Matthew 19
19
Chaptergē Klāalth wok Klāalthswansinḡu.
1WAIGEN ashgē gūshouwē Jesus shūda ēlthkīgang tlo, Galilee tligē stāhā il kaiitāni ken Judea tligē gu il kātlāgang Jordan hantlā;
2Waigen ltha skūla yūans lā tlā istiēdang, waigen gaigu ltha il tlatagwiēlang.
3Pharisee hāadē lā an istlāgang, waigen il eddē ltha kil kāngang: hin lā ltha shūtaiang, kin dāunga wautliwan hagunan nung ītlinga chā unga dānḡē gu lā us?
4Waigen hin hangtlan ltha il shūtaiāng, kum gu dalung readadāngudjang? awolth nung ītlinga isken nung chada ishin il tlaoutlāgangang ā.
5Waigen hinu il shouan, ā kin isis hagunan nung ītlinga aung unga isken ou unga ishin tastlāshang, waigen chā unga alth il stung gīīshang: waigen ltha stung kēā swaunshung isīlthasang.
6Altsīilth kum houshen il stungwaangshang: kēā swaunshung il isīlthawang: kītildou Shānungetlagidas gwudga tlāaskīdang, agwan kum nung ītlinga gwudistāhā il istawāngda.
7Wadlu lā ltha shūtaiang, kashintlou Moses gwudistāhā ltha itzgē kālungē gwudga ltha il istalthudjang? waigen gwud ltha dāngwēanā.
8Hin ltha il shūtaiang, dalung kwutungē katsas althlā chā unga dānḡē alth Moses dalung kingwogangang: tlaglu agwi kum hin edāngāni.
9Waigen tlaou dalung ga shūḡung: kīstho chā unga dānḡung, kum il lagāansken an, waigen nung kalat il inēlthstlo hinganu lā alth il tīgādāsang. Kīstho nung ltha dāngs inēlgung lā ishin hinganu lā alth tīgādāshang.
10Lagagahatijanḡē hin il shūtaiang, nung ītlinga kum tliku chā unga dāng tlingē kāng gaansken, lā alth gu il inalēu kum lānḡung.
11Waigen ltha il shūtaiang, lth hāada wautliwan kum tliku adshi gūshouwē ista tlingē kāng gaanḡung: titch ga istiāsi swaunanu istāshang.
12Altsīilth ltha tītch chāadasu ltha oualung kaiyuḡunḡung: waigen ltha ītlansidou ltha tītch tlachāadāgung: waigen shāgē kingdomgē hagunan ltha tītch chāadasu tītch hin ltha chāadādang. Istiē an nung tagwias lth agwan il istada.
13Wadlu ltha hīhudila lā an ltha kēlthilangang ltha inku stlē unga il istiēanā, waigen singelthkang il gūshūgēanā: waigen lagagahatijanḡē ltha ā stakīdang.
14Waigen Jesus hin shouan, agwan lth hīhudila dī ā istaldo, waigen kum ltha ā stakidāngu: shāgē kingdomgē gu hāagē isis althla.
15Waigen ltha inku stlē unga il istaiang, waigen stāhā il kaiitang.
16Waigen kwoking, nung swaunshung lā an kātlāgang kenhinu il shouan, Nung ētlagida las, gūshū lou lth istāshang hēninga swaunung lth dāagēanā?
17Waigen hin lā il shūtaiang, kashintlou lā hin dī dung kēyādung? kum nung swaunshung lānḡung tlan Shānungetlagidas swaunanu lāḡung: hēninga an kātlāgē da dung kwudungsken, kingwoguns lth tumanking.
18Lā il shūtaiang, kishgaiu? Waigen Jesus hin shouan, kum lth hāada tiāng: kum lth chāgāng: kum lth kwolthtāng: kum ltha kil hansta kwaiēdungāng.
19Aung unga isken ou unga ishin lth ga gwudgīd: waigen tlu unga dung kwōyādas kingān dung kwulth ltha naans lth kwōyāda.
20Anung itan innas hin lā il shūtaiang, ā kin isis wautliwan tuman lth kinḡuni. Gūshgu wēatu ga dī statlang?
21Jesus hin il shūtaiang; kwutungē swaunshung istiē da dung kwudungstlo, kin wautliwan dung dāas alth lth giadouwē, waigen ltha kuniskidēga ga lth ista, waigen shā tligē gwau kin kwōyas dung daāshang, waigen althgwi isanga di tlā lth kā.
22Tlīstluan anung itan innas ashgē gūshouwē kwudangang tlo, il kwutungē stis dungalth il kaiitang, tligē kwan il daaiang althlā.
23Waigen Jesus lagagahatijanḡē hin il shūtaiang, yenkien dalung ga lth shūḡung, shāgē kingdomgē gu nung kintlingā kātlāgē singētzang.
24Waigen houshen hin dalung ga lth shūḡung, shāgē kingdomgē gu nung kintlingā kātlāgē telgu kintīga yūans stlin kwusi hēlā kalthgwīd kāgē yāngulang.
25Waigen tlīstluan lagagahatijanḡē kwudangang tlo ltha kwutungē kaldungāḡangang, waigen hin ltha shouan kashinlth edlou kaḡunāsin?
26Waigen Jesus ltha gwi il kīaiang, waigen hin ltha il shūtaiang, ā kin isis ītlansidā an singetzang, waigen Shānungetlagidas an kin wautliwan yāngulang.
27Wadlu Peter hangtlan shouan, waigen hin lā il shūtaiang, kwoking, kin wautliwan stāhā unga talung istiēdang, waigen dung tlā talung istalgung: gūshū talung istāshang?
28Waigen Jesus hin ltha il shūtaiang, yenkien dalung ga lth shūḡung, tligē houtla gu, tlīstluan nung ītlinga kit aulthkaaungwē anyākwudungā inku unga il kouwastlo, dī tlā dalung istals dalung ishin aulthkaaungwē lā inku tluadāshang, waigen Israel gwaigangē klāalth wok stung dalung ginkilislangshang.
29Ltha wautliwan han nē isken, kwaialung isbin, tūanalung ishin, chasalung ishin, aungalung ishin, oualung ishin cbāalung ishin, kitilung ishin, tligē ishin dī kēyi hagunan ltha tastlastlo, wausilthka lagwau klēlth telgu ltha gwi kāēlthasang, waigen hēninga swaunung ishin ltha daāshang.
30Lth hāada kwan kwuniātlāgangs gaiu otgwau isīlthasang, waigen otgwau ga isgē kwuniē ēlthasang.
ప్రస్తుతం ఎంపిక చేయబడింది:
Matthew 19: HAIDA
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
First published by the British and Foreign Bible Society 1891-1899.