YOUKOIKJAI Ngühip

Ngühip

Youkoikjai ho Ngühlangmaibü Luk ka thenbü ki. Haoeibü nyekchüh kongnyubou kho Jisueibü eikshuongei ailai Soushou Saopobüei leiyeiko “Jerusalema, Jihuda pendoua hoba Samariaa, hoba kaodak thonbüa sühko” (1.8), hao shangabü Ngülang Maibü phinthonkei kho shanga lenmang sühbü ki. Ho Khristan sangle nyaklangbü ki, aieilausi ho Jihudabü mütli yoa shaang khangkei hoba kaodak khümboeibü mailem la yeikei. Dobouei ho webü dan la chongchingtimang sühbü kho Khristan shuong Rom sangle songdak peksekbou aying, lausikei Khristan mailem ho Jihuda songle loushedbü ki.

Youkoikjai ho kaophei latetchenei Jisu shangabü Ngühlangmaibü phinthonkei hoba lashong khangenkei kho lenouko phejan sem la janla thükakei: (1) Jisu leiangbü phaia Jerusalema Khristan sangle nyaklangla khangbü; (2) Palestina lubü kaophei to aabü; hoba (3) Mediterania kaodak hoba Roma sühlangko aabü.

Youkoikjaia lenmang sühbü kongnyubou hoba ho lea lenoubü haüthükbü pendou kho Pentekost nyet Jerusalema mailembü shuong thükto lotbü Soushou Saopobü kümsilei hoba hoei lashong hoba khonei khuleibü shuong athakko lomatko hau kingaitibü shangabü ki. Shaangbou Khristan ngühlang shuong kho songlen shijo la yeiko hokshaiakei, hoba Youkoikjaia lenbü haüthükbü shuong khoei mailembü shuong langkei hoba Lashong himjama kho songlen sei yaangbü shanga lenda.

Komdak

Aukabü shanga lamlebü 1.1-26

a. Jisueibü thonbü sakkubü hoba theletbü 1.1-14

b. Judas jeibou 1.15-26

Jerusalema aukabü 2.1–8.3

Jihuda hoba Samariaa aukabü 8.4–12.25

Paulei khangenbü 13.1–28.31

a. Shaangbou songlen wakou 13.1–14.28

b. Jerusalema kambü yaangbü 15.1-35

c. Nyiboubü songlen wakou 15.36–18.22

d. Semboubü wakou 18.23–21.16

e. Paul Jerusalema, Kaisariaa, hoba Roma 21.17–28.31

தற்சமயம் தேர்ந்தெடுக்கப்பட்டது:

YOUKOIKJAI Ngühip: CHANGBSI

சிறப்புக்கூறு

பகிர்

நகல்

உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்

Chang Naga Bible - SAOPOBÜ LAI

SAOPOBÜ LAI (BSI) பற்றி மேலும் அறிக

YOUKOIKJAI Ngühip