Génesis 9
9
Diosqa Noewan tratota ruwan
1Chantá Diosqa Noeta, churinkunatawan ima saminchaspa, nerqa: Ashkha wawayoj kaychej, kay pachamantaj junt'aychej.#Gn 1.28. 2Kay pachapi tukuy imaymana animalkuna qankunata manchachikusonqachej. Jinallataj phawajkunata, jallp'a patapi qhatatakuspa purejkunata, mama qochapi kajkunatapis tukuyninta makiykichejman churani. 3Chayrayku tukuy animalta, jinallataj tukuy imaymana q'omerkunatapis mikhuyta atinkichej. Chaykunata mikhunaykichejpaj qoykichej. 4Kayllata mana mikhunaykichejchu tiyan: Yawarniyoj aychata, imaraykuchus yawarpi kawsay kashan.#9.4 Ñawpa israelitakuna yuyarqanku kawsayqa yawarpi kasqanta. Animalkuna, runapis mana yawarwanqa mana kawsanmanchu. Tata Dios nerqa runa aychata yawarnintinta mana mikhunanta, kawsay Diospata kasqanrayku. Hch 15.19-20; Lv 7.26-27; 17.10-14; 19.26; Dt 12.16,23; 15.23.
5Qankunata wañuchisoj animalmanta, chayrí qankunata wañuchisoj runamanta noqa cuentata mañasaj. Sapa runamanta runa masinta wañuchisqanmanta cuentata mañallasajtaj.#Gn 4.9-12; 2 S 12.9-10.
6Pichus runa masinta wañuchejtaqa#Ex 20.13.
waj runa payta wañuchillanqataj,
imaraykuchus runaqa Diospa rijch'ayninman jina ruwasqamin.#Gn 1.27.
7Qankunarí ashkha wawayoj kaychej,
kay pachamantaj junt'aykuychej, nispa.
Ajinata Dios nerqa.
8Jinallataj Diosqa Noeta, churinkunata ima nillarqataj: 9Noqa qankunawan, mirayniykichejwan ima uj tratota ruwasaj. 10Jinallataj qankunawan khuska jatun barcomanta llojsimojkunawan tratota ruwallasajtaj: Phawajkunawan, uywakunawan, k'ita animalkunawan, kay pachapi kaj chhika animalkunawan ima. 11Qankunawan trato ruwasqayqa#9.8-11 Qankunawan trato ruwasqayqa: Noewan Diospa ruwasqan tratoqa tukuy kay pachantinpaj karqa, jinallataj kay pachapi tukuy kawsayniyojpajwan. Chayrayku Diosqa phuyupi señalninta churarqa, chaytaj k'uychi. Chay jawa Diospa ruwasqan tratoqa wiñaypaj, manataj jayk'aj waj jinaman tukuchisqachu kanqa vv. 11-12. Jinallataj Diosqa Noewan tratota ruwananpaj, mana Noeta taporqachu. Chayrayku Tata Dios trato ruwasqanta junt'ananqa mana Noé imata ruwananmantachu karqa, manachayqa Dios junt'ayta munasqanrayku. kay jina: Noqaqa runakunata, nitaj animalkunatapis musphay para yakuwan mana ujtawan chinkachisajchu. Manaña ujtawan musphay para kanqañachu tukuynin kay pachata p'ampananpaj.
12Qankunawan, jinataj animalkunawan ima wiñaypaj trato ruwasqaymanta señalqa kaymin kanqa: 13Noqaqa k'uychiyta phuyuman churani, chaytaj kay pachawan tratota ruwasqaymanta señal kanqa. 14Maypachachus kay pachaman phuyuchimusaj chaypacha, k'uychiy phuyupi rikhurenqa. 15Chaypacha qankunawan, jinallataj animalkunawan ima tratota ruwasqaymanta noqa yuyarikusaj. Tukuy imata chinkachinapaj manaña ujtawan musphay para kanqachu. 16Maypachachus k'uychi phuyupi rikhurenqa chaypacha, noqa rikusaj, yuyarikusajtaj tukuy runawan, jinataj tukuy animalwan ima tratota wiñaypaj ruwasqaymanta. 17K'uycheqa señal kanqa noqa kay pachapi tukuy kawsajwan tratota ruwasqaymanta, nispa. Ajinata Dios Noeta nerqa.
Noé machaykun
18Noéj churinkuna jatun barcomanta llojsejkunaqa karqanku Sem, Cam, Jafet ima. Camqa Canaanpa tatan karqa. 19Noéj churinkuna kay kinsa karqanku, paykunaj mirayninkutaj kay pachaman junt'arqanku.
20Chaymanta qhepata Noé jallp'ata llank'ayta qallarerqa, chantá uva huertata ruwarqa. 21Chantá uj kuti Noé vinota ujyaspa, machaykorqa. Chayrayku payqa machasqamanta toldon ukhupi q'alalla wijch'urpayakorqa. 22Jinallapi Canaanpa tatan Camqa tatan Noeta q'alallata rikuspa, wawqenkunaman willamorqa. 23Semwan, Jafetwantajrí uj qhatanata oqharispa, wasankuman qhataykukorqanku. Chantá qhepallamanta thaskispa, tatankuta qhataykorqanku. Ajinata ruwaspataj, paykuna tatanku q'alalla kashasqanta mana qhawarqankuchu.
24Chantá Noé puñusqanmanta rijch'arejtin, payman willarqanku sullk'a kaj churin imatachus ruwasqanta. 25Chayrayku pay nerqa:
Canaán maldicisqa kachun,
jinataj wawqenkunaj wata runan kachun, nispa.
26Noé nillarqataj: Sempa Tata Diosnin yupaychasqa kachun,
Canaantaj Sempa wata runan kachun.
27Diosqa Jafetpa jap'iyninta astawan jatunchachun.
Paytaj Sempa toldonpi tiyakuchun.
Canaantajrí wata runan kachun, nispa.
28Jatun musphay paramanta qhepata Noeqa 350 watatawanraj kawsarqa. 29Ajinaqa Noé 950 watayoj kashaspa, wañuporqa.
ప్రస్తుతం ఎంపిక చేయబడింది:
Génesis 9: DQDC
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Revisión Biblia Quechua Boliviano © Sociedad Bíblica Boliviana, 2017.