Popular Bible Verses from ମାତ୍ତିଉ 6

షేర్ చేయి

ଏନାମେନ୍ତେ ସିଦା ଆପେ ପାର୍ମେଶ୍ଵାର୍ ରାଃ ରାଇଜ୍ ହାର୍ ଧାରାମ୍-ହୋରା ରାଃ ଜୀଦାନ୍ ରେ ଜିହୀଦୋ ଲାଗିନ୍ ଦାଣା ଏପେ ଦୋ ନେ ସବେନ୍ ଜିନିଷ୍‍କୋ ଅଗି ଆପେକେ ନାମ୍ କେନୋଗା।

ଏନାମେନ୍ତେ ଗାପା ଲାଗିନ୍ ଆଲୋପେ ଚିନ୍ତାୟା, ଚିୟାଃଚି ଗାପା ରାଃ ହୁଲାଙ୍ଗ୍ ଆଜାଃ ଚିନ୍ତା ଆଏଃ ଗି ରିକାୟାଏ; ଇସିଙ୍ଗ୍ ଲାଗିନ୍ ଇସିଙ୍ଗ୍ ରାଃ ଦୁକୁ ଗି ଥିମ୍ବା ତାନାଃ।”

ଏନାଲାଗିନ୍ ଇଙ୍ଗ୍ ଆପେକେ କାଜିପେ ତାନାଇଙ୍ଗ୍, ଚି ଆପାନାଃ ଜୀଉ ଲାଗିନ୍ ନେୟା ଆଲୋପେ ଚିନ୍ତା ରିକାୟା ଚି ଆଲେ ଚିନାଃ ଜୋମେୟାଲେ, ହାର୍ ଚିନାଃ ନୁୱେୟାଲେ; ହାର୍ ନା ଆପାନାଃ ହୋଡ଼ମୋ ଲାଗିନ୍ ଚି ଚିନାଃ ତୁସିଙ୍ଗ୍ ଏନାଲେ। ଚିନାଃ ଜୀଉ ଜୋମେୟାଃ ତେ ହାର୍ ହୋଡ଼ମୋ ଲିଜାଃ ତେ ବାଢ଼ାଅ କେତେ ନାହାଲା?

ମେନ୍ଦୋ ଚିମ୍ତାଙ୍ଗ୍ ଆମ୍ ବିନ୍ତିୟାମ୍, ଦୋ ଆମ୍ କୋଠୋରୀ ରେ ସେନ୍ ମେ, ହାର୍ ଦୁହାର୍ ବାନ୍ଦ୍ କେତେ ଆମାଃ ଆପୁ କେ ବିନ୍ତି ମେ ଅକନିଃ କେ ଜେତାଏ କାକୋ ନେଲ୍ ଧାଡ଼ିୟା। ଏଣ୍ଡେ ଆମ୍‍କେ ଜେତାଏ କାକୋ ନେଲ୍ ଧାଡ଼ି ରେହ ଆମାଃ ଆପୁ ଆମ୍‍କେ ନେଲ୍ ଧାଡ଼ିୟାଏ ହାର୍ ଯଅ ଏମାମେୟାଏ।

ଏନାମେନ୍ତେ, ଆପେ ନେଲେକାତେ ବିନ୍ତି ରିକାଏପେ, ହେ ଆଲେୟାଃ ଆପୁ, ଆମ୍ ଯେ ସିର୍ମାଦିଶୁମ୍ ରେ ମେନାମେୟା; ଆମାଃ ନୁତୁମ୍ ପାବିତାର୍ ମାନାତିଙ୍ଗ୍ ଅଃକା। ଆମାଃ ରାଇଜ୍ ହିଜୁଃ କା। ଆମାଃ ସାନାଙ୍ଗ୍ ଜେଲେକା ସିର୍ମାଦିଶୁମ୍ ରାଃ ରାଇଜ୍ ରେ ପୁରାଅଃ ତାନା, ଏନ୍‍ଲେକାଗି ଅତେ ରେହ ହୋବାଅଃ କା।

ଆଲେୟାଃ ଦିନ୍ ଭାଇର୍ ରାଃ ହୋଲୋଙ୍ଗ୍ ଇସିଙ୍ଗ୍ ଆଲେକେ ଏମାଲେମ୍।

ଆଡୋଃ ଜେଲେକା ଆଲେ ଆଲେୟାଃ ବିରୋଧ୍ ରେ ଗାଲ୍ତି କାମି କାମିକାନ୍ ହୋଡ଼ୋକୋକେ ଛାମା କାଦାଲେ, ଏନ୍‍ଲେକାଗି ଆମ୍ ହ ଆଲେୟାଃ ଗାଲ୍ତି କାମି କୋକେ ଛାମା ତାମେ।

