Ifyakutaŋga 21
21
1Popele ŵaYawe ŵaliisile kuli Sala, koti nifyefyo ifi ŵaeŵele; kaŵili ŵaYawe walicitile kuli Sala koti nifyefyo ifi ŵalaŵile. 2Popele apo Sala waliimitile, nekumufyalila Ablaamu umwana umwalalume, lomba kale acekwile Ablaamu, pampindi iyo iyansicilwe iyamuŵulile ŵaLesa. 3Popele Ablaamu walimwilicile isina lyamwana wakwe umwalalume uwafyalilwe kuli ye, uyo amufyalile Sala, ati nilsaci. 4Popele Ablaamu walimukopwele'cisilamu umwana wakwe umwalalume lsaci, ili alele-po insiku sisanu nasitatu, koti nifyefyo ifi ŵamufundile ŵaLesa. 5Lomba Ablaamu imyaka yakwe yalikumene umwanda umo, ili afyelwe kuli ye Isaci umwana wakwe. 6Popele Sala ati: ŴaLesa ŵansekesya; aŵantu ŵonse aŵakumfwa ŵakalukusekela pamo naneŵo. 7Kaŵili naye ati: Ninani uŋgalawila kuli ŵaAblaamu ati Sala akalukonsya aŵana? pakuti naŵafyalilo'mwana umwalalume muŵucekulu bwaŵo.
8Popele apo umwana walikulile nekusumuka; eli acitile Ablaamu icitenje icikulu akasuŵa ako asumucile Isaci. 9Lomba Sala alimubwene umwana wakwe Aga umwIjipiti, uyo amufyalile Ablaamu, alukuseka. 10Pakuti pali fyefyo Sala alilaŵile kuli Ablaamu ati: Tamfyeni uvu-musyakasi nemwana wakwe: pakuti umwana wamusyakasi uyu tesi akapyane pamo nemwana wanji, pamo nalsaci, tau. 11Popele iceŵo ico caliŵipile ukwakuti pamenso akwe Ablaamu pakuti pamwana wakwe. 12Lomba ŵaLesa ŵalilaŵile kuli Ablaamu ati: Wisumina ati ciŵipe pamenso oŵe pakuti pamusaŋkwo'yu, napakuti pamusyakasi woŵe; ifyafyefyo fyonse ifi alaŵile Sala kuli weŵo, ukutike isiwi lyakwe; pakuti nimuli lsaci emo ŵaketilwa aŵana ŵoŵe. 13Nakaŵili kumwana wamusyakasi nako ŋkaleŋge'cikoto caŵantu, pakuti ye mwana woŵe.
14Popele apo Ablaamu walicelele ulucelocelo, nekuŵula siŋkwa neciseŵa camenda, nekumupela Aga, ukumutwika pacifusi, nekupelo'mwana, nekumutuma: eli aŋgakumbuluka Aga, nekulukwenda-enda mumpaŋga yakuBeyasyeba. 15Lomba alisilile amenda amuciseŵa, popele Aga alimuposele umwana munsi mucinsokela cimbi. 16Popele aliile nekwikala pansi apasiŋkamene pali ye apatali, koti musinso uwakuposo'mufwi; pakuti ye ati niŋgawono'kufwa kwamwana. Naye aliikele pansi apasiŋkamene napali ye, nekuŵilicisya nekulukulila. 17Popele ŵaLesa ŵaliumfwile isiwi lyamwanice; lomba iŋkalamba yaŵaLesa yalimwitile Aga ukufuma kwiulu ati: Nindo ulukusomenwa, Aga? Witina; pakuti ŵaLesa ŵaumfwe'siwi lyamwana ukwali ye. 18Ŵuka, wimyo' mwanice, umwikate muminwe yoŵe; pakuti ŋkamwalula akalukuli cikoto caŵantu icikulu. 19Kaŵili ŵaLesa ŵalimusi bwile Aga amenso, naye alibwene umukalo wamenda; popele aliile nekwisusye'ciseŵa amenda, nekumunwinsyo' mwanice. 20Popele apo ŵaLesa ŵalukwikala nemwanice uyo; naye alikulile, nekulukwikele mumpaŋga, nekwaluka wamano akupose'mifwi. 21Kaŵili aliikele mumpaŋga yakuPalani: popele ŵanyina ŵalimusalulwilile umukasi kucalo caIjipiti.
22Popele apo lomba impindi iyo, Abimeleci naFikoli, icilolo icikulu iceŵumba lyakwe, ŵalilaŵile kuli Ablaamu ati: ŴaLesa ŵali namweŵo muli fyefyo fyonse ifi mui ukucita: 23pakuti pali fyefyo lomba mulayane naneŵo kuno nekulapa ŵaLesa ati tesi mukantumpaike, neli kumutumpaiko'mwana wanji, neli kumutumpaiko'mwana wamwana wanji: sombi ati mukancitila koti niŋkumbu isyo isi namucitileni, nekucicitila necalo ici mwaikala-mo koti nifyopele'fyo. 24Naye Ablaamu ati, Ndukulapa. 25Lomba Ablaamu walimuleŋgulwile Abimeleci pakuti pamukalo wamenda, uyo ŵapokolwele nemakosa aŵantu ŵakwe Abimeleci. 26Popele Abimeleci ati: Nsimwisi-po uwacicitile' ci-cintu: kaŵili tamwambulile; nakaŵili nsinacumfwile akale, sombi nilelo Iyeŋka nacumfwa. 27Popele Ablaamu aliŵulile imbelele neŋombe, nekumupela Abimeleci; lomba ŵoŵilo ŵalilayene nekulayana. 28Popele Ablaamu aliŵicile pantu pamo aŵana ŵambelele aŵanakasi ŵasanu naŵaŵili. 29Popele Abimeleci walilaŵile kuli Ablaamu ati: Mbaaŵa-ŵana ŵambelele aŵanakasi ŵasanu naŵaŵili aŵa mwaŵika pantu pamo, ŵando? 30Naye ati: Aŵaŵana ŵambelele aŵanakasi ŵasanu naŵaŵili mwakuŵapoka kuminwe yanji, ati ŵakaŵe ŵaŵumboni kuli neŵo, ati nineŵo natulile umukalo uyu. 31Pakuti pali fyefyo alipelicile apo ati niBeyasyeba; pakuti nipapo ŵalayene ŵoŵilo nekulapa. 32Fyopele'fyo ŵalila yene kuBeyasyeba: popele apo Abimeleci waliimine pamo naFikoli icilolo icikulu iceŵumba lyakwe, naŵo ŵalibwelele kucalo caŵaFilisiti.
33Popele apo Ablaamu walilimbile imiti kuBeyasyeba, nekulililo'ko isina lyaŵaYawe, Lesa wamuyayaya. 34Popele apo Ablaamu waliikele mucalo caŵaFilisiti insiku isinji.
தற்சமயம் தேர்ந்தெடுக்கப்பட்டது:
Ifyakutaŋga 21: AAL59
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Lamba Bible Version © United Bible Societies, 1959.