Popular Bible Verses from Matius 5

షేర్ చేయి

Tomwatar to rtutun damar betno ral ngusi la rsungap, nempa ka rtikloi damar a ne na impan nema idak tomwatar monuk na das dalam a ne. Feleles farlan kmi a nbal. Ka kmi myeluk ngaodir ber tomwat walyetar myor kabain ngamonar ma kmi myose ne. Kmi myose farane nema tomwatar rsalan kabain ngamonar ma myose ne, ma keta rdangin Amir ma namin surga.”

Kmi ka mfyatutu dalamten ngamone ber tomwatar nema bise ma rbali sir ber Ratu. Iane feleles farlan kmi myeluk ngaodir ber tomwatar na saryamprene. Kmi myodir saryamprene ye myor kabain ngamonar ma kmi myose ne. Iane feleles farlan tomwatar rsalan kotar sa ma namin bubuar das, ma ni snyain idak resi, nwayat ma to bise ma ramudim i.

Ngamone ber tomwatar ma dalmir a ranglerap, fali keta nait e sir rsalan Ratu.

Ngamone ber tomwatar ma rmpeang desar ma rose kabain botunar rlarat Ratu Ni mpempeang, fali keta Ratu nose nlarat safe ma sir rmpeang a ne.

Nempa Yakw kfwalak ber a kmi, ka mkyamis mir muswar, ma msyampayang ber Ratu ma nberkat tomwatar ma rsiksa kmi a ne.

“Ngamone ber tomwatar ma rdaun feti to ubnir a na Ratu sounlury mpa rtikloi ma ralele lan I, fali keta reluk Ni tomwatar noak ma I nfarete neluk Rai.

Ngamone ber tomwatar ma rafngamone rbali tomwatar ma rkafre, fali keta Ratu nal sir ma neluk angkir!

Ngamone ber tomwatar ma dalmir suse, fali keta Ratu nose ma dalmir a rsenang.

Ngamone ber tomwatar ma tomwat walyetar rsil a rbabal sir a ne fali rose rlarat Ratu Ni mpempeang, fali keta reluk Ratu Ni tomwatar noak ma I nfarete neluk Rai.

Ngamone ber tomwatar ma rlompang tomwat walyetar, fali keta Ratu nlompang sir a nbal.

Ngamone ber a kmi ma mkyoman suse, fali mlyarat Yakw nwayat ma tomwat walyetar rarikan a kmi, rsil a rbabal a kmi, ma rfalak kabain yatkar a na kmi. Fali luryain e nabyar rkoman suse farane nbal. Mpa farlan tomwatar rose kmi farane, ka mimpumpuki kmi ma dalmir a rsenang, fali keta myonri berkat silai ma Ratu nau ber a kmi a na surga ne.”

Ngamone ber tomwatar ma to rafdas sir, fali keta ronri berkat ma Ratu nyoding ber sir a ne.

Yesus nfalak a nbal, “Wangur, kmi myorip a na saryamprene ye farlan sire. Mpa ka mfyatutu mir adat ngamonar ber tomwat yatkar nema bise ma rose rlarat. Iane feleles farlan sire ma rpaki la raftelas tnyamar. Farlan kmi to myose farane, kmi feleles farlan sire ma mamal. Ma sire ma mamal a ne to bise ma raftelas a rbali. Iane nwayat ma sire ne to ubany lo, mpa keta ryebas ma ratai motak i.

Iane nwayat ma ka myorip e, myose mlyarat Ratu Ni dalamy ngamone ma nfatutu ber tomwatar monuk a ne. Kmi myorip farane iane ma diat na Ratu sounlury.”

Mpa farlan botuan e ka mfyalak feti, au botuan. Ma farlan tate, ka mfyalak feti, tate. Fali farlan mfyalak kabain walyetar myof a ne, iane nof smwangat yatkar nir ulun.”

Yesus nfalak a nbal, “Kmi mifai lo feti na tetetkar ma nfalak feti, ‘Farlan tomwatar rose ma tomwat walyetar sa matany nre nifany a nbie, mpe ka ralin kalin matany ma nifany a ne nbal.’ Nempa kfwalak ber a kmi, ka kete mbyalas yatak ber tomwatar ma rose yatak a kmi a ne. Farlan tomwatar rtef totokmir balisyae, ka myinrang ma rtef totokmir balisyae nbal.

Mpa farlan matmir balisyae nose ma myose sale, ka myakil kalin ma myebas. Fali ni ngafele e matmir balisyae to namin, nlengan nof ma matmir du a ramin nempa ryebas a kmi far neraka. Ma farlan limir balisyae nose ma myose sale, ka mtyukar kalin ma myebas. Fali ni ngafele e limir balisyae to namin nlengan nof ma limir du a ramin nempa ryebas a kmi far neraka.”