Popular Bible Verses from TI GƐ́Ɛ́ HAÍTII 2

షేర్ చేయి

Kɛ Pítɛ i ti woo yápotenga, i ɣɛ ti w̃a, “A volú yafé wú háá ỹɔítii mba, wú ngúyai w̃ááhɔlɔ wú yíla ngíla fíli Jísu Kílisitii laahéingi h̃u kɛinɔɔ́ wú háá ỹɔítii suuhaa í ló. Aáva wáá Hɛ́ɛ́ma Ỹínangi w̃ááhɔlɔ náa ngáá fembɛ wɔ́lingi.

Tí hɛmbɛ́ kpɛ́lɛɛ púni Ngalángi géélaitii ti gálambongi h̃u ɛ́ɣɛ ti w̃aakpɔ́ndai mba ỹanda yílaa ɛ́ɣɛ Ngala fɛ́li ndááỹɛngi wóndai taa Ngala fɛ́lindai h̃u.

Ngalángi Hɛ́ɛ́ma Ỹínangi i yeiní ti kpɛ́lɛɛ má aáva tí tɔkúla héini naa ngáá yɛpɛndáá híí woo vekaítii su kíya nɔɔ́ Hɛ́ɛ́ma Ỹínangi ɔ́ɔ́ maa yákpangi he ti yilá ngíla mbɛ́.

Ngamá nɔ́ɔ́, kɛ tí ŋani tá h̃uumɛ́ninga kíya nɔ́ɔ fɛfɛ ngákpangɔ wála áá ɣɛ́ na aáva áá gulá ngeleya. Suungí í héi pɛlɛ́i ná kpɛ́lɛɛ mbú ti ɣɛ́i héini na. Kɛ tí ŋani tá lɔngá kulangɔ́ ngáá ngɔmbu hó kɛ kíli. Maa wɔ́lingi ná yángi wɔ́lɛ wɔlɛ́ma, tí yéi yéi ti w̃a ngáá ngilá ngíla. Ngalángi Hɛ́ɛ́ma Ỹínangi i yeiní ti kpɛ́lɛɛ má aáva tí tɔkúla héini naa ngáá yɛpɛndáá híí woo vekaítii su kíya nɔɔ́ Hɛ́ɛ́ma Ỹínangi ɔ́ɔ́ maa yákpangi he ti yilá ngíla mbɛ́.

Tí ndíi ngú ma ngáá w̃ɛɛ́ndaa Hɛ́ɛ́ma Yála Pɛ́lɛi góvii h̃u foló fíli má. Tɔ́ɔ́ w̃ɛ́ɛ́ ti vɛ́lɛitii nda bɛ́kpɛ, tí lááỹɛ ỹanda yílaa ndiiwolé w̃ááh̃u ɛ́ɣɛ kooh̃unɛ́ɛ́ h̃u. Ti ɣɛ́i taá Ngála ndaaw̃áálɛ ti kpɛ́lɛɛ, ná vólu, nungáá vékaitii kpɛ́lɛɛ táa gooh̃unɛ́ɛ́ ti gɛɛhɔ́ pándaitii faaw̃a. Aáva ngele fíli ɔ́ɔ́ wó Ndemɔí ɔ́ɔ́ ta báha sítii mba ti wumááwongɔ í ɣɛ́i lá.

i ɣɛ ta, ‘Ngakɛɛlɛ́ fóloitii ma, Ngalá ngí ndéni ngáá kɛ laá lɔ́ɔ kɛ ngáá háwu ngi Hɛ́ɛ́ma Ỹínangi i ɣɛ́ nuí kpɛ́lɛɛ pólu. Laáva wú h̃íỹɛndou lengáitii ɛ́ɣɛ wú ỹáh̃alou lengáitii taá ɣɛ́ ngáá Ngalá ndaa háá lé mbélaa, ná vólu, Ngalá ngáá kɛ ngáá háwu wú h̃íỹɛ ndakpangáitii taá ɣɛ taá wú sú lɔ ɛ́ɣɛ wú káwalani taá ɣɛ taá siŋal̃áitii mbo.

Aáva sítii kínɛi ti langɔ́ í ɣɛ́i la ngáá Jísu ti bɔngɔ́ i ɣɛi lá yaá haa w̃a ti yaá haítii kpɛ́lɛɛ pá i ɣɛi su yíla. Ti síí híí fíli máá híyani í ɣɛ́i ngáá ti yaá wɔ́lingaa tí maa gápangaitii ngakɔ́lɛ wɔlɛ́ lowah̃u. Aáva tɔ́ɔ fe nuí fíli ngéya kɛ kíya maa w̃ɔ́i beɣéngɔ ɔ́ɔ́ ɣɛ́ la.

Laáva nuí fíli áá Ndemɔí Ngála maalolí kpɔmba hááw̃a, ngumáá áá wo.’ ”

Folói aa vote ngáá kpindíi aáva ngalúngi aa biỹá kíya nɔ́ɔ́ ŋaaw̃ɔ ɣɛ kíli. Ná lɔɔ ɣɛ́ p̃ɛ́ɛ́ Ndemɔí hólo w̃aanɛ́ɛ́ngɔ wálai ɔ́ɔ́ ɣɛ́a foló ma.