XÓ NI̱GI̱ꞋDU̱U̱N-MUU 50 నుండి ప్రసిద్ధ బైబిల్ శ్లోకాలు

షేర్ చేయి

Ikháa̱nꞌlaꞌ ni̱ju̱ma̱ꞌlaꞌ rí mu̱ñu̱ꞌlaꞌ rí ra̱máján, xómáꞌ Ana̱ꞌlóꞌ niꞌni̱i̱ ne̱ rí máján. Ikhaa ne̱ ñajuun rí nduꞌyáálóꞌ xúge̱ꞌ rá, rí ndiya̱a̱ mbiꞌñúú mbaꞌiin xa̱bo̱.

Xómáꞌ José niriꞌña̱a̱: ―Ma̱xáꞌthúun máꞌ a̱kia̱nꞌlaꞌ. Ma̱xáxóo ma̱ne̱-mina̱ꞌlo̱ꞌ xóo Ana̱ꞌlóꞌ jún.

Ikhaa jngó xúge̱ꞌ rá, ma̱xámíña-málaꞌ. Ikhúúnꞌ máꞌ gáxna̱ꞌlaꞌ rí mo̱pholaꞌ, xúꞌkhue̱n máꞌ i̱jia̱nꞌlaꞌ. Xkuaꞌnii neꞌne maꞌndáa̱ a̱kui̱ín a̱ngui̱i̱n, rí niꞌthúu̱n ga̱jma̱á ajngáa waba.

“Xáꞌnii gútha̱ánlaꞌ José: ‘Na̱tha̱n-jáñaaꞌ rí xúge̱ꞌ ma̱tha̱ne̱ mba̱a̱ a̱kia̱a̱nꞌ xtayáá aꞌkhúún dxíya̱a̱ꞌ, numuu rí phú ra̱máján rí niña̱a̱ꞌ.’ ” Ikhaa jngó xúge̱ꞌ rá, phú nu̱tha̱n-jáñaaꞌxo̱ꞌ rí ma̱tha̱ne̱ mba̱a̱ a̱kia̱a̱nꞌ xtañúú yumbée Anu̱u̱ ana̱a̱ꞌ rí ra̱máján ni̱ña̱a̱ꞌxo̱ꞌ». Awúun máꞌ rí nutháa̱n rúꞌkhue̱n, ni̱mbi̱ya̱ꞌ José.

A̱ꞌkhue̱n rí José niꞌthúún dxíyo̱o̱: «Ikhúúnꞌ ma̱ja̱ñúꞌlo̱ꞌ. I̱ndo̱ó máꞌ rí Ana̱ꞌlóꞌ phú gakon ma̱ꞌkha̱ gámbáyálaꞌ, jamí ma̱ꞌnii̱ rí ma̱ga̱jnáa̱ꞌlaꞌ ná mbaa ríge̱ꞌ, rí mu̱ꞌguaa̱ꞌlaꞌ ná mbaa rí nixuda-mina̱ꞌ Ana̱ꞌlóꞌ rí maxnúu̱ Abraám, ga̱jma̱á Isaák jamí Jakób».

José neꞌne rí mu̱xu̱da̱ꞌ-mi̱jna̱ i̱ji̱i̱n Israél, rí niꞌthúu̱n xáꞌnii: «Phú gakon rí ma̱ꞌkha̱ gámbáyálaꞌ Ana̱ꞌlóꞌ, a̱ꞌkhue̱n rí mu̱ri̱ya̱a̱ꞌlaꞌ tháan itsu̱ꞌ ná ge̱e̱, jamí mu̱ꞌgua ju̱ya̱ꞌlaꞌ ne̱».

Mbá witsu skíñú gu̱wa̱ꞌ (110) tsiguu José ído̱ rí nijáñuu. A̱ꞌkhue̱n rí nene̱ thanáa̱ xuyuu̱ rí ma̱xíga wapha, xúꞌkhue̱n máꞌ ni̱gi̱wa̱a̱nꞌ awúun mbá e̱jna̱ ná Ejípto̱.