Matayo 1
1
Amazina ya ba sekuruza ba Yesu Kristo
1Igitabo kidondora ukuvuka kwa Yesu Kristo, umwana wa Dawidi, Dawidi wa Aburahamu.#Luk 3:23–38#1 Ngo 17:11; Ita 5:1; 22:18
2Aburahamu yavyaye Isaka, Isaka yavyaye Yakobo, Yakobo yavyaye Yuda n’abandi bavukana,#Ita 21:3, 12; 25:26; 29:35; 49:10; 1 Ngo 1:34 3Yuda yavyaye Peresi na Zera kuri Tamari, Peresi yavyaye Hesironi, Hesironi yavyaye Ramu,#1 Ngo 2:5, 9; Ita 38:29, 30; Rus 4:18–22 4Ramu yavyaye Aminadabu, Aminadabu yavyaye Nahasoni, Nahasoni yavyaye Salumoni,#1 Ngo 2:10–12 5Salumoni yavyaye Bowazi kuri Rahabu, Bowazi yavyaye Obedi kuri Rusi, Obedi yavyaye Isayi,#Rus 4:13–17 6Isayi yavyaye umwami Dawidi.
Dawidi yavyaye Salomo kuri muka Uriya,#2 Sam 12:24 7Salomo yavyaye Rehobowamu, Rehobowamu yavyaye Abiya, Abiya yavyaye Asa,#1 Ngo 3:10–14 8Asa yavyaye Yehoshafati, Yehoshafati yavyaye Yoramu, Yoramu yavyaye Uziya, 9Uziya yavyaye Yotamu, Yotamu yavyaye Ahazi, Ahazi yavyaye Hezekiya, 10Hezekiya yavyaye Manase, Manase yavyaye Amoni, Amoni yavyaye Yosiya, 11Yosiya yavyaye Yekoniya n’abandi bavukana, mu gihe co kwambukanwa i Babuloni.#1 Ngo 3:15, 16
12Kuva mu gihe co kwambukanwa i Babuloni Yekoniya yavyaye Shalutiyeli, Shalutiyeli yavyaye Zerubabeli,#1 Ngo 3:17; Ezr 3:2 13Zerubabeli yavyaye Abihudi, Abihudi yavyaye Eliyakimu, Eliyakimu yavyaye Azori, 14Azori yavyaye Sadoki, Sadoki yavyaye Akimu, Akimu yavyaye Elihudi, 15Elihudi yavyaye Eleyazari, Eleyazari yavyaye Matani, Matani yavyaye Yakobo, 16Yakobo yavyaye Yosefu, umugabo wa Mariya nyina wa Yesu yitwa Kristo.#Mat 27:17, 22
17Nuko ba sekuruza bose guhera kuri Aburahamu gushitsa kuri Dawidi n’icumi na bane, kandi guhera kuri Dawidi gushitsa ku gihe co kwambukanwa i Babuloni n’icumi na bane, kandi guhera ku gihe co kwambukanwa i Babuloni gushitsa kuri Kristo n’icumi na bane nyene.
Ukuvuka kwa Yesu Kristo uko kwagenze
18Ukuvuka kwa Yesu Kristo kwabaye gurtya: nyina Mariya yar’ akowe na Yosefu ataramurongora bamubona afise inda yavuye kuri Mpwemu Yera.#Luk 1:35 19Ariko Yosefu, umugabo wiwe, kukw ar’ umugororotsi, kandi kukw atagomvye kumutetereza, yiyumvira kumubengera mu mpisho. 20Akivyiyumvira, umumarayika w’ Umwami Imana amwiyerekera mu nzozi, aramubarira, ati Yosefu, mwana wa Dawidi, ntutinye kurongora Mariya umugeni wawe, kukw atwaye inda ya Mpwemu Yera. 21Azovyara umwana w’umuhungu, nawe uz’ umwite YESU, kukw ari we azokiza abantu biwe ivyaha vyabo.#Luk 1:31; 2:21; Ivyak 4:12 22Ivyo vyose vyabaye birtyo ngw ivyo Umwami Imana yavugiye mu kanwa k’uwavugishwa na we biboneke,#Yes 7:14
23ngo Rāba, inkumi izotwara inda, ivyare umwana w’umuhungu,
Bazomwita Imanuweli;
risobanurwa ngw Imana iri kumwe natwe. 24Yosefu yikanguye aravyuka, agira nk’uk’ umumarayika w’Umwami Imana yamubariye, arongora umugeni wiwe. 25Kandi ntiyigera amwēgēra gushitsa aho yavyariye umwana w’umuhungu; araheza amwita YESU.#Luk 2:7
தற்சமயம் தேர்ந்தெடுக்கப்பட்டது:
Matayo 1: RUN1967
சிறப்புக்கூறு
பகிர்
நகல்
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fta.png&w=128&q=75)
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்