Zohan 13
13
Isuo'n a Zolāi ngāi Kē a Rasūk
1 #
Mt 26:18
Kallēn Pāntā aphāmān, Isuo'n hi maniapūr amāka Pā kōma a sēna hun a hong āsuok zei tī a riat a. Hi maniapūra ei ādit a mi ngāi chu ahek tenpei amāni chu ā dit a. 2#Mt 10:4Khuluibū nēk lāitak, Isuo chu ei mansūrna rang diabolin Simon a nāipasal Iskariot Zuda a malunga sin a lei thō suo zei a. 3#Mt 28:18Isuo'n, a kuta alompeia Pā'n ei pēk ti, hanūk chu Pathian ātā ei hong lē Pathian kōma ei sē rang tī a riat a. 4#Mt 20:25Khului bu nēk ātā anthui a, a ralinga ngāi asīra a siak a, puontuidui a lāk a, akōng a khit a. 5#Lk 7:44Hava suona, bāngtoka tī a lei a, a zolāi ngāi kē a rasūk a. A kōnga puontuidui le han amāni chu a hui a. 6Hatuka Simon Peter a kōma a hong a. Peter-in a kōma, “Puma, ka ke ngāi nei rasūk rang mo?” a tī na. 7Isuo'n a masang a, a kōma, “Hong mo kei thō hi atun la riatthei mak chē, tenchu nukhōna la riat in na ti,” a tī na. 8Peter-in a kōma, “Nangnī'n ka ke ngāi rasūk thak nō ta ni,” a tī na. Isuo'n a kōma, “Ka na rasūk nōk ten, ka kōma ītē chang-āi dōn nō ta ni,” a tī na. 9Simon Peter-in a kōma, “Puma, ka kē rong ni mak, tenchu ka kut lē ka lū'm na rasūkpē ro,” a tī na. 10Isuo'n a kōma, “Tī ānbuol suo chu a kē rong kēng ansūk ei nāng, tenchu ānthiang vang kēng. Nangni chu nā'n thiang u, tenchu na lom u nā ni mak,” a tī na. 11#Mt 10:4Asik chu amā'n ama ānsūr rang pū chu a riat. Hasikhan amā'n, “Nangni chu ānthiang kiar ni u mak chē,” a tī na.
12Hankēng amā'n a ke u ngāi a rasūkpē suona, a raliang ngāi a lāk a, ansut rēt a, amā'n a kōm u na, “Na chung una ka sinthō hi na riat u mo? 13#Mt 26:18; Lk 1:43; Kui 10:36; Rōm 10:9; 1Ko 12:3; Fil 2:11; Kol 2:6Nangnī'n Mīnchūpū lē Puma na na ti u na. Nei ti u adik, asik chu kā ni tatak a. 14#1Pe 5:5Koi na Puma u lē na Mīnchūpū u'n na ke u ngāi ka rasūk ten, nangni lē nangni ngāi um na kē nei ānsūk u rang a nāng. 15#Mt 11:29; 1Ti 4:12Na chung una kei thō anga nangnī'm nei thō una ranga, a enruo khat kei na pēk u a ni. 16#Mt 10:24; Lk 6:40Ataktaka, kei na ril a ni u zei, suok hi a puma nēka lian mak, ātīrpū nēka āntīrpū hi lian mak. 17#Mt 7:24-25; Lk 11:28; Zak 1:25Hiva ngāi hi nei riat u na, na thō u ten, rāvān asa nā ni u,” a tī na.
Isuo'n Ama ei Ānsūr rang Rui Aphāmān a lei Ril
Mt 26:17-25; Mk 14:12-21; Lk 22:14-23
18 #
Mt 1:22; 26:23 “Na lom una rui ni mak kei ril. Kei thang ngāi chu ka riat a. Tenchu Pathian chong ei kipna rang, ‘Ka bila vāipōltāp āsākin, koi aduia a kemadil chu ālāng zei.’ (Sām 41:9) 19Hiva hi a hong ātung mān hin kei na ril a ni zei, hava chu a hong ātung le, ama chu koi kā ni tī nei iam thei una rang a ni. 20#Mt 10:40Ataktaka, kei na ril a ni u zei, tūkareng kei tīrpū āpom chu koi a nā pom a ni. Tūkareng koi anā pom chu koi anā tīrpū āpom kēng,” a tī na.
