GENESIS 5
5
Adanpa mirayninkunamanta
(1 Cr 1:1-14)
1Kay listasqa sutikunam Adanpa mirayninkuna. Adanta chay punchaw Dios unanchaspanmi rurarqa kikinman rikchakuqta. 2Qaritawan warmitam unancharqa hinaspam unanchasqa kasqanku punchawpi bendecispan suticharqa Adanwan.
3Adan pachak kimsa chunkan watayoq kachkaptinmi huknin qari churin nacemurqa, paytam suticharqa Setwan. 4Paymi karqa Adan kaqlla rikchayniyoq, churin Set nacesqanmantam Adanqa kawsarqa pusaq pachak watataraq. Chay watakunapim karqaraq qarikunapas warmikunapas wakin churinkuna. 5Chaynaqa Adanmi isqon pachak kimsa chunkan watata kawsaruspan wañukurqa.
6Set pachak pichqan watayoq kachkaptinmi churin Enos nacerqa. 7Enospa nacesqanmantam Setqa kawsarqa pusaq pachak qanchisnin watataraq. Chay watakunapim karqaraq qarikunapas warmikunapas wakin churinkuna. 8Chaynaqa Setmi isqon pachak chunka iskayniyoq watata kawsaruspan wañukurqa.
9Enos isqon chunka watayoq kachkaptinmi churin Cainan nacerqa. 10Churin Cainanpa nacesqanmantam Enosqa kawsarqa pusaq pachak chunka pichqan watataraq. Chay watakunapim karqaraq qarikunapas warmikunapas wakin churinkuna. 11Chaynaqa Enosmi isqon pachak pichqan watata kawsaruspan wañukurqa.
12Cainan qanchis chunka watayoq kachkaptinmi churin Mahalaleel nacerqa. 13Churin Mahalaleel nacesqanmantam Cainanqa kawsarqa pusaq pachak tawa chunkan watataraq. Chay watakunapim karqaraq qarikunapas warmikunapas wakin churinkuna. 14Chaynaqa Cainanmi isqon pachak chunkan watata kawsaruspan wañukurqa.
15Mahalaleel soