YOUKOIKJAI 4
4
Peter si Johan Sanhedrin Thedanga
1Peter si Johanei mütshuong to lenko kitoua ungshedbü shuong, Lembüchem lombü shuong yoa leiyeibou hoba Sadukibü shuong haoen jungto louan 2aeibou panglangtikei aishanga haosiei mütshuong la songlenkei hoba Jisu haibü ka mütsanga langngaibü shangabü phinthonkei. 3Haoenei haosi to ik shatkei hoba haosi nyibounyet sühko thüngdanga khinlepan phokei, aieilausi kho chasemlamto yingan kikei. 4Lausikei ngühlang ditbü shuong juongei mailembei, hoba lühbakei hajar ngao thüng onko yeikei.
5Ngiet kho haoen songdakbü shuong, jaishou shuong, Ngühkhüm lenbou shuong, 6thükkabou ungshedbou Ana, Kaifa, Johan, Alexander hoba lubü khukabü ungshed aedang kabü pendou Jerusalema takshatkei. 7Haoenei haosi haoen thedanga lotian phekei, “Ai hauei ayingsi ao nyena kasiei ho kümbei?” 8Soushou Saopobüei shenan, Peterei haoen to laukei, “Mütshuongeibü songdakbü dan hoba jaishou shuong, 9shatbü che to maibü kümsilei kümbü aoa kanei tat kün takteian chüha longa, hoba hao lai kümbü ka maikeije kho pheda longaje, 10kho, kanei peiseia thüngettibou hoba Mühghaüei haibü ka langngaitibou Nazaretbü Jisu nyena kho müt kho shat maian kan thedanga loda dogo müt pendouei hoba Israelbü shuong pendouei ngeashi. 11Hao kho kan chemdangbüei aweko apbü hoba chemnyeka kongnyu la yeibü laang kho ki. 12Aotokei khümenbü aki, aishanga ho nyenei ong sen khümenlabü ki, hoba ho to limanje kaodaka mütshuong la aolakei nyen akukei.”
13Ladang haoenei Peter si Johan maangkaangbü hapbei hoba haoen dobüshibü ühüp angebü shuong dogo damenkei, haoen maangpangkei, hoba haoen kho Jisu yoa kibü dogo haoenei shenkei. 14Haoenei haosi kho attila athükko apbei aishanga haoenei maitibü müt kho haosi yoa loan hapbei. 15Hibü haoenei haosi kho Sanhedrin ka satan apla shanga ngühkhüm kukei hoba liko kamshaian 16lauyokei, “Khübü mütshuong to senei ai kümsi ong maila? Haoen danko amaaphilabü sei kümbü kho Jerusalem kabü shuong pendouei chongchinga; senei kho atheletla athük. 17Ho mütshuong yoa aei aei aphaktila shanga senei haoen hatlenkho, hoba haoen to Jisu nyena aolakei ai alenla shanga lenkho.” 18Hibü haoenei haosi ngakei hoba Jisu nyena jimlatangla ngüh üanglabü ayingsi alenla shanga ngühkhüm kukei.
19Peter si Johanei haoen to jongaikei, “Mühghaü to ayingko kan to bouje ditla kho Mühghaü thedanga janbü si ajanbü yingkeije kanei matjem kujan. 20Kün shangaje künei ai hapbei hoba ditkei kho alenlabü kho athük- aminlabü che ki.” 21Khünei aeiko haoenei haosi aeibou hatlenkei hoba litikei. Haüthükbü shanga mütshuongei Mühghaü la soneikangbü kubü hangshong haoenei haosi shieikoela kho athükaminlabü che yeikei; 22aishanga haosiei maitibü seikümseilei kümbou müt kho po saonyi thüka jailebü yingan kiteikei.
Mailembü Shuongei Maangkaangla shanga Welaubü
23Ladang Peter si Johan litikei haosi haoen thangbou shuong jungto haukei hoba haoen la ungshed jaishou shuongei hoba jaishou shuongei haosi to lenbü pendou lenkei. 24Ladang haoenei kho ditkei haoen pendouei liko Mühghaü to kaangbang hai welaukei: “Bunyubou, khuthük si kaodak hoba yungnyu hoba khükabü pendou kümbou kho no ki, 25#Leiy 20.11 hoba Soushou Saopobü danko küneibü pisibou Dawidei laubü tegü,
‘Küksithang shuong aila khau angkei,
hoba aila phangshuongei jim akibüa huon takkei?
