Mataio 1
1
1Abele Iauali, abele Iesu Keriso ra kusi, abele Dauida ra uerem, abele Aberahama ra uerem.
2Aberahama esomelu Isaaka; Isaaka esomelu Iakobo; Iakobo esomelu Iuda gako abara keimer giz;
3Iuda esomelu Faresa gako Zara Tamaraelam; Faresa esomelu Eseroma; Eseroma esomelu Arama;
4Arama esomelu Aminadaba; Aminadaba esomelu Naasona; Naasona esomelu Salemona;
5Salemona esomelu Boasa Rakabelam; Boasa esomelu Obeda Rutelam; Obeda esomelu Iese;
6Iese esomelu abele Dauida opole; Dauida opole esomelu Solomona Uria ai koskerlam;
7Solomona esomelu Reoboamo; Reoboamo esomelu Abia; Abia esomelu Asa;
8Asa esomelu Iosefata; Iosefata esomelu Iorama; Iorama esomelu Usia;
9Usia esomelu Iotama; Iotama esomelu Aasa; Aasa esomelu Esekia;
10Esekia esomelu Manase; Manase esomelu Amone; Amone esomelu Iosia;
11Iosia esomelu Iekonia gako abara keimer giz, abele kerker Isaraela namarare Babelonia ge areselam.
12Abele kerker Isaraela bosi Babelonia ge Iekonia esomelu Salatiela; Salatiela esomelu Zerubabela;
13Zerubabela esomelu Abiuda; Abiuda esomelu Eliakima; Eliakima esomelu Azora;
14Azora esomelu Sadoga; Sadoga esomelu Akeima; Akeima esomelu Eliuda;
15Eluida esomelu Eleazara; Eleazara esomelu Matana; Matana esomelu Iakobo;
16Iakobo esomelu Iosefa Maria ra kimiar, Maria esomelu Iesu, abara nei atker Keriso.
17Dasmer, nosik uridili a ditimeda Aberahama bakedida Dauida dog foatin gaire nosik; a ditimeda Dauida dog bakedida abele kerker Isaraela namarare Babelonia ge foatin gaire nosik; a ditimeda Babelonia ge bakedida Keriso dog foatin gaire nosik.
18Emereta Iesu Keriso esmelu mokakalam: Abara apu Maria au lagelage Josefaim, E deredare abara kem Lamar Zogolam, epe uiaba nole okakis.
19Ege Iosefa abara kimiar, abele le barkak tonar, E nole dikiapor Maria detage gaire le opem, E dikiapor gumik atuaki abima.
20E okabatagere abele gaire lu, dasmer, abele Opole ra Angela etomelu abi abele peim, kega, Iosefa ae, Dauida ra uerem, ma nole geum ma ko egaret Maria mara kosker; abelelam abara kem Lamar Zogolam.
21E esomelu abara kimiar uerem, ma abi nei etkeroa abim IESU; abelelam E uerkab abara ged uiaba uitelam.
22Uao bakedida gaire lu uridili, iaueakai ageakarem Opole ra mer, abele perofeta, kega,
23Dasmer, abele neur ra kem ko esomeloa abele kimiar uerem, uiaba nei etkeroa abi Emanuela, tonar abele, ese etomeret, Ade Meribi okakis.
24Josefa ekiamulu utelam E ikerare abkoreb mokakalam Opole Angela ra mer, ko egaret abara kosker:
25Ege uiaba nole obapit kak bakedida abele kerker esomelu abara narbet kimiar uerem, E nei atker abi IESU.
தற்சமயம் தேர்ந்தெடுக்கப்பட்டது:
Mataio 1: ulk1902
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Published by the British and Foreign Bible Society in 1902.