YOUKOIKJAI 5
5
Anania hoba Safira
1Lausikei müt che Anania dogo nyenan kikei, hoba hao yak Safira haosiei peisilei at yakkei, 2hoba yakeikei ngeko haoei nam at hao shanga phongaikei. Haoei joubü kho sungbakei hoba kho youkoikjai shuong junga phokukei. 3Peterei laukei, “Anania, nyi Soushou Saopobü huonettilabü hoba sek yaakletbü ka ka shanga jamde huan pholabü lele lai küman Satanei kaibü maangpon hainyu shentikei? 4Ho ayaakjinei kaibü aying lo, hoba ho yakan phaia dogokei yakletbü nam kho kamaang aying lo? Nyi müt thedanga ayingko Mühghaü thedanga yepeikei.” 5Ananiaei ladang khübü kho ditkei hao tuongetnyu haikei. Ho ditbü shuong pendou hatbüei shenkei. 6Kheijinei heshou shuong meimeikei hoba hao sholepbei; hoba haoenei hao sunglangan khünan apbei.
7Angh sem thüng danan phaia ai haüthükkei kho ai angeko hao yakkei loukei. 8Kheijinei Peterei sao to laukei, “Kü la lenbü, kasiei sek kho khüjoche lu phoukei lo?” Saoei laukei, “Haü, khüjoche lu phoukei.” 9Peterei sao to laukei, “Bunyubou Soushou takteila kasi aila ngühthang yenkei? Ditashi, kalao khünbü shuong koukhüna kia, haoenei no tonlanglabü!” 10Khoyam sao kho haoeibü you junga tuongetkei hoba haikei. Kheijinei heshou shuong lotkei hoba sao haian hapan haoenei saokei tonlangkei hoba haolao junga khünkei. 11Lashongbü dan pendou hoba kho ngühlang ditbü shuong pendou hatyokei.
Sei hoba Maangpanglabü
12Mütshuong yoa youkoikjai shuongei seikümseilei hoba maang- panglabü juong kümbei. Haoen pendou Solomoneibü chemsophanga kambei. 13Haoen yoa yola aoeikei asom, lausikei mütshuongei haoen nyen sangkei; 14lausikei athakko Bunyubou to mailembü shuong bousu yaksa juong haoen lühbaka jinyokei. 15Hibü haoenei lamnyu to liko shatbünyatbü shuong sungbakei, hoba Peter danji phaijinei müt che nyi thükto ongkei haoeibü mangh nadanoua dogo daman yepshanga si amnyua lengtian phokukei. 16Lepsang lepkhong ka shuong shuonga Jerusalem to shatbünyatbü shuong hoba shabü souei lapbü shuong leibakei hoba haoen pendou maikei.
Youkoikjai shuong Shieikoebü
17Kheijinei khukabou ungshed hoba hao yoa kibü shuong, hoba Sadukibü eikshuongeikei haoen to nyekto shatkei. 18Haoen loenkei hoba youkoikjai shuong lapbei hoba haoen sangnyu thüngdanga phokei. 19Lausikei nangnak Bunyubou khuthük hangangbüei thüngdang koukhün ipan sattikei hoba laukei, 20“Hauashi hoba Lembüchema loashi hoba mütshuong la ho langkei shangabü lenashi.” 21Ladang haoenei kho ditkei haoen Lembüchem to haukei hoba chanyu louphambü ka jaüan lenla khangkei.
Ladang khukabou ungshed hoba hao yoa kibü shuong loukei, haoenei Sanhedrin hoba Israelbü jaishou shuong thangyen takshatkei, hoba hangangbü shuong kho leibala shanga thüngdang chem to ngüh hautikei. 22Ladang pangsa shuongei kho sühlangkei haoenei haoen khünei ühüp. Haoen ngaian lenkei, 23“Künei thüngdang chem kho kaangkhühtham khinan, lombü shuong kho koukhüna loan hapbei, lausikei ladang künei kho ipbei chemmaanga aokei akitei.” 24Ladang haoenei kho ditkei, Lembüchem lombü shuongeibü leiyeibou si ungshed jaishou shuongei khübü youkoikjai shuong la ai haüthükkei dogo mangan apbei. 25Müt atei louan haoen la lenkei, “Kanei thüngdanga khinbü mütshuong kho maimaitham Lembüchema kia; haoen khünei mütshuong la lenko loakei.”
