युहन्ना किताबके परिचय
किताबके परिचय
यि सुसमाचारके किताब येसुके चेला युहन्ना लिखने छै। यि किताबमे कतहेक बेर “येसुके परेम करैबला चेला” कैहके एकटा चेलाके बारेमे कहल छै। उ चेला लेखक युहन्ना आपने छेलै। येसुवे परमेस्वरके बेटा आ परतिग्या करल मुक्तीदाता चियै कैहके लिखने छै। यि सुसमाचार परहैबला ओहै लखा बुइझके बिस्बास करे आ बिस्बाससे उसब जिबन पाबे तै हेतुसे लिखल गेलै २०:२१।
अनन्त जिबन त खिरिस्टसे मिलैछै। यि अनन्त जिबन त येसुके बाट, सत आ जिबन माइनके ओकरलग आबैबलाके मिलैछै (युहन्ना १४:६, १७:३)। अइ सुसमाचारमे अजगुतके बात यि छै कि आत्माके बात बुझाइके लेल पानी, रोटी, इजोत, चरबाहा, भेरा, अङगुरके लती आ फरसब जखा सधारन चिजसबसे दिस्टान्तमे सिखाइने छै।
येसु परमेस्वरके बेटा चियै कैहके परमानित करैले युहन्ना सातटा येसुके करल अचमके कामसबके बारेमे बखान करने छै। जहिना:
पानीके दाखमधमे परिबरतन २: १-११
रोगी-बिमारीसबके निक करल्कै ४:४३-५४, ५:१-१५, ९:१-१२
पाँच हजार लोकसबके खिएल्कै ६:१-१४
पानीके उपरमे चल्लै ६:१६-२१
लाजरसके मरलसे जिबित करल्कै ११:१-४४
येसु समय आ अपने-आपके परमेस्वरके समान ठहराइल्कै ५:१८, ८:५८-५९, १०:२२-३९, १४:८-११
युहन्ना नया नियमके “युहन्ना” नामके तिनटा चिठी लिखल्कै। उ खिरिस्टसे परकास पाइबके ओहैके बारेमे उ नया करारके अन्तिम किताबमे लिखल्कै।
बिसय-सुची
सुरुके भुमिका १:१-१८
बप्तिस्मा दैबला युहन्ना आ येसुके चेलासब १:१९-५१
येसुके करल समाजके सेबा २:१-१२:५०
यरुसलेम सहरके अखापखा बितेल्हा अन्तिम दिनसब १३:१-१९:४२
येसुके अन्तिम भोज १३:१-३०
येसुके अन्तिम अरती १३:३१-१६:३३
येसुके परथना १७:१-२६
येसु परकल गेलै आ कुरूसमे मरलै १८:१-१९:४२
येसु मरलसे जिबित भेल आ मरलाके बादो देखापरल २०:१-३१
येसु फेनो गालिलमे देखा परल २१:१-२५
தற்சமயம் தேர்ந்தெடுக்கப்பட்டது:
युहन्ना किताबके परिचय: MTH
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2024 (Active), Wycliffe Bible Translators, Inc. All rights reserved.