Hogusra 11
11
1Egi managre harnaj hit’era hishankirana egi hoit’era hishankirana.
2Egi wauinena wiaxebhu sanigeja hikiware harairena hosunsh nige hirahirena Shinar mainja egi eja jhirena.
3Egi wakigairena: Hinawianaga ini tashuj hiunkjawina egi s’i tashuj hiwahikjawina. Egi ini tashuj hiuinena inira e herewahire egi rexoro wirara‐ax hiuinena hirakira‐ax hiuine.
4Egi wairena: Hinawianaga jhinagra hisha hinkik’unkjawina egi jhi‐hankshira, e hissawara maxiwangeja hirakerekjena, egi rash hinkik’unkjawina, inke managre harnaj wangoe‐ranikjawina.
5Egi Jehowa jhinagra hajajina egi jhi‐hankshira, e wankshig ninkjangra uinera.
6Egi Jehowa wena: Horuxujre wankshignagre hishankira hiregaja egi harnaj hit’era hishankira hiregaja. Egi de‐e un hajiarairare egi inke washanisha rushag hiranikjanegaja washanisha uinekje hirairegi.
7Hinawianaga harnukanag‐wianaga egi hit’e warninera hikirupana hirekjena, hit’et’era inke nankixgu hiranikjege.
8Egi Jehowa eja managre harnaj hoerare‐wahina egi jhinag una rushjainena.
9Esge rashra Babel higairena, Jehowa eja hit’era hikirupana wahige maneginagra harnaj. Egi Jehowa eja managre harnaj hoerare‐wahina.
10De‐e Shem hokijhu harnira herena. Shem ma hogihishangaja egi Arphaxshad hagarninena nijanaga hageja ma nupahanegi.
11Egi Shem Arphaxshad hagarninanaga hageja ma hogihi‐sajaha wankshig‐ina, egi hinigwahi jhuna egi hinugwahi.
12Egi Arphaxshad ma kerepana‐danianaga egi saja hashanaha wankshig‐ingaja egi Shalah hagarninena.
13Arphaxshad Shalah hagarninanaga hageja ma hogihijop‐hanaga egi dani‐hashanaha wankshig‐ina egi hinigwahi jhuna egi hinugwahi.
14Egi Shalah ma kerepana‐daniha wankshig‐ingaja egi Eber hagarninena.
15Egi Shalah Eber hagarninanaga hageja ma hogihijop harnaga egi dani‐hashanaha wankshig‐ingaja egi hinigwahi jhuna egi hinugwahi.
16Egi Eber ma kerepana‐danihanaga egi jop‐hashanaha wankshig‐ingaja egi Peleg hagarninena.
17Egi Eber Peleg hagaruinanaga hageja ma hogihijopanaga egi kerepana‐dani‐hashanaha wankshig‐ingaja egi hinigwahi jhuna egi hinugwahi.
18Egi Peleg ma kerepana‐daniha wankshig‐ingaja egi Reu hagarninena.
19Egi Peleg Reu hagarninarnaga hageja ma hogihinupanaga egi hishankijushguniha wankshig‐ingaja egi hinigwahi jhuna egi hinugwahi.
20Egi Reu ma kerepana‐danianaga egi nup‐hashanaha wankshig‐ingaja egi Serug hagarninena.
21Egi Reu Serug hagarninarnaga hageja hogihinupanaga egi shagowi‐hashanaha wankshig‐ingaja egi hinigwahi jhuna egi hinugwahi.
22Egi Serug ma kerepana‐daniha wankshig‐ingaja egi Naxor hagarninena.
23Egi Serug Naxor hagarninarnaga hageja ma hogihinupaha wankshig‐ingaja egi hinigwahi jhuna egi hinugwahi.
24Egi Naxor ma kerepana‐nuphanaga egi hishankijushguni‐hashanaha wankshig‐ingaja egi Tarah hagarninena.
25Egi Naxor Tarah hagarninarnaga hageja ma hogihishanaga egi kerepanaishanaga‐hishankijushguni‐hashanaha wankshig‐ingaja, egi hinigwahi jhuna egi hinugwahi.
26Egi Tarah ma kerepana‐shagowiha wankshig‐ingaja egi Abram hagarninena egi Naxor egi Haran.
27Egi de‐e Tarah hokijhu harnira herena: Tarah Abram hagarninena egi Naxor egi Haran, egi Haran Lot hagarninena.
28Egi Haran d’ena hianjra Tarah kheni d’arni e mojabeja Ur eja Xaldea mainja.
29Egi Abram egi Naxor hinug khanag hirena. Abram hijawira rashra Sarai higairena. Egi Naxor hijawira rashra Milka higairena, Haran hinugra e Milka egi Jiska hianjra.
30Eshi Sarai nink‐jushgunisha herena, inke ninkjang jhunina.
31Egi Tarah hinigra Abram russana egi Haran hinigra Lot e Tarah hinigra hinigra, egi Sarai e hinug‐jegjabshana hinigra Abram hijawira she‐e Ur eja Xaldea mainja wakishurena Kana‐an mainja howarairena egi Haran ma‐eja hahirena, egi eja jhirena.
32Egi Tarah hamb warnira ma hogihi‐nupanaga egi saja‐hashanana. Egi Tarah d’ena, Haran mainja.
தற்சமயம் தேர்ந்தெடுக்கப்பட்டது:
Hogusra 11: WIN
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Published by the American Bible Society in 1907.