26Kheijinei leiyeibou kho haoeibü eikshuong leijung hauan, mütshuongei laangei sonsi amaibüla dogo khau üangko eaaoa leibakei. 27Haoenei haoen leibakei hoba Sanhedrin thedanga lotikei. Khukabou ungshedbouei haoen to hai 28lauko phekei, “Künei kan la kho nyena alenla shanga ngühkhüm kaangkhühtham kua hoba kanei Jerusalem pendou kaneibü lenbüei nyaktia hoba kho müt haibü on kho kün la küntimang sühda.” 29Peter si youkoikjai shuongei jongaikei, “Künei müt ngüha ayingko Mühghaü ngüha lejan. 30Seneibü Mühghaüei kanei peiseia thüngettibou Jisu Khrista kho langngaitikei. 31Israel maangpon sepeitila hoba saoeibü shabü apbula shanga Mühghaüei haoeibü maenei Leiyeibou hoba Khümenbou che tegü tonenbou kho hao ki. 32Khübü loushedbü shanga hao to ngüha lebü shuong la Mühghaüei kubü Soushou Saopobü, hoba kün shuong aukabü ki.” 33Haoenei kho ditan maangpokkei hoba haoen haitila takenkei. 34Lausikei Farisibü Ngühkhüm lenbou müt che Gamaliel dogo nyenan mütshuongei soumo kuko kibü müt che, Sanhedrina loenan, mütshuong kho insing che tangto leilangla shanga haoen to lenkei. 35Haoei haoen to laukei, “Israelbü shuong, kanei khübü mütshuong la ai kümbula damdaje maangsangashi. 36Aishanga jihsiphai tuisho dana, Theudaei hao khei phangche yaangkei dogo lauan meimeikei, hoba hao phainei müt saongao lei thüng sembei. Lausikei hao kho haitian apbei hoba haoeibü eikshuong kho linkei, hoba haoen khünei thonkei. 37Kho phaia lühbak webü jihsiphaia Galilbü Judas dogo nyenan müt che, hao phainei mütshuong at yoan khulimbo loenkei. Haokei khei maukei hoba haoeibü eikshuong pendou linto jankei. 38Hibü ngei kan la lenda, tou kaneibü ik kho haoen ka litiashi hoba khübü mütshuong kho khei ong apyoshi, aishanga haoenei kümbotakko kibü kho müteibü kümsilei yingan kialonga ho mauan aplabü. 39Lausikei ho Mühghaüeibü kümsilei yingan kisije, kanei haoen amauentilabü, maimaitham kan bouje Mühghaü to jakkokei thonada.” Haoen haoeibü ngühlam to loukei. 40Haoenei youkoikjai shuong kho ngayetan ngümeikei hoba Jisu nyena song alenla shanga ngühkhüm kaangkhühtham kukei. Kho phaia haoenei haoen litikei.
41Hibü haoen Sanhedrin ka olinyoko ngaikei, aishanga haoen kho Jisu nyena aweasüngko shieinangeila muan kikei; 42hoba chalou weko haoenei Lembüchema hoba mütshuongeibü chema Jisu kho Messia yingkei dogo lenbü hoba songlenbü kho athak.
தற்சமயம் தேர்ந்தெடுக்கப்பட்டது:
YOUKOIKJAI 5: CHANGBSI
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
YOUKOIKJAI 5
5
Anania hoba Safira
1Lausikei müt che Anania dogo nyenan kikei, hoba hao yak Safira haosiei peisilei at yakkei, 2hoba yakeikei ngeko haoei nam at hao shanga phongaikei. Haoei joubü kho sungbakei hoba kho youkoikjai shuong junga phokukei. 3Peterei laukei, “Anania, nyi Soushou Saopobü huonettilabü hoba sek yaakletbü ka ka shanga jamde huan pholabü lele lai küman Satanei kaibü maangpon hainyu shentikei? 4Ho ayaakjinei kaibü aying lo, hoba ho yakan phaia dogokei yakletbü nam kho kamaang aying lo? Nyi müt thedanga ayingko Mühghaü thedanga yepeikei.” 5Ananiaei ladang khübü kho ditkei hao tuongetnyu haikei. Ho ditbü shuong pendou hatbüei shenkei. 6Kheijinei heshou shuong meimeikei hoba hao sholepbei; hoba haoenei hao sunglangan khünan apbei.
7Angh sem thüng danan phaia ai haüthükkei kho ai angeko hao yakkei loukei. 8Kheijinei Peterei sao to laukei, “Kü la lenbü, kasiei sek kho khüjoche lu phoukei lo?” Saoei laukei, “Haü, khüjoche lu phoukei.” 9Peterei sao to laukei, “Bunyubou Soushou takteila kasi aila ngühthang yenkei? Ditashi, kalao khünbü shuong koukhüna kia, haoenei no tonlanglabü!” 10Khoyam sao kho haoeibü you junga tuongetkei hoba haikei. Kheijinei heshou shuong lotkei hoba sao haian hapan haoenei saokei tonlangkei hoba haolao junga khünkei. 11Lashongbü dan pendou hoba kho ngühlang ditbü shuong pendou hatyokei.
Sei hoba Maangpanglabü
12Mütshuong yoa youkoikjai shuongei seikümseilei hoba maang- panglabü juong kümbei. Haoen pendou Solomoneibü chemsophanga kambei. 13Haoen yoa yola aoeikei asom, lausikei mütshuongei haoen nyen sangkei; 14lausikei athakko Bunyubou to mailembü shuong bousu yaksa juong haoen lühbaka jinyokei. 15Hibü haoenei lamnyu to liko shatbünyatbü shuong sungbakei, hoba Peter danji phaijinei müt che nyi thükto ongkei haoeibü mangh nadanoua dogo daman yepshanga si amnyua lengtian phokukei. 16Lepsang lepkhong ka shuong shuonga Jerusalem to shatbünyatbü shuong hoba shabü souei lapbü shuong leibakei hoba haoen pendou maikei.
