Popular Bible Verses from Ibeb 9

షేర్ చేయి

Awaji onenitumu inyi ema ibe, “Inyan̄a-ibot, eyi òkup inyi emi melek kinyi, melek inu chi geelek òkifuuk efuuk echi òkup melek kinyi, môkup ire mgbọ geelek. Inu ijejeen̄ eyi mbasa irọ inyan̄a-ibot yi inye ìre ikeyi: Nra isun̄ egop ubọọn̄ n̄a me emen oduku inyọn̄. Eyi òbokup kubọk iman̄ òriọọn̄ eyi inyan̄a-ibot yi òkup inyi emi melek linyọn̄.

Mgbọ geelek egop ubọọn̄ ya osibibe me emen oduku inyọn̄, emi mâmun̄, mè ikeek inyan̄a-ibot yi òbokup ire mgbọ geelek, eyi emi Awaji nnyan̄abe melek ebilene mè inu geelek òkifuuk efuuk me linyọn̄.

“Ikaan̄ ogwu ikpan̄ ene ogbo kan̄, ene si obokpan̄ ọmọ, mije, emi Awaji ǹrom ene me mbet n̄a.

Awaji onenigbana Nuwa mè ebi bọn mè itumu inyi ema ibe, “Ìmumana mè ìwa me otu ifuk, mè ìjot linyọn̄.

Ike mwuukbe lek isa uti geelek òkititibi inyi enyi ibe enyi ekerie, ikeya si ke nsa otutuuk inu geelek òkifuuk efuuk mè ikije ikana me ijọn̄ inyi enyi, ibe enyi eketaka.

Ukpook kinyi mè urimi ònan̄a me lek kinyi môkigwook me lek otutuuk anam geelek òkup me linyọn̄, mè otutuuk unọn òwulu me inyọn̄ geelek, mè otutuuk inu geelek òkinyinyọnọ me ijọn̄, mè otutuuk irin̄ geelek òkup me okwaan̄. Ubọk kinyi ke nkana ema otutuuk itap, ibe enyi ekekpulu.

Ire enyi, m̀be enyi, ìmumana mè ìwa me otu ifuk, mè ìjot otutuuk linyọn̄.”