26 #
NC 2.1 Bunyubou khulimbo hoba haoeibü Messia khulimbo
kaodak Choba shuong liko takshatkei,
hoba songdakbü shuong chela yoshaikei.’
27 #
NC 2.2 “Aishanga Küksithang si Israel mütshuong yoa Herod si Pontia Pilat yoan liko kaibü saopobü sambü Messia Jisu khulimbo sangnyua takshatkei; 28Kaibü ikei hoba maangangbüei ai kümlabü dogo takenkei kho kümla haoen yoshaikei. 29-30Hobaje tou, Bunyubou, haoenei theshoubü khüto chühashi hoba nyi ladang ong maitila shanga kaibü ik shinglaje hoba kaibü saopobü sambü Jisueibü nyen danko sei hoba maangpanglabü lenlaje kheijinei kaibü sambü shuongei kaibü Ngühlang maangkaangko lauentishima.” 31Ladang haoen welaukhümbei, haoen kamshang kho nyaakeikei hoba haoen pendou Soushou Saopobüei shenkei, hoba haoenei athakko Mühghaü ngühlang maangkaangko laukei.
Pendou Chela Hambü
32Mailembü mütshang pendou dambü hoba maangpon chela lekei; aoeiche ongkei kho haoeibü nyaksinam dogo alau, lausikei ajanjan pendou haoeneibü hambü la yeikei. 33Youkoikjai shuongei athakko hau yaangbüei Bunyubou Jisu langngaibü aukabü kula haujembei, hoba Mühghaü onouei haoen pendou thüka athakko kümbeileikei. 34Maimaitham haoen yoa aokei apenasouko akitei, aieilausi kao, chemshang sekphai pendou yakan kho yakletbü nam sungbakei. 35Hobaje hangangbü shuong thedanga phokuko kikei. Haoenei mütpem weko la hao southüng jankukei.
36Josef nyenbü müt che kikei, hao la youkoikjai shuongei Barnaba, tetlabü, “Thungeijangeibü Shou” dogo nyenkuan kikei. Hao Kupra mütli ka, Levibü che kikei, 37hoba haoei sek che kikei. Haoei kho phoukei hoba kho yakletbü nam kho youkoikjai shuong jungto sungbaan phokei.
தற்சமயம் தேர்ந்தெடுக்கப்பட்டது:
YOUKOIKJAI 4: CHANGBSI
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
YOUKOIKJAI 4
4
Peter si Johan Sanhedrin Thedanga
1Peter si Johanei mütshuong to lenko kitoua ungshedbü shuong, Lembüchem lombü shuong yoa leiyeibou hoba Sadukibü shuong haoen jungto louan 2aeibou panglangtikei aishanga haosiei mütshuong la songlenkei hoba Jisu haibü ka mütsanga langngaibü shangabü phinthonkei. 3Haoenei haosi to ik shatkei hoba haosi nyibounyet sühko thüngdanga khinlepan phokei, aieilausi kho chasemlamto yingan kikei. 4Lausikei ngühlang ditbü shuong juongei mailembei, hoba lühbakei hajar ngao thüng onko yeikei.
5Ngiet kho haoen songdakbü shuong, jaishou shuong, Ngühkhüm lenbou shuong, 6thükkabou ungshedbou Ana, Kaifa, Johan, Alexander hoba lubü khukabü ungshed aedang kabü pendou Jerusalema takshatkei. 7Haoenei haosi haoen thedanga lotian phekei, “Ai hauei ayingsi ao nyena kasiei ho kümbei?” 8Soushou Saopobüei shenan, Peterei haoen to laukei, “Mütshuongeibü songdakbü dan hoba jaishou shuong, 9shatbü che to maibü kümsilei kümbü aoa kanei tat kün takteian chüha longa, hoba hao lai kümbü ka maikeije kho pheda longaje, 10kho, kanei peiseia thüngettibou hoba Mühghaüei haibü ka langngaitibou Nazaretbü Jisu nyena kho müt kho shat maian kan thedanga loda dogo müt pendouei hoba Israelbü shuong pendouei ngeashi. 11Hao kho kan chemdangbüei aweko apbü hoba chemnyeka kongnyu la yeibü laang kho ki. 12Aotokei khümenbü aki, aishanga ho nyenei ong sen khümenlabü ki, hoba ho to limanje kaodaka mütshuong la aolakei nyen akukei.”
