xalais, thiab txo koj tuskheej ua nws tus ntxhais qhev.” 10Tus timtswv rov hais ntxiv tias “Kuv yuav pub rau koj muaj cajces coob heev, yuav tsis muaj leejtwg suav txheeb li. 11Koj yuav yug ib tug tub, thiab koj yuav tis nws lub npe hu ua Yisamayees,#16:11: Yisamayees: Lub npe no lus Henplais txhais hais tias “Vajtswv hnov.” rauqhov tus TSWV twb hnov koj lub suab quaj vim koj txoj kev txomnyem siab lawm. 12Tiamsis koj tus tub yuav ua lub neej li tus neesluav qus; nws txhais tes yuav tawmtsam txhua leej txhua tus, thiab txhua leej txhua tus txhais tes yuav tawmtsam nws. Nws yuav ua neej nyob nrug deb ntawm nws cov txheebze.”
13Hankas nug nws tuskheej hais tias, “Puas yog kuv pom Vajtswv tiag, thiab kuv tseem muaj sia nyob qhia txog zaj no?”#16:13: Nqe no sau hais tias muaj sia nyob qhia txog zaj no?; paub tsis meej tias lolus Henplais yog txhais licas tiag txog qhov no. Yogli ntawd, nws thiaj tis npe rau tus TSWV uas nrog nws haislus ntawd tias, “Vajtswv tus uas Pom kuv.” 14Vimli ntawd neeg thiaj hu lub qhovdej uas nyob nruabnrab ntawm Kades thiab Npelej hu ua Npe-aws Lahais Lau-is (uas txhais hais tias, “Lub Qhovdej ntawm Tus Muaj Sia Nyob Uas Pom Kuv”).
15Hankas yug tau ib tug tub rau Anplas, thiab Anplas muab nws tis npe hu ua Yisamayees. #Kalat 4:22 16Lub sijhawm ntawd Anplas muaj hnubnyoog yimcaum-rau xyoo.
தற்சமயம் தேர்ந்தெடுக்கப்பட்டது:
Chivkeeb 16: MWW2022
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2022 United Bible Societies. All rights reserved.