ହାର୍ ଆଲେକେ ପାରୀକ୍ଷା ରେ ଆଲୋମ୍ ଉୟୁଃ ଲେୟା, ମେନ୍ଦୋ ଦୁଷ୍ଟ ଶାଏତାନ୍ ଏତେ ବାଞ୍ଚାଅ ଲେମ୍, ଚିୟାଃଚି ରାଇଜ୍ ଆଡୋଃ ପେଡ଼େଏ ହାର୍ ମାନାରାଙ୍ଗ୍ ଜାନାଓ ଆମାଃ ଗି ତାନାଃ। ଆମୀନ୍।

ଏନାଲାଗିନ୍ ଆଗାର୍ ଆପେ ହୋଡ଼ୋକୋୱାଃ ଗାଲ୍ତି କାମି କୋକେ ଛାମା ରିକାୟାପେ, ଏଣ୍ଡେ ଆପେୟାଃ ସିର୍ମାଦିଶୁମ୍ ରେନ୍ ଆପୁ ହ ଆପେକେ ଛାମା ରିକାୟାଏ।

ରିମିଲ୍‍ଦିଶୁମ୍ ରେନ୍ ଅଡ଼େ କୋକେ ନେଲ୍ କୋପେ, ଇନ୍‍କୁ ନାଦୋ ହେରେତାନାକୋ, ନାଦୋ ଇରେତାନାକୋ, ଏଣ୍ଡେ ହ ଆପେୟାଃ ସିର୍ମାଦିଶୁମ୍ ରେନ୍ ଆପୁ ଇନ୍‍କୁକେ ଆଜୋମ୍ କୋତାନାଏ। ଚିନାଃ ଆପେ ଇନ୍‍କୁ ଏତେ ଥିମ୍ବା ଗୋନୋଙ୍ଗାନ୍ ନାହାଲାପେ?

ଆପାନାଃ ଲାଗିନ୍ ଅତେ ରେ ଧାନ୍ ଆଲୋପେ ହୁଣ୍ଡିୟା, ଅକତାଃରେ ତିଜୁକୋ ହାର୍ ନିଦିର୍ କୋ ବାଗ୍‍ଡ଼ାଅ ୟାକୋ ହାର୍ ଅକତାଃରେ ଚୋର୍ହାକୋ ଠୋଏଜେୟାକୋ ହାର୍ ଚୋର୍ହାୟାକୋ। ମେନ୍ଦୋ ଆପାନାଃ ଲାଗିନ୍ ସିର୍ମାଦିଶୁମ୍ ରେ ଧାନ୍ ହୁଣ୍ଡିପେ, ଅକତାଃରେ ନାଦୋ ତିଜୁକୋ, ହାର୍ ନାଦୋ ନିଦିର୍ କୋ ବାଗ୍‍ଡ଼ାଅ ୟାକୋ, ଆଡୋଃ ଅକତାଃରେ ନାଦୋ ଚୋର୍ହାକୋ ତାକ୍ ବାଇକେତେ ଚୋର୍ହାୟାକୋ। ଚିୟାଃଚି ଅକତାଃରେ ଆମାଃ ଧାନ୍ ମେନାଃ ଏନ୍ତାଃରେ ଆମାଃ ମୋନ୍ ଅଗି ଲାଗାଅ କାନ୍ ତାଇନୋଗା।

“ଜେତାଏ ହୋଡ଼ ମିୟାଃ ସାମାୟ୍ ରେ ବାରିୟା ଗୋମ୍‍କେ କେ ସେୱା କାଏ ଧାଡ଼ିୟା, ଚିୟାଃଚି ଇନିଃ ମିୟାଃ ଲୋଃ ଖିସ୍ ହାର୍ ଏଟାଃ ଲୋଃ ଦୁଲାଡ଼୍ ମାଣ୍ଡାଅ ୟାଏ, ୟାଦୋ ମିହୋଡ଼୍ ଲୋଃ ମେଶା କେତେ ତାଇନୋଗାଏ ହାର୍ ଏଟାଃ ନିଈ କେ ହିଲାଙ୍ଗିୟାଏ। ଆପେ ପାର୍ମେଶ୍ଵାର୍ ହାର୍ ଧାନ୍ ବାରାନାଃ କେ ସେୱା କାପେ ଧାଡ଼ିୟା।”

ଏନାମେନ୍ତେ ଚିମ୍ତାଙ୍ଗ୍ ପାର୍ମେଶ୍ଵାର୍ ପିଡ଼ି ରାଃ ଏନ୍ ତାସାଃ କୋକେ ଅକନାଃ ଇସିଙ୍ଗ୍ ମେନାଃ ହାର୍ ଗାପା ଚୁଲ୍‍ହା ରେ ସାଜୁଅଗା, ଏନାକେ ଏନ୍‍ଲେକା ଲିଜାଃ ତୁସିଙ୍ଗ୍ ତାନାଏ, ଦୋ ହେ ହୁଡିଙ୍ଗ୍ ବିଶ୍ଵାସ୍ ମାଣ୍ଡାଅତାନ୍‍କୋ, ଆପେକେ ଇନିଃ ନେୟାଏତେ ବାଢ଼ାଅ କେତେ ଚିନାଃ ମେନ୍ତେ କାଏ ତୁସିଙ୍ଗ୍ ପେୟାଏ?

ମେନ୍ଦୋ ଚିମ୍ତାଙ୍ଗ୍ ଆମ୍ ଦାନ୍ ଏମେୟାମ୍, ଦୋ ଅକନାଃ ଆମାଃ ଜୋମ୍ ତିଈ ରିକା ତାନାଏ, ଏନା ଆମାଃ ଲେଙ୍ଗା ତିଈ ଆଲୋକାଏ ସାରିକା। ଏନାତେ ଆମାଃ ଦାନ୍ ଉକୁ ରେ ତାଇନୋଃୱା ଏନ୍ତେ ଆମାଃ ଆପୁ ଅକନିଃ ଉକୁକେତେ ନେଲ୍‍ମେ ତାନାଏ ଆମ୍‍କେ ଯଅ ଏମାମେୟାଏ।

ହୋସିଆର୍ ତାଇନ୍‍ପେ! ଆପେ ହୋଡ଼ୋକୋକେ ଦେଖାଅ ଲାଗିନ୍ ଆପେୟାଃ ଧାରାମ୍ ରାଃ କାମି ଆଲୋପେ ରିକାୟା, କାରେ ଦୋ ସିର୍ମାଦିଶୁମ୍ ରେନ୍ ଆପୁ ଏତେ ଜେତାନ୍ ଯଅ କାପେ ନାମେୟା।

ଚିମ୍ତାଙ୍ଗ୍ ଆପେ ଉପାସ୍ ଦୋହୋୟାପେ, ଦୋ ବେଦାହୋଡ଼ୋ କୋୱାଃ ଲେକା ଆପେୟାଃ ମେଏଃମୁହାଡ଼୍ ଉଦାସ୍ ଆଲୋ ନେଲୋଃକା, ଚିୟାଃଚି ଇନ୍‍କୁ ଆକୋୱାଃ ମେଏଃମୁହାଡ଼୍ କେ ଦୁକୁ ରେ ତାଇନ୍ ଲେକା ବାଇକେତେ ତାଇନାକୋ; ଏନାତେ ହୋଡ଼ୋକୋ ଇନ୍‍କୁକେ ଉପାସ୍ ତାନାଏ ମେନ୍ତେ ସାରିୟାକୋ। ଇଙ୍ଗ୍ ଆପେକେ ସାର୍ତି କାଜିୟାପେ ତାନିଙ୍ଗ୍ ଚି ଇନ୍‍କୁ ଆକୋୱାଃ ଯଅ ନାମ୍ ଛାବା କାଦାକୋ। ମେନ୍ଦୋ ଚିମ୍ତାଙ୍ଗ୍ ଆମ୍ ଉପାସ୍ ଦୋହୋୟାମ୍, ଦୋ ଆମାଃ ବୋଅ ରେ ସୁନୁମ୍ ଗୋସୋଗେନ୍‍ମେ ହାର୍ ମେଏଃମୁହାଡ଼୍ କେ ଆବୁଙ୍ଗେନ୍‍ମେ, ଏନାତେ ହୋଡ଼ୋକୋ କାହା ମେନ୍ଦୋ ଆମାଃ ଆପୁ ଅକନିଃ କେ ଜେତାଏ କାକୋ ନେଲ୍ ଧାଡ଼ିୟା, ଆମ୍‍କେ ଉପାସ୍ ତାନାଏ ମେନ୍ତେ ସାରିୟାଏ। ନେଲେକାତେ ଆମ୍‍କେ ଜେତାଏ କାକୋ ନେଲ୍ ଧାଡ଼ି ରେହ ଆମାଃ ଆପୁ ଆମ୍‍କେ ନେଲ୍ ଧାଡ଼ିୟାଏ ହାର୍ ଯଅ ଏମାମେୟାଏ।