Mark 16
16
Thei nokna
(Mat 28:1-8; Lk 24:1-12; Jn 20:1-10)
1Jehudi Serni kini ator so-a, Mary Magdalene le James nu Mary khan Salome ngai Jesu kulong kunot nasik arim kahoi anlei rocho. 2Maapning jingteng matak a, kini ahong suokpha anmani thaan teng anlei se. 3-4Anmani lampui tonna ansena inkhat le inkhat ankin bek a, <<Thaankhar lungkha atuningmo ana iltot pesik?>> (Khawa kha lung kolok inkhat e.) Khan anmani ning an-inna lungkha alei kinlet kha anleimu. 5Khan anmani ning thaan sunga alut a, pon kinchoul kabang kachek kinsil khangdong inkhat changteng panga akin-ong anleimu, khan anmani ning anlei kinlai.
6<<Kinlai muru,>> amaning aleiti. <<Nangni ning Nazareth Jesu cross a anmakhai kha nin entok keining kajet. Ama athei a, hin om-mak je! Enru, amaning ajalna kha hi e. 7#Mat 26:32; Mk 14:28 Atuntak se inlang hiwa chongkahoi hi ama thiemroi ngai le Peter deng warilru: <Ama Galilee teng ninma a aleise je; nang nideng aleiril anga khawa mun a ninwamu sik.> >>
8Anmani ansuok a thaan ria aheitaan je, anchi le anratha kinnok ning asip je. Anmani anchi hei-a atukhat deng inkhatte ril muk je.
Jesu Mary Magdalene deng akinlar
(Mat 28:1-8; Lk 24:1-12; Jn 20:1-10)
[9Jesu thina ria atheinok nuktenga, maapning kini matak a Mary Magdalene, asung ria khori sari aholsuok penu deng masatak akinlar. 10Khawanu ning ase-a alei kinroipui asap ngaideng aleiril. Anmani anmulung leihoimak a anlei chap; 11khana numeinu khaning Jesu aring amu-a arilpe ngaikha anjet inum anmani ning leitaksen muk.
Jesu ning anuk kujui inni deng akinlar
(Lk 24:13-35)
12Khan, Jesu ning ankarra miring inni deng ankho sena lampui a anselai alop det a alei kinlar. 13Anmani ning anhei kirra mi alak deng anwaril pe, takkha anmani ning lei taksen muk.
Jesu somle inkhat ngai deng akinlar
(Mat 28:16-20; Lk 24:36-49; Jn 20:19-23; Sin 1:6-8)
14Nuktenga, Jesu thiemroi somle inkhat ngai bu anbak lai alei kinlar. Anmanideng aleiren, ajarchu anmani taksenna neimuk khan anmulung anger rangra, ama aring jei tia akumu ngai chong kha taksen tor muk. 15#Sin 1:8 Jesu ning anmanideng aleiti, <<Simleichung pumpui a se inlang khan chongkahoi hi miring rikip deng warilru. 16Tu achang inum ataksen a baptized akatho mi kha hukminring achen sik; tu achang inum akataksen mak mi kha misetna achen sik. 17Akataksen ngai kha hiwa sin kinlak thotor na ranak akinpe sik; anmani ning kei riming a khori ngai holsuok torna annei sik; anmani ning anjetngaimak chonglop anchong sik; 18murul ngai ansura a-imakli tur an-in inum ite tinonung; mi akana ngai chunga ankut anda sik khana akana ngai kha andam sik.>>
Jesu marwan akal
(Lk 24:50-53; Sin 1:9-11)
19 #
Sin 1:9-11
Puma Jesu ning anmanideng chong aril so pha, amakha marwan chungteng anroi a khan Pathien akut changteng akin-ong je. 20Thiemroi ngai ning anse a amun rikip a chongkahoi anwaril, khan Puma ning anmani ngai kha akinroipui chak, khan antho sin kinlak ngai khaning anmani chongril kha adik tia amalar pe jei.]
Alop amuro atorna#16:9-10 heading Manuscripts alak a le amuro chongmalet a hiwa akabong torna Gosple achu akasei a antor (alam 9-20).
(16:9-10)
21 [Numeinu kha Peter le asap ngaideng ase a anmanideng aleikinti seng kha akabei a awamin jet. 22 Khan, kumleiko hukminringna akintheng le akiring chak chongpui kha Jesu khet ning ama thiemroi ngaikha, niso teng ria taitak teng kutung aleimoso jei.]
தற்சமயம் தேர்ந்தெடுக்கப்பட்டது:
Mark 16: MRK
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
The copyright is jointly and equally held by:
© 2022 The Word for the World International
© 2022 North East Centre for Training and Research
All Rights Reserved