13Ladang haoenei Peter si Johan maangkaangbü hapbei hoba haoen dobüshibü ühüp angebü shuong dogo damenkei, haoen maangpangkei, hoba haoen kho Jisu yoa kibü dogo haoenei shenkei. 14Haoenei haosi kho attila athükko apbei aishanga haoenei maitibü müt kho haosi yoa loan hapbei. 15Hibü haoenei haosi kho Sanhedrin ka satan apla shanga ngühkhüm kukei hoba liko kamshaian 16lauyokei, “Khübü mütshuong to senei ai kümsi ong maila? Haoen danko amaaphilabü sei kümbü kho Jerusalem kabü shuong pendouei chongchinga; senei kho atheletla athük. 17Ho mütshuong yoa aei aei aphaktila shanga senei haoen hatlenkho, hoba haoen to Jisu nyena aolakei ai alenla shanga lenkho.” 18Hibü haoenei haosi ngakei hoba Jisu nyena jimlatangla ngüh üanglabü ayingsi alenla shanga ngühkhüm kukei.
19Peter si Johanei haoen to jongaikei, “Mühghaü to ayingko kan to bouje ditla kho Mühghaü thedanga janbü si ajanbü yingkeije kanei matjem kujan. 20Kün shangaje künei ai hapbei hoba ditkei kho alenlabü kho athük- aminlabü che ki.” 21Khünei aeiko haoenei haosi aeibou hatlenkei hoba litikei. Haüthükbü shanga mütshuongei Mühghaü la soneikangbü kubü hangshong haoenei haosi shieikoela kho athükaminlabü che yeikei; 22aishanga haosiei maitibü seikümseilei kümbou müt kho po saonyi thüka jailebü yingan kiteikei.
Mailembü Shuongei Maangkaangla shanga Welaubü
23Ladang Peter si Johan litikei haosi haoen thangbou shuong jungto haukei hoba haoen la ungshed jaishou shuongei hoba jaishou shuongei haosi to lenbü pendou lenkei. 24Ladang haoenei kho ditkei haoen pendouei liko Mühghaü to kaangbang hai welaukei: “Bunyubou, khuthük si kaodak hoba yungnyu hoba khükabü pendou kümbou kho no ki, 25#Leiy 20.11 hoba Soushou Saopobü danko küneibü pisibou Dawidei laubü tegü,
‘Küksithang shuong aila khau angkei,
hoba aila phangshuongei jim akibüa huon takkei?
26 #
NC 2.1 Bunyubou khulimbo hoba haoeibü Messia khulimbo
kaodak Choba shuong liko takshatkei,
hoba songdakbü shuong chela yoshaikei.’
27 #
NC 2.2 “Aishanga Küksithang si Israel mütshuong yoa Herod si Pontia Pilat yoan liko kaibü saopobü sambü Messia Jisu khulimbo sangnyua takshatkei; 28Kaibü ikei hoba maangangbüei ai kümlabü dogo takenkei kho kümla haoen yoshaikei. 29-30Hobaje tou, Bunyubou, haoenei theshoubü khüto chühashi hoba nyi ladang ong maitila shanga kaibü ik shinglaje hoba kaibü saopobü sambü Jisueibü nyen danko sei hoba maangpanglabü lenlaje kheijinei kaibü sambü shuongei kaibü Ngühlang maangkaangko lauentishima.” 31Ladang haoen welaukhümbei, haoen kamshang kho nyaakeikei hoba haoen pendou Soushou Saopobüei shenkei, hoba haoenei athakko Mühghaü ngühlang maangkaangko laukei.
Pendou Chela Hambü
32Mailembü mütshang pendou dambü hoba maangpon chela lekei; aoeiche ongkei kho haoeibü nyaksinam dogo alau, lausikei ajanjan pendou haoeneibü hambü la yeikei. 33Youkoikjai shuongei athakko hau yaangbüei Bunyubou Jisu langngaibü aukabü kula haujembei, hoba Mühghaü onouei haoen pendou thüka athakko kümbeileikei. 34Maimaitham haoen yoa aokei apenasouko akitei, aieilausi kao, chemshang sekphai pendou yakan kho yakletbü nam sungbakei. 35Hobaje hangangbü shuong thedanga phokuko kikei. Haoenei mütpem weko la hao southüng jankukei.
36Josef nyenbü müt che kikei, hao la youkoikjai shuongei Barnaba, tetlabü, “Thungeijangeibü Shou” dogo nyenkuan kikei. Hao Kupra mütli ka, Levibü che kikei, 37hoba haoei sek che kikei. Haoei kho phoukei hoba kho yakletbü nam kho youkoikjai shuong jungto sungbaan phokei.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.