Rut 1
1
Naꞌomi duk si Rut
1Masa ewwal pe, masa gaꞌ pe niyaꞌ sultan#1:1 lit. ‘masa meꞌ hukum pe’. Siye mangantan lahat Israꞌelin masaley. si lahat Israꞌel, niyaꞌ unus dem lahat miyaꞌan. Dembuwaꞌ lella amban puweblo Betlehem laꞌi si Yahudiya pī dahuꞌ hap lahat Moꞌab patennaꞌ laꞌi. Magtuhut duk andane duk duwe anakne lella. 2Ēn lellahin Elimelek duk ēn andanen Naꞌomi, ēn anakden si Mahlon duk Kilyon. Tubuꞌ si Eprata siye amban puweblo Betlehem laꞌi si Yahudiya. Pī siye hap lahat Moꞌab duk petennaꞌ laꞌi.#1:2 Lahat Moꞌab inin nampal silangan amban Tahik Matey.
3Manjari pag laꞌi siye matey Elimelek ella Naꞌomihin, duk taꞌamban iye duk duwe anakne lellahin. 4Bu maganda isab siye si dende amban lahat Moꞌab miyaꞌan, ēn dembuwaꞌin si Orpa duk dembuwaꞌin si Rut. Pag laꞌi siye patennaꞌ meꞌ sempūꞌ tahun 5matey isab disi Mahlon duk si Kilyon. Ubus luwal Naꞌomi matelebbihin, gaꞌ ne niyaꞌ ellane duk anakne.
6Pag takalene laꞌi si Moꞌab weꞌ tinabangan teꞌed weꞌ Tuhanin meꞌ aꞌa Yahudiyahin duk manjari ne teꞌed tinanemden, magmemes Naꞌomi moleꞌ balik magtuhut duk meꞌ eyuꞌannen. 7Tahalaꞌ iye amban lahat bakas patennaꞌanden duk harap pī ne siye duk meꞌ eyuꞌannen tudju lahat Yahudiya.
8Pag laꞌi siye si lān paꞌin Naꞌomi si meꞌ eyuꞌannen, “Moleꞌ kaꞌam balik pī hap lumaꞌ inaꞌbin. Karayaw tumbasan Tuhanin du kēmon hinanganbi mahāp bakas hininangbi si akuhin duk si meꞌ ellabi ley. 9Duk karayaw ellahan pe kaꞌam balik duk ngasuwaꞌ kaꞌam kasanyanganbi si lumaꞌ ellabin.” Ubus inūkan siye weꞌ Naꞌomi. Saguwaꞌ magtāring siye. 10Duk paꞌinde si iye, “Nuhut kami kaꞌu pī si lahatnu.”
11Nambung Naꞌomi paꞌinne, “Balik ne kaꞌam meꞌ anakku. Weꞌey kaꞌam mabayaꞌ nuhut aku? Paꞌinbi ke weꞌ nganak pe ku balik duk niyaꞌ hinangbi ella? 12Hap lumaꞌ ne kaꞌam, dende. Bahiꞌ ne ku, gey ne ku ellahan. Bisan ku upama ellahan ninaꞌ duk anakan, 13agadbi pe ke siye samantaꞌan gey siye hadje? Gey kaꞌam magella seddili? Gey makajari, meꞌ anakku. Takite ne si meꞌ ilabeyankun weꞌ pinahunitan ku weꞌ Tuhanin duk maꞌaseꞌ ku si kaꞌam.”#1:13 Masaley si bangsa Israꞌel, bang matey lellahin bu gaꞌ niyaꞌ anakne subey pungtinaꞌinen maganda si baluhin. Anakde tagnaꞌin kinimmatan puliꞌ mamateyin. 14Nāring siye balik. Ubus inūkan weꞌ si Orpa metoꞌanen duk moleꞌ ne iye balik. Saguwaꞌ si Rut gaꞌi mabayaꞌ tahalaꞌ amban metoꞌanen.
15Paꞌin Naꞌomi si iye, “Bilasnun moleꞌ ne balik pī si usbanen duk si tuhan-tuhan bakas sinambahayangnen. Pī ne kew nuhut iye.” 16Saguwaꞌ nambung si Rut paꞌinne, “Daꞌa ku sasaꞌanun. Nuhut ku kaꞌu. Tungan-tungan papīhannu, nuhut ku. Intag-intag palaꞌihannu iye isab palaꞌihankun. Meꞌ usbanun, iye isab meꞌ usbakun. Duk Tuhannun iye isab Tuhankun. 17Intag-intag kamateyannun, iye isab kamateyankun. Duk iye du isab pangubulan akuhin. Ambat ku pinagmulkaꞌan weꞌ Tuhanin bang ku pasapeꞌ amban kaꞌu seddili amban kamatey.” 18Pag kataꞌuhan Naꞌomi weꞌ gaꞌ si Rut magduwe-duwe manuhut iyehin, gaꞌ ne iye kebbutan.
19Palanjal ne siye tudju Betlehem. Pag tekka siye laꞌi, hiyul meꞌ aꞌa si puweblo miyaꞌan. Duk paꞌin meꞌ dendehin, “Naꞌomi ne hatiꞌ!” 20Nambung iye paꞌinne, “Daꞌa ku ēnanun bi Naꞌomi.#1:20 Hāti Naꞌomi mekesinna-sinna; hāti Mara paꞌit. Ēnanun bi ku si Mara. Peggeꞌ Tuhan Mabalakatanin inurungan ku weꞌ ne kasigpitan. 21Patahalaꞌku mabittuꞌuhin, kumpeleto ku. Sakayiꞌ ku pinapitu balik weꞌ Tuhanin, gaꞌ niyaꞌ ine-ine. Daꞌa ne ku ēnanun bi Naꞌomi peggeꞌ inurungan kasusehan ku weꞌ Tuhanin, pinatekkahan balaꞌ ku weꞌ Mabalakatanin.”
22Manjari sā miyaꞌan Naꞌomi tabalik magtuhut duk si Rut, eyuꞌannen dende amban lahat Moꞌab. Tekka siye si Betlehem beytu nagnaꞌ pagpagani barley.#1:22 Barley da bayuꞌ tinanem, magepang duk buwaꞌ tirigu. Bang bissā Ispanyul inēnan cebada. Pinagani kuweꞌ paley.
ప్రస్తుతం ఎంపిక చేయబడింది:
Rut 1: yakV
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2019, Wycliffe Bible Translators, Inc. All rights reserved.
Rut 1
1
Naꞌomi duk si Rut
1Masa ewwal pe, masa gaꞌ pe niyaꞌ sultan#1:1 lit. ‘masa meꞌ hukum pe’. Siye mangantan lahat Israꞌelin masaley. si lahat Israꞌel, niyaꞌ unus dem lahat miyaꞌan. Dembuwaꞌ lella amban puweblo Betlehem laꞌi si Yahudiya pī dahuꞌ hap lahat Moꞌab patennaꞌ laꞌi. Magtuhut duk andane duk duwe anakne lella. 2Ēn lellahin Elimelek duk ēn andanen Naꞌomi, ēn anakden si Mahlon duk Kilyon. Tubuꞌ si Eprata siye amban puweblo Betlehem laꞌi si Yahudiya. Pī siye hap lahat Moꞌab duk petennaꞌ laꞌi.#1:2 Lahat Moꞌab inin nampal silangan amban Tahik Matey.
3Manjari pag laꞌi siye matey Elimelek ella Naꞌomihin, duk taꞌamban iye duk duwe anakne lellahin. 4Bu maganda isab siye si dende amban lahat Moꞌab miyaꞌan, ēn dembuwaꞌin si Orpa duk dembuwaꞌin si Rut. Pag laꞌi siye patennaꞌ meꞌ sempūꞌ tahun 5matey isab disi Mahlon duk si Kilyon. Ubus luwal Naꞌomi matelebbihin, gaꞌ ne niyaꞌ ellane duk anakne.
6Pag takalene laꞌi si Moꞌab weꞌ tinabangan teꞌed weꞌ Tuhanin meꞌ aꞌa Yahudiyahin duk manjari ne teꞌed tinanemden, magmemes Naꞌomi moleꞌ balik magtuhut duk meꞌ eyuꞌannen. 7Tahalaꞌ iye amban lahat bakas patennaꞌanden duk harap pī ne siye duk meꞌ eyuꞌannen tudju lahat Yahudiya.
8Pag laꞌi siye si lān paꞌin Naꞌomi si meꞌ eyuꞌannen, “Moleꞌ kaꞌam balik pī hap lumaꞌ inaꞌbin. Karayaw tumbasan Tuhanin du kēmon hinanganbi mahāp bakas hininangbi si akuhin duk si meꞌ ellabi ley. 9Duk karayaw ellahan pe kaꞌam balik duk ngasuwaꞌ kaꞌam kasanyanganbi si lumaꞌ ellabin.” Ubus inūkan siye weꞌ Naꞌomi. Saguwaꞌ magtāring siye. 10Duk paꞌinde si iye, “Nuhut kami kaꞌu pī si lahatnu.”
11Nambung Naꞌomi paꞌinne, “Balik ne kaꞌam meꞌ anakku. Weꞌey kaꞌam mabayaꞌ nuhut aku? Paꞌinbi ke weꞌ nganak pe ku balik duk niyaꞌ hinangbi ella? 12Hap lumaꞌ ne kaꞌam, dende. Bahiꞌ ne ku, gey ne ku ellahan. Bisan ku upama ellahan ninaꞌ duk anakan, 13agadbi pe ke siye samantaꞌan gey siye hadje? Gey kaꞌam magella seddili? Gey makajari, meꞌ anakku. Takite ne si meꞌ ilabeyankun weꞌ pinahunitan ku weꞌ Tuhanin duk maꞌaseꞌ ku si kaꞌam.”#1:13 Masaley si bangsa Israꞌel, bang matey lellahin bu gaꞌ niyaꞌ anakne subey pungtinaꞌinen maganda si baluhin. Anakde tagnaꞌin kinimmatan puliꞌ mamateyin. 14Nāring siye balik. Ubus inūkan weꞌ si Orpa metoꞌanen duk moleꞌ ne iye balik. Saguwaꞌ si Rut gaꞌi mabayaꞌ tahalaꞌ amban metoꞌanen.
15Paꞌin Naꞌomi si iye, “Bilasnun moleꞌ ne balik pī si usbanen duk si tuhan-tuhan bakas sinambahayangnen. Pī ne kew nuhut iye.” 16Saguwaꞌ nambung si Rut paꞌinne, “Daꞌa ku sasaꞌanun. Nuhut ku kaꞌu. Tungan-tungan papīhannu, nuhut ku. Intag-intag palaꞌihannu iye isab palaꞌihankun. Meꞌ usbanun, iye isab meꞌ usbakun. Duk Tuhannun iye isab Tuhankun. 17Intag-intag kamateyannun, iye isab kamateyankun. Duk iye du isab pangubulan akuhin. Ambat ku pinagmulkaꞌan weꞌ Tuhanin bang ku pasapeꞌ amban kaꞌu seddili amban kamatey.” 18Pag kataꞌuhan Naꞌomi weꞌ gaꞌ si Rut magduwe-duwe manuhut iyehin, gaꞌ ne iye kebbutan.
19Palanjal ne siye tudju Betlehem. Pag tekka siye laꞌi, hiyul meꞌ aꞌa si puweblo miyaꞌan. Duk paꞌin meꞌ dendehin, “Naꞌomi ne hatiꞌ!” 20Nambung iye paꞌinne, “Daꞌa ku ēnanun bi Naꞌomi.#1:20 Hāti Naꞌomi mekesinna-sinna; hāti Mara paꞌit. Ēnanun bi ku si Mara. Peggeꞌ Tuhan Mabalakatanin inurungan ku weꞌ ne kasigpitan. 21Patahalaꞌku mabittuꞌuhin, kumpeleto ku. Sakayiꞌ ku pinapitu balik weꞌ Tuhanin, gaꞌ niyaꞌ ine-ine. Daꞌa ne ku ēnanun bi Naꞌomi peggeꞌ inurungan kasusehan ku weꞌ Tuhanin, pinatekkahan balaꞌ ku weꞌ Mabalakatanin.”
22Manjari sā miyaꞌan Naꞌomi tabalik magtuhut duk si Rut, eyuꞌannen dende amban lahat Moꞌab. Tekka siye si Betlehem beytu nagnaꞌ pagpagani barley.#1:22 Barley da bayuꞌ tinanem, magepang duk buwaꞌ tirigu. Bang bissā Ispanyul inēnan cebada. Pinagani kuweꞌ paley.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2019, Wycliffe Bible Translators, Inc. All rights reserved.