21 #
Mt 26:21
Isuo'n hava ngāi a ril suona, a malung anpōn a. Amā'n, “Ataktaka kei na ril a ni u zei, na bil una angkhatin koi na mansūr in ti,” a tī na. 22A zolāi ngāiin tū rui mo ei ril ei riat u nōk sika, amāni lē amāni an-en u na. 23A zolāi ngāi kāra angkhat, Isuo'n ei madit chu Isuo rōpsuoma anboia om a. 24Simon Peter-in tū rui mo ei ril ānkel ranga ama chu a biak dap a. 25#Mt 26:22Ama chu Isuo rōpa anboi rēt a, a kōma, “Puma, ama chu tū mo?” a tī na. 26#Mt 10:4Isuo'n, “Vāipōltāp ka phūm suole kei pēkpū tak ha ama a ni zei,” tīna a masang a. Vāipōltāp chu a phūm suole, Simon a nāipasal Iskariot Zuda chu a pēk a. 27#Lk 22:3Vāipōltāp a pēk suole, Setan chu asūnga a lūt a. Isuo'n a kōma, “Nei thō rang chu anrarapa thō ta ro,” a tī na. 28Tenchu dōkhama ei ānsutpui angkhat ngalin a kōma hong sika mo hiva ei tī hi ariat om u mak. 29Senkhatin Zuda chu sumkok ei dōn sika, Isuo'n a kōma, “Pāntāna ranga nei nāng neinun ngāi rachōk ro,” ei tipē, ole ānriang ngāi kōma hongtē mo ei pēk rang, tīna a mandon u na. 30#Lk 22:53Zuda chu vāipōltāp a lāk suole, ama chu a suok len a. Hava ha zān a ni.
Chongpēk Athar
31 #
Mt 8:20; 1Pe 4:11 Hatuka ama chu a suok suona, Isuo'n, “Miring Nāipasal chu atun hin anliana om a. Pathian chu amān anliana om. 32Pathian chu amāna anliana a om ten, Pathianin ama chu amāna manlian in ti. Ama chu manlian len in ti. 33Nāipang ngāi, sōtluitē na kār una la om ka ting. Nā rok u na ti. Zehudi ngāi kōma kei tī anga, nangnī'n kei na tī a ni u zei, ‘Kei sēnāna nangni chu hong thei u nō ta ni.’ 34#Lev 19:18; Efe 5:2; 1Th 4:9; 1Pe 1:22; 1Zn 2:7-11; 4:10-11Chongpēk athar ka na pēk u, Nangni lē nangni andit u ro. Kei nā dit u anga, nangnī'm andit u ro. 35#1Zn 3:14Nangni lē nangni nā'n dit u ten, mī dōrā'n ka zolāi tīna na riat u'n ti,” a tī na.
Peter-in Isuo ei Maniang rang Aphāmān a Lei Ril
Mt 26:31-35; Mk 14:27-31; Lk 22:31-34
36 #
2Pe 1:14
Simon Peter-in a kōma, “Puma, hon mo nei sē rang?” a tī na. Isuo'n a kōma, “Kei sēna ranga hin, atun na la zī thei nō ta ni. Tenchu nukhōna chu na zī na ti,” tīna a masang a. 37Peter-in a kōma, “Puma, ichang mo atun hin kei na zī thei nōk rang? Nang na sika kei damna phal ka ting,” a tī na. 38Isuo'n a kōma, “Koi ka sika nei damna hi nei phal rang mo? Ataktaka, kei na tī a ni zei, nangin voi anthum na na maniang māseng ār khuong nō ni.
தற்சமயம் தேர்ந்தெடுக்கப்பட்டது:
Zohan 13: RNL
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Bible in Ranglong, © Bibles International, the Bible society of Baptist Mid-Missions, 2024.