Popular Bible Verses from Matthew 19

షేర్ చేయి

Waigen Jesus ltha gwi il kīaiang, waigen hin ltha il shūtaiang, ā kin isis ītlansidā an singetzang, waigen Shānungetlagidas an kin wautliwan yāngulang.

Altsīilth kum houshen il stungwaangshang: kēā swaunshung il isīlthawang: kītildou Shānungetlagidas gwudga tlāaskīdang, agwan kum nung ītlinga gwudistāhā il istawāngda.

Waigen hin hangtlan ltha il shūtaiāng, kum gu dalung readadāngudjang? awolth nung ītlinga isken nung chada ishin il tlaoutlāgangang ā. Waigen hinu il shouan, ā kin isis hagunan nung ītlinga aung unga isken ou unga ishin tastlāshang, waigen chā unga alth il stung gīīshang: waigen ltha stung kēā swaunshung isīlthasang.

Waigen Jesus hin shouan, agwan lth hīhudila dī ā istaldo, waigen kum ltha ā stakidāngu: shāgē kingdomgē gu hāagē isis althla.

Lth hāada kwan kwuniātlāgangs gaiu otgwau isīlthasang, waigen otgwau ga isgē kwuniē ēlthasang.

Ltha wautliwan han nē isken, kwaialung isbin, tūanalung ishin, chasalung ishin, aungalung ishin, oualung ishin cbāalung ishin, kitilung ishin, tligē ishin dī kēyi hagunan ltha tastlastlo, wausilthka lagwau klēlth telgu ltha gwi kāēlthasang, waigen hēninga swaunung ishin ltha daāshang.

Jesus hin il shūtaiang; kwutungē swaunshung istiē da dung kwudungstlo, kin wautliwan dung dāas alth lth giadouwē, waigen ltha kuniskidēga ga lth ista, waigen shā tligē gwau kin kwōyas dung daāshang, waigen althgwi isanga di tlā lth kā.

Waigen hin lā il shūtaiang, kashintlou lā hin dī dung kēyādung? kum nung swaunshung lānḡung tlan Shānungetlagidas swaunanu lāḡung: hēninga an kātlāgē da dung kwudungsken, kingwoguns lth tumanking.

Waigen houshen hin dalung ga lth shūḡung, shāgē kingdomgē gu nung kintlingā kātlāgē telgu kintīga yūans stlin kwusi hēlā kalthgwīd kāgē yāngulang.

Waigen tlaou dalung ga shūḡung: kīstho chā unga dānḡung, kum il lagāansken an, waigen nung kalat il inēlthstlo hinganu lā alth il tīgādāsang. Kīstho nung ltha dāngs inēlgung lā ishin hinganu lā alth tīgādāshang.

Waigen Jesus lagagahatijanḡē hin il shūtaiang, yenkien dalung ga lth shūḡung, shāgē kingdomgē gu nung kintlingā kātlāgē singētzang.