Popular Bible Verses from Metiu 5

షేర్ చేయి

Fanu biil ri fasok lam la ke ri ka luun u la na piklin paket, biil. Ri luun u la tom na sala, isi ik ta malal usuf fanu tikii na palgan fel. Pesu gam sabin, malal kimi in popos una matan fanu, isi rik par foron rokap na sinangu gam ma rik usefages Tama gam buuii na kukulii.”

“Gam arae malal na piklinbat. Nenge maleh ae i kiis na olon pungpung biil ifasi in mumun.

Ri kalok e fanu ae i kalkaluu e balri, wara le rin par God.

Ri kalok e fanu ae ri fitol ma ri ka metdan isi tortores na sinang, wara le nami rin mas.

Isau le ia fas gam: Gamen ier isi foron tuui kimi ke gamek sising isi fanse ae ri ta fangungut usuf gam

“Ri kalok e fanu ae ri usum le ri lauu na tanwa, wara le kiri e matanfuntih na kukulii.

Ri kalok e fanu ae ri fatapiek siaroh la, wara le God in foteng ri arae berberat kia tom.

Ri kalok e fanu ae ri teng, wara le God in famor ri.

Ri kalok e fanu ae ri kep fangungut sing fanu wara na tortores na sinang, wara le kiri e matanfuntih na kukulii.

Ri kalok e fanu ae ri famais la, wara le God in mais ri.

“Gam kalok aunbiing fanu ri nes gam, ri ka ta fangungut sing gam ke ri ka use foron orek laulau ulo gam ae biil i tekentu, wara lo iau. Gamen gesges ma gamek laes, wara le i laumet kanaka e fifiil kimi buuii na kukulii. Foron profet sabin ae ri liu famu ta lo gam ri kep ta fangungut arae sing fanu.

Ri kalok e fanu ae ri fapu ri la, wara le God in ta piklinbat tikii usuf ri.

“Gam arae tes an fanu tikii na piklinbat. Isau male in rop e musmus lo, ke arafa sabin rin famusmus fafis u arae? Biil mang i rokap una tel ti tier, i rokap sau le rin fore ufu ma fanu rik fose u.

Pesu, gamen tapiek tortores, arae Tama gam buuii na kukulii i tortores kanaka.

Male gam somangat, ke gamen tara sau le, ‘Iuu.’ Ke male gam fakawe, ke gamen tara sau le, ‘Auuh.’ Ti orek sabin ae gamen falimlim ini, i la tom sing kaltu laulau.

“Gam ka ongen ta u ae ri tara le, ‘Male nenge kaltu i fabor kolson matan tikas, ke rin tel fabor kolson mata sabin. Ke male nenge kaltu i bayi ngisan tikas, ke rin bayi ngisa sabin.’ Isau le ia fas gam, gong gam kiliis sinang laulau ae neng i tel u ulo gam. Male tikas i pose peum na miam, tamikis isi ik pose nenge baba sabin.

Male kolson matam na miam i faluut o na sinang laulau, au ufu ke ok lin u. In rokap le nenge irin pununfom in mangmangal, isi biil rin lin pununfom kuruur una tara yiif ae biil i met la. Ke, male miam i faluut o na sinang laulau, bus ufu ke ok lin u. In rokap le nenge irin pununfom in mangmangal, isi biil rin lin pununfom kuruur una tara yiif ae biil i met la.”