Youkoikjai shuong Shieikoebü
17Kheijinei khukabou ungshed hoba hao yoa kibü shuong, hoba Sadukibü eikshuongeikei haoen to nyekto shatkei. 18Haoen loenkei hoba youkoikjai shuong lapbei hoba haoen sangnyu thüngdanga phokei. 19Lausikei nangnak Bunyubou khuthük hangangbüei thüngdang koukhün ipan sattikei hoba laukei, 20“Hauashi hoba Lembüchema loashi hoba mütshuong la ho langkei shangabü lenashi.” 21Ladang haoenei kho ditkei haoen Lembüchem to haukei hoba chanyu louphambü ka jaüan lenla khangkei.
Ladang khukabou ungshed hoba hao yoa kibü shuong loukei, haoenei Sanhedrin hoba Israelbü jaishou shuong thangyen takshatkei, hoba hangangbü shuong kho leibala shanga thüngdang chem to ngüh hautikei. 22Ladang pangsa shuongei kho sühlangkei haoenei haoen khünei ühüp. Haoen ngaian lenkei, 23“Künei thüngdang chem kho kaangkhühtham khinan, lombü shuong kho koukhüna loan hapbei, lausikei ladang künei kho ipbei chemmaanga aokei akitei.” 24Ladang haoenei kho ditkei, Lembüchem lombü shuongeibü leiyeibou si ungshed jaishou shuongei khübü youkoikjai shuong la ai haüthükkei dogo mangan apbei. 25Müt atei louan haoen la lenkei, “Kanei thüngdanga khinbü mütshuong kho maimaitham Lembüchema kia; haoen khünei mütshuong la lenko loakei.”
26Kheijinei leiyeibou kho haoeibü eikshuong leijung hauan, mütshuongei laangei sonsi amaibüla dogo khau üangko eaaoa leibakei. 27Haoenei haoen leibakei hoba Sanhedrin thedanga lotikei. Khukabou ungshedbouei haoen to hai 28lauko phekei, “Künei kan la kho nyena alenla shanga ngühkhüm kaangkhühtham kua hoba kanei Jerusalem pendou kaneibü lenbüei nyaktia hoba kho müt haibü on kho kün la küntimang sühda.” 29Peter si youkoikjai shuongei jongaikei, “Künei müt ngüha ayingko Mühghaü ngüha lejan. 30Seneibü Mühghaüei kanei peiseia thüngettibou Jisu Khrista kho langngaitikei. 31Israel maangpon sepeitila hoba saoeibü shabü apbula shanga Mühghaüei haoeibü maenei Leiyeibou hoba Khümenbou che tegü tonenbou kho hao ki. 32Khübü loushedbü shanga hao to ngüha lebü shuong la Mühghaüei kubü Soushou Saopobü, hoba kün shuong aukabü ki.” 33Haoenei kho ditan maangpokkei hoba haoen haitila takenkei. 34Lausikei Farisibü Ngühkhüm lenbou müt che Gamaliel dogo nyenan mütshuongei soumo kuko kibü müt che, Sanhedrina loenan, mütshuong kho insing che tangto leilangla shanga haoen to lenkei. 35Haoei haoen to laukei, “Israelbü shuong, kanei khübü mütshuong la ai kümbula damdaje maangsangashi. 36Aishanga jihsiphai tuisho dana, Theudaei hao khei phangche yaangkei dogo lauan meimeikei, hoba hao phainei müt saongao lei thüng sembei. Lausikei hao kho haitian apbei hoba haoeibü eikshuong kho linkei, hoba haoen khünei thonkei. 37Kho phaia lühbak webü jihsiphaia Galilbü Judas dogo nyenan müt che, hao phainei mütshuong at yoan khulimbo loenkei. Haokei khei maukei hoba haoeibü eikshuong pendou linto jankei. 38Hibü ngei kan la lenda, tou kaneibü ik kho haoen ka litiashi hoba khübü mütshuong kho khei ong apyoshi, aishanga haoenei kümbotakko kibü kho müteibü kümsilei yingan kialonga ho mauan aplabü. 39Lausikei ho Mühghaüeibü kümsilei yingan kisije, kanei haoen amauentilabü, maimaitham kan bouje Mühghaü to jakkokei thonada.” Haoen haoeibü ngühlam to loukei. 40Haoenei youkoikjai shuong kho ngayetan ngümeikei hoba Jisu nyena song alenla shanga ngühkhüm kaangkhühtham kukei. Kho phaia haoenei haoen litikei.
41Hibü haoen Sanhedrin ka olinyoko ngaikei, aishanga haoen kho Jisu nyena aweasüngko shieinangeila muan kikei; 42hoba chalou weko haoenei Lembüchema hoba mütshuongeibü chema Jisu kho Messia yingkei dogo lenbü hoba songlenbü kho athak.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.