Zlr 4
4
I Kayinu nda Abel
1Ka lam Adamu da markwa taŋ Hawa. Ka zlghaftá tsi ta huɗi, ka yatá tsi ta zwaŋ ka tsanaftá tsi ta hga ni ka Kayinu, kaʼa mantsa: « Nda zɗakatahuɗa Yawe mutsaf mutsa yu ta zwaŋ#4:1 Wər ka skwa turtuk na hga i Kayinu nda « Kanit » nda gwaɗa Hebru ta mnay kazlay: Mutsay kəʼa., » kaʼa. 2Tahula tsa ka zlghəglaftá tsi ta huɗi, ka yatá tsi ta zwaŋ, ka tsanaftá tsi ta hga ni ka Abel. Manda galata həŋ, rini ŋa Abel ta nghay. Kayinu guli ná, hva ŋa ni ta həvay. 3Ma sana fitik gufwak, ka hlaʼatá Kayinu ta skwi hva tsi nda hva, ka mbəhatá tsi ta Yawe. 4Lagha Abel tsatsi guli, ka kladaghatá ya nda mala ma taŋtaŋa yakwa rina ni. Ka tsuʼaftá Yawe ta Abel nda skwa ni vla tsi tani. 5Ama Kayinu, tsuʼaf a nda skwa ni tani wa. Ka ɓasaftá Kayinu ta ŋuɗuf, ka ŋurta ɗik ma kuma.
6Ka Yawe nda Kayinu mantsa: « Kabgawu kəl ka ka ɓasa ŋuɗuf na? kabgawu ŋurta ka ma kuma na? 7Ka skwi ɗina ta mag ka ná, má dzaʼa wurdaŋ kuma gha. Ka maga a ka ta skwi ɗina wu katsi ná, wya dmaku ta pgha buɗukwa ta wi tgha ga ghuni, ta ɗakwatsa kagha, ɗina ka ghuɓasapta gha. »
8Mbaɗa Kayinu ka sliʼafta ka hgaftá zwaŋama ni Abel. « Mbaɗa da wawakwa u ma mtak » kaʼa nda tsi. Laba taŋ da mtak ná, ka valaftá tsi tida, ka dzata.
9Tahula dzata ni, ka ɗawaŋtá Yawe da Kayinu kaʼa mantsa: « Ga zwaŋama gha Abel na? » kaʼa. « Andaw ɓa, iʼi ta ngha zwaŋama ɗa ra? » ka Kayinu.
10Ka Yawe mantsa: « Nu na maga ka na? Wana ɓhaɗigha ɓha lwa usa zwaŋama gha daga ta haɗik. 11Ndana tama, nda ksiʼa ka ta haɗik ta gunatá wi ŋa tsuʼa usa zwaŋama gha pəghiŋ ka nda dzva gha ya. 12Ka hva hva ka ta hva, ŋwaghata a wa, nzata a ka tasla wa, dzaʼa ray ka ta vli kəraŋ kəraŋ kəraŋ ta haɗik, » kaʼa nda tsi.
13Ka Kayinu nda Yawe mantsa: « Wana malaghu mala na guma na ta mbrakwa ɗa, 14wana ghəzlaf ghəzla ka ta iʼi ta na haɗik na gita, dzaʼa nda ɗifa yu diʼiŋ nda kagha, nzata a yu tasla wu, dzaʼa kakraŋaku yu ta ghəŋa haɗik, dər wa da pəghafta ira ni ta iʼi, dzaʼa dza dza ta iʼi, waká yu dzaʼa magay tama? » kaʼa.
15Ka Yawe nda tsi mantsa: « Manda tsaya a wu! Ka dza dza mndu ta kagha katsi, ndəfáŋ səla dzaʼa plata lu, » kaʼa. Ka thanaftá Yawe ta ŋizla ta Kayinu yaha dər wa dzaʼa pəghafta ira ni tida da dzata. 16Tawa tsa, ka sliʼaftá Kayinu ka laghwi diʼiŋ nda Yawe. Ka laghu tsi nzata ta haɗika Nut#4:16 Nut ná, manda mnay kazlay kakraŋaku kəʼa ya nda gwaɗa Hebru., nda ma mndəra Aden.
Mndəra la Kayinu
17Tahula tsa, ka lam Kayinu da markwa taŋ, ka zlghaftá tsa marakw ya ta huɗi ka yatá tsi ta zwaŋ, ka tsanaftá tsi ta hga ni ka Hanuk. Ka bə Kayinu ta luwa, ka tsanaftá tsi ta hga tsa luwa ya nda hga zwaŋa ni Hanuk. 18Ka yatá Hanuk ta zwaŋa ni Ghirat, ka yatá Irad ta Mehuyaʼel, ka yatá Mehuyaʼel ta Mətusaʼel, ka yatá Mətusaʼel ta Lamek. 19Ka hlaftá Lamek ta miʼi his, Ghada hga taŋtaŋa ni, Tsila hga mahisa ni. 20Ka yanatá Ghada ta Yaval, tsatsi dzidza gwal ta nzaku ma tumpul, nda ngha rini. 21Yuval hga sagəŋa ni, tsatsi dzidza gwal ta dza kəzliŋkəzliŋ nda vya talakwaha. 22Ta yatá Tsila ta Tuvalkayinu. Tubalkayinu ta zlraftá nzakway ka ɗəgha sləru nda tala inda huzla ka ghuva tili, nda ya ka kfur. Hga makuma ni ma Tubalkayinu ná, Naghama ya.
23Ma sana fitik ka Lamek nda miʼa ni mantsa:
« I Ghada nda Tsila, snawa gwaɗa ta mnə yu.
A miʼa Lamek, gunihawa guna ta sləməŋ.
Ka baliha bala mndu dzaʼa dza dza yu.
Ka kuhwiha kuhwa galaɓay, dzaʼa dza dza yu guli.
24Ka ndəfáŋ səla dzaʼa pla lu ta Kayinu ya,
Lamek guli ná, ndəfáŋ mbsak ndəfáŋ mida səla ŋa ni. »
Mndəra la Set
25Ka ləglam Adamu da markwa taŋ, ka yatá tsi ta zwaŋa zgun ka tsanaftá Hawa ta hga ni ka Set. « Lazglafta ta vlihatá#4:25 Set nda gwaɗa Hebru ná, tsaya « vlita. » sana zivir ŋa da manaka Abel dza Kayinu ya, » kaʼa. 26Ka yatá Set guli ta ŋa ni zwaŋ, ka tsaftá tsi ta hga ni ka Inus. Ma tsa fitika Inus ya, zlrafta lu ta maga duʼa nda hga hga Yawe.
ప్రస్తుతం ఎంపిక చేయబడింది:
Zlr 4: xed
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© Wycliffe Bible Translators, Inc. All rights reserved.