Lukas 9 నుండి ప్రసిద్ధ బైబిల్ శ్లోకాలు

షేర్ చేయి

Thiab Yexus hais rau lawv sawvdaws tias, “Yog leejtwg xav nrog Kuv mus, nws yuavtsum tsis txhob xav txog nws tuskheej, niajhnub kwv nws tus ntoo khaublig, thiab raws Kuv qab.

Rauqhov tus uas xav ceev nws txojsia, tus ntawd yuav plam txojsia, tiamsis tus uas yeem cia nws txojsia tu rau Kuv, tus ntawd yuav ceev tau nws txojsia.

Yexus hais rau tus ntawd tias, “Tus uas twb tuav khais laijliag lawm, tiamsis tseem pheej tig saib qab, tus ntawd tsis tsimnyog ua haujlwm rau Vajtswv lub Tebchaws.”

Yog leejtwg tau ibpuas tsavyam hauv ntiajteb no los ua nws tug, tiamsis nws txojsia tu lossis puastsuaj mus lawm, tej ntawd yuav muaj qabhau dabtsi rau nws?

Yog leejtwg txajmuag rau Kuv lub npe thiab Kuv tej lus qhia, ces thaum lub sijhawm uas Neeg Leejtub nrog Nws cov timtswv dawbhuv los saum ntuj los thiab nrog Leejtxiv tus tshwjchim uas ci ntsa-iab los, Nws yuav txajmuag rau tus ntawd thiab.

Yexus teb nws hais tias, “Hma tseem muaj qhov nkaum thiab noog tseem muaj zes nyob, tiamsis Neeg Leejtub tsis muaj lub chaw rau ncoo.”

thiab Nws hais rau lawv tias, “Tus uas txais yuav tus menyuam yaus no hauv Kuv lub npe, yog nws txais yuav Kuv; thiab tus uas txais yuav Kuv, yog nws txais yuav tus uas txib Kuv los thiab. Rauqhov tus uas ua tus yau tshajplaws hauv nej tagnrho, tus ntawd thiaj yog tus uas loj dua ntais.”