Matthew 20
20
Chaptergē Lagwau Swaunshung.
1SHĀGĒ kingdomgē nung ītlinga nalēgā kingānu ēdung, waigen singaian nung kāḡwā lanā lthāangwilēilung vine lthkai kwulthkadazi ā unga il istiēanā.
2Waigen sin gud cent swaunshung ltha ga il giasouses an ltha il ūnshitalthtaiang tlo, vine lthkai kwulthkadazi ā unga ltha il kil istiēdang.
3Askaskit klāalthswaunsingūstlo kiak il kāḡwālang, waigen giouk waddanē isis kwulthkadazi gu ltha kalat skunsalungā tlazūgiangs il kāngang.
4Waigen ltha il shūtaiang, dalung ishin vine lthkai kwulthkadazi ā lth istiēdo, waigen tliku an kin lā ed dalung ga lth istāshang. Waigen kūwē gud unga ltha istiēdang.
5Waigen askaskit klāalth wok stung talstlo, waigen askaskit lth'ūnilthstlo houshen kiak il kāḡwālang, waigen houshen kingān il shouan.
6Askaskit klēlthstlo kiak il kāḡwālang, waigen ltha kalat skunsalungā tlazūgians il kāngang: waigen hin ltha il shūtaiang, kashintlou ādlun sin saasgud skunsalungan dalung tlazūgianḡung.
7Hin lā ltha shutaiang, kum nung ītlinga lthāangwiliē ītil ga istaansi althlā.
8Ltha il shūtaiang, dalung ishin vine lthkai kwulthkadazi ā lth istiēdo, waigen tliku an kin lā ed dalung istāshang.
9Tlīstluan sinyāstlo, vine lthkai kwulthkadazi an nung ītlagidas kin wautliwan tuman langa nung kings hin il shūtaiang, ga lthāangwilas gē an lth aiying, waigen lthāangwiliē ltha ga lthanga saou ista: otgwau ga lthāangwilas gē ga lth giasou tlāgang, waigen kwunā gē ga lth otgwau giasou.
10Askaskit klēlth lastlo ga lthāangwilā tlāgang gē centgē swaunshung wu istaodzouang: ga lthāangwilā tlā tlāgangang gēu wautelgu wu istāshang kwudangang, waigen gē ishin waikingān centgē swaunshung wu istaodzouang.
11Tlīstluan ltha istaiang tlo nēlē ltha kilthwangang.
12Waigen hin ltha shouan, otgwau ga lthāangwilas gē askaskit swaunshung gud swaunan lthāangwilgun, waigen ītil kingān ltha ga dung giasouḡun juiē kousta yūanstlo, yenkien sin saasgud talung lthāangwilgun, waigen kashintlou kum wautelg ītil ga dung giasouānḡung?
13Waigen nung swaunshung ltha shu hin il shūtaiang, toui, kum dung lth tlaoulthdaungānḡung: kum gu cent swaunshung sing sin gud dī an lthāangwiliē an dung kwutungē lāngudjang?
14Oudshi lth unga ista, waigen kūwē gud lth unga kaiit: tliku lth kwuduns kingān lth waushang, waigen dung ga lth giasous kingān ā otgwau ltha isis ga lth giasouasang.
15Tliku kin an unga lth kwudungs kingān lth istiē gu kum dī an lāng us? Dung hangi gu dāungā us? dī hangi lā si althlā.
16Altsīilth ltha kwuniā tlāgangs gaiu otgwau isisang, waigen ltha otgwau hāadē gē ishin kwuniē ēlthasang. Kingānu ga ostlas gē kwuniāsang, waigen ga kwunias gē ostlāsang. Lth hāada kwan an aiyingāgung, waigen ltha gū kingstiāgung
17Waigen Jesus Jerusalem tligē ā il kaiitālang tlo, kūwē in lagagahatijanḡē il istaiang, waigen hin ltha il shutaiang:
18Kwoking, Jerusalem tligē ā talung istiēdasang, waigen nung ītlinga kit ga laplet ītlagidasgē isken, takālunglēilung ishin ga alth ltha giadāshang: il kwōtalēanu lā ltha ginkilislungshang: siliā, tliga kalat hāadē ga lā ltha istāshang lā alth ltha nangasilungēanā.
19Lā ltha tilthwangēanā, lā ltha zitokliskidēanā, waigen shantlan lth'ūnilthstlo houshen il kātlūshang.
20Wadlu Zebedee kitilung ou lā an kā tlāgang il kitilung dungalthan: lā ā singelthkang il gūshūstlo lā alth kin da il kiānangang.
21Waigen hin lā il shūtaiang, gūsh gu dung istatlang? Lā il shūtaiang, dunḡiē kingdomgē gwau dī kitilung stung tluadiē alth takingwoḡung: nung swaun dung soolgūst isken nung kalat dung stlangūst itzgēanā.
22Jesus hin hangtlan shouan, kin da dalung kiānungs anu kum dalung ūnshitānḡung. Skatlang aist lth hutlaungkasēs aist hutliēan gu dalung tagwiā us? Waigen baptismgē alth dī baptaizdias alth baptaizdigēan gu dalung tagwiā us? Lā il shūtaouang an ītil tagwiāgung.
23Hin lā il shūtaouang, yenkien kiagin skatlangwē aist dalung hutlāshang: soolgūst dī kwulth kouwiē isken, stlangūst dī kwulth kouwiē ishin dalung ga lth istiēan kum kiagin isānḡung: kitildou an ltha dī Aung ēlthkidasi wū istawaushang.
24Tlīstluan ltha klāalth kwudāngāni tlo, kwaialung stung an ltha kātliyilthdaiang.
25Waigen Jesus ltha an aiyangang, waigen hinū il shouan, ltha haldungsidāan ltha istaḡuns tliga kalat hāadē an ga princesgas gēu an dalung ūnshitung; waigen ltha hangast ga ītlagidasgē kilth kingān ltha waugunḡung.
26Kum waikīngān dalung shu edāngshang: kīstho dalung shu ītlagidagē da kwudungstlo, agwan dalung kitzadou il isisang: waigen kīstho dalung shu kwuniāgē da kwudungstlo agwan dalung haldunga il isisang.
27Waikingān nung ītlinga kit kum an lthāangwilangēan kātlātalgun:
28Il lthāangwilēan il kātlātalgun, lth hāada kwan hēninga unga alth il dakgēanā.
29Waigen Jericho tligē stāhā itan ltha istiēdungdang ltha skūla yūan lā tlā istālang.
30Waigen kwoking, ltha hangkagas stung kūwē in tluadaiang kin il ginungāwēanā. Jesus kāgians il kwudungwastlo hinū il sahaigaouang, Shālānā David Kit, ītil kalthshint lth kwutung.
31Waigen ītha skūlas lā ā stakidaouang tlan il gūshūūwēanā: waigen houshen hin il sahaigaouang, Shālānā David Kit, ītil kalthshint lth kwutung.
32Waigen Jesus giāgang ken lā an il aiyingouang: waigen hinū il shouan, gūsh dalung an lth istiē gu dalung istatlang?
33Lā il shūtaouang, Shālānā, ītil hangi helthilthgiēan.
34Altsīilth Jesus lā kalthshint il kwutungouang: il hangi il gidsgildaouang tlo houītang kin hangi unga alth il kingouang, waigen lā tlā il istiēdouang.
ప్రస్తుతం ఎంపిక చేయబడింది:
Matthew 20: HAIDA
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
First published by the British and Foreign Bible Society 1891-1899.