Mateo 19
19
Sema Maypangkep Na Pengimbaliy Tan Pengisi-jan
(Mark 10:1-12)
1Idi iyakcheng mes Jesus a intoro tho ira man, imekal cha Galilee et kimowan cha sahop na Judea a gwared piig na kolos a Jordan. 2Chakel i imono-onod cha si-katho et inpamapteng toy mansekit chiwan.
3Gwara pay iriy Pharisees a kimowan cha kad-an Jesus say pechasen cha. Inbaga ra i “Iyaytolok emod ma dinteg tayon Hodjos i pengisi-jan na dahi na imbaliy to angken kompormin dason?”
4Inbaga ngon Jesus i “Eg jo aya bisay iyaysolat cha esel Afo Chiyos a kigwan to i ‘Nonta kapkapoanan a piyarsowaen Afo Chiyos i too, imag toy dahi tan bii’? #19:4 Genesis 1:27 5Et kigwan to wa i ‘Isonga, say dahi, bebtihan toy aweto tan ineton maytipon cha imbaliy to, et manbalin iwa chegwa na sa-ki.’ #19:5 Genesis 2:24 6Nat chegwa wa ira, no diket iyansa-ki ira. Isonga, sema inpansa-kin Afo Chiyos, nat pansi-jan koma na too.”
7Et kigwan iren ma Pharisees i “Ahow mango, nem niyana ma inbilin Moses i i-kanan na dahiy imbaliy to na solat a mengipaneknek i iyansi-jan ira, et pebtik to?”
8Kigwan Jesus i “Intolok Moses i pengisi-jan jo na imbaliy jo tep esolpeng kayo, nem nat inges to tan nonta kapkapoanan. 9Isonga, konen kod si-kayo i angken siyen dahin mengisi-jan na imbaliy to ampet ekidahiy bii, ekibii no mengimbaliy na afil a bii.”
10Kigwan na disipolos Jesus cha si-katho i “No inges to jay cha dahi tan imbaliy to, mapmapteng no eg mengimbaliy.”
11Et kigwan men Jesus i “Sema iren kaya thon mengonod niya toro, nat emiin a too, no diket sema bengat a nain-i-kanan Afo Chiyos na kaya thon menipel. 12Tep gwariy chakel a kagol na nat pengimbaliyan na too. Sema echom, iyay-anak a singen ekapon. Sema ngon echom, kiyapon ira na too. Tan sema echom pay, eg engimbaliy say ipo-tok chen mansilbid panmaptengan na pantorayan Afo Chiyos. Sema mahaonod niyay a toro, onoren to koma.”
Binindisjonan Jesus I Aanak
(Mark 10:13-16; Luke 18:15-17)
13Nonta sa-kin akow, gwara iriy toon engitolod na aanak cha kad-an Jesus say isagpat toy diwa thod si-kara tan ikararagan to ira. Nem nat intolok na disipolos to, 14isonga kigwan Jesus i “Itolok joy aanak a onkowan ali ched si-kak. Enog i inparit tep sema iren toon inges to ira ja aanak a iyangkebaba, si-kariy mayka-chom cha pantorayan Afo Chiyos.” 15Et insagpat toy diwa thod ma aanak a inkararagan to ira. Et idi iyakcheng ma, bimetik si Jesus.
Sema Baknang A Balodahi
(Mark 10:17-31; Luke 18:18-30)
16Nonta sa-kin akow, gwariy balodahin kimowan cha kad-an Jesus a kigwan to i “Maistoro, ngoy mapteng a ampet pesing ko say may-i-kananak na biyag a nagwariy pengingkaan to?”
17Et kigwan Jesus i “Niyana mowan ibagaiak no ngoy maronong? Si Afo Chiyos bengat i maronong. No piyan mon mayka-chom cha biyag a nagwariy pengingkaan to, mesepol a patien moy bili-bilin Afo Chiyos.”
18Kigwan na balodahi i “Nengon bilin?”
Insongbat Jesus i “Enog i bono, enog i mekibii, enog i kibot, tan enog i tistigo na itek. 19Chayaw mos awam tan si inam, tan semek moy echom mon inges to ngoy penmek mo na angel mo.”
20Kigwan ma na balodahi i “Napiyatik a emiin ira ma bili-bilin. Ngo pay i kolang ko?”
21Et kigwan Jesus i “No piyan mon nagwariy kolang mo, mo idahoy kameng mon i-kan mo ma pilak cha iyangkebitheg, et gwara wiy kinabaknang mod dangit a ikamid Afo Chiyos. Et kowan ka di et kay-olop ka wed si-kak.” 22Idi inki-ngelan na balodahi man, iya-ngos men pasiya et imekal tep baknang a chili.
23Et kigwan men Jesus cha disipolos to i “Sejay a konen kod si-kayo, podnon edigat ngarod a mayka-chom i baknang a tood pantorayan Afo Chiyos. 24Konen ko ngod si-kayo i mas inam-ay i idesot na camel cha ebot na chakom iy say kayka-chom na baknang a tood pantorayan Afo Chiyos.”
25Nonta inki-ngelan na disipolos to man, iyasdaaw iren pasiya et kigwan cha i “No edigat i baknang a toon maysalakan angken chakel i kebedinan to, siya ngarod i maysalakan?”
26Sini-neng iren Jesus et kigwan to i “No too, eg cha mebedin a a-magen iwan, nem no si Afo Chiyos, mebedin tep kaya thon a-magen a emiin.”
27Et kigwan men Peter i “Si-kawi ngay? Inpayas min emiin tep say may-odop kawid si-kam. Ngoy kongkonaen mi?”
28Et kigwan Jesus i “Ahow mango. Sejay a konen kod si-kayo, podnon no mebadoan iya dobong, si-kak a Anak na Too, mesi-neng aliy karebengan tan panakabalin ko no ontokkongak cha thronok a mantoray. Et si-kayo pay a iyay-olop cha si-kak, gwara diy sawal na chegwen thronon tokkongan jo no mengowis kayo na tothoon poli-poli na sawal na chegwen aanak Israel. 29Tan angken siyen toon mengipejas na baliy to, aahi to, aweto tan ineto, aanak to, tan payo-payow to tep ekika-chom cha si-kak, may-i-kanan na menandasos a banol na inpayas to. Tan may-i-kanan ngo na biyag a nagwariy pengingkaan to. 30Nem chakel a iyangkekayang niman, maybaba, tan chakel ngon iyangkebaba niman, maykayang.”
தற்சமயம் தேர்ந்தெடுக்கப்பட்டது:
Mateo 19: KAR
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2023 Wycliffe Bible Translators, Inc. All rights reserved.
Mateo 19
19
Sema Maypangkep Na Pengimbaliy Tan Pengisi-jan
(Mark 10:1-12)
1Idi iyakcheng mes Jesus a intoro tho ira man, imekal cha Galilee et kimowan cha sahop na Judea a gwared piig na kolos a Jordan. 2Chakel i imono-onod cha si-katho et inpamapteng toy mansekit chiwan.
3Gwara pay iriy Pharisees a kimowan cha kad-an Jesus say pechasen cha. Inbaga ra i “Iyaytolok emod ma dinteg tayon Hodjos i pengisi-jan na dahi na imbaliy to angken kompormin dason?”
4Inbaga ngon Jesus i “Eg jo aya bisay iyaysolat cha esel Afo Chiyos a kigwan to i ‘Nonta kapkapoanan a piyarsowaen Afo Chiyos i too, imag toy dahi tan bii’? #19:4 Genesis 1:27 5Et kigwan to wa i ‘Isonga, say dahi, bebtihan toy aweto tan ineton maytipon cha imbaliy to, et manbalin iwa chegwa na sa-ki.’ #19:5 Genesis 2:24 6Nat chegwa wa ira, no diket iyansa-ki ira. Isonga, sema inpansa-kin Afo Chiyos, nat pansi-jan koma na too.”
7Et kigwan iren ma Pharisees i “Ahow mango, nem niyana ma inbilin Moses i i-kanan na dahiy imbaliy to na solat a mengipaneknek i iyansi-jan ira, et pebtik to?”
8Kigwan Jesus i “Intolok Moses i pengisi-jan jo na imbaliy jo tep esolpeng kayo, nem nat inges to tan nonta kapkapoanan. 9Isonga, konen kod si-kayo i angken siyen dahin mengisi-jan na imbaliy to ampet ekidahiy bii, ekibii no mengimbaliy na afil a bii.”
10Kigwan na disipolos Jesus cha si-katho i “No inges to jay cha dahi tan imbaliy to, mapmapteng no eg mengimbaliy.”
11Et kigwan men Jesus i “Sema iren kaya thon mengonod niya toro, nat emiin a too, no diket sema bengat a nain-i-kanan Afo Chiyos na kaya thon menipel. 12Tep gwariy chakel a kagol na nat pengimbaliyan na too. Sema echom, iyay-anak a singen ekapon. Sema ngon echom, kiyapon ira na too. Tan sema echom pay, eg engimbaliy say ipo-tok chen mansilbid panmaptengan na pantorayan Afo Chiyos. Sema mahaonod niyay a toro, onoren to koma.”
Binindisjonan Jesus I Aanak
(Mark 10:13-16; Luke 18:15-17)
13Nonta sa-kin akow, gwara iriy toon engitolod na aanak cha kad-an Jesus say isagpat toy diwa thod si-kara tan ikararagan to ira. Nem nat intolok na disipolos to, 14isonga kigwan Jesus i “Itolok joy aanak a onkowan ali ched si-kak. Enog i inparit tep sema iren toon inges to ira ja aanak a iyangkebaba, si-kariy mayka-chom cha pantorayan Afo Chiyos.” 15Et insagpat toy diwa thod ma aanak a inkararagan to ira. Et idi iyakcheng ma, bimetik si Jesus.
Sema Baknang A Balodahi
(Mark 10:17-31; Luke 18:18-30)
16Nonta sa-kin akow, gwariy balodahin kimowan cha kad-an Jesus a kigwan to i “Maistoro, ngoy mapteng a ampet pesing ko say may-i-kananak na biyag a nagwariy pengingkaan to?”
17Et kigwan Jesus i “Niyana mowan ibagaiak no ngoy maronong? Si Afo Chiyos bengat i maronong. No piyan mon mayka-chom cha biyag a nagwariy pengingkaan to, mesepol a patien moy bili-bilin Afo Chiyos.”
18Kigwan na balodahi i “Nengon bilin?”
Insongbat Jesus i “Enog i bono, enog i mekibii, enog i kibot, tan enog i tistigo na itek. 19Chayaw mos awam tan si inam, tan semek moy echom mon inges to ngoy penmek mo na angel mo.”
20Kigwan ma na balodahi i “Napiyatik a emiin ira ma bili-bilin. Ngo pay i kolang ko?”
21Et kigwan Jesus i “No piyan mon nagwariy kolang mo, mo idahoy kameng mon i-kan mo ma pilak cha iyangkebitheg, et gwara wiy kinabaknang mod dangit a ikamid Afo Chiyos. Et kowan ka di et kay-olop ka wed si-kak.” 22Idi inki-ngelan na balodahi man, iya-ngos men pasiya et imekal tep baknang a chili.
23Et kigwan men Jesus cha disipolos to i “Sejay a konen kod si-kayo, podnon edigat ngarod a mayka-chom i baknang a tood pantorayan Afo Chiyos. 24Konen ko ngod si-kayo i mas inam-ay i idesot na camel cha ebot na chakom iy say kayka-chom na baknang a tood pantorayan Afo Chiyos.”
25Nonta inki-ngelan na disipolos to man, iyasdaaw iren pasiya et kigwan cha i “No edigat i baknang a toon maysalakan angken chakel i kebedinan to, siya ngarod i maysalakan?”
26Sini-neng iren Jesus et kigwan to i “No too, eg cha mebedin a a-magen iwan, nem no si Afo Chiyos, mebedin tep kaya thon a-magen a emiin.”
27Et kigwan men Peter i “Si-kawi ngay? Inpayas min emiin tep say may-odop kawid si-kam. Ngoy kongkonaen mi?”
28Et kigwan Jesus i “Ahow mango. Sejay a konen kod si-kayo, podnon no mebadoan iya dobong, si-kak a Anak na Too, mesi-neng aliy karebengan tan panakabalin ko no ontokkongak cha thronok a mantoray. Et si-kayo pay a iyay-olop cha si-kak, gwara diy sawal na chegwen thronon tokkongan jo no mengowis kayo na tothoon poli-poli na sawal na chegwen aanak Israel. 29Tan angken siyen toon mengipejas na baliy to, aahi to, aweto tan ineto, aanak to, tan payo-payow to tep ekika-chom cha si-kak, may-i-kanan na menandasos a banol na inpayas to. Tan may-i-kanan ngo na biyag a nagwariy pengingkaan to. 30Nem chakel a iyangkekayang niman, maybaba, tan chakel ngon iyangkebaba niman, maykayang.”
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2023 Wycliffe Bible Translators, Inc. All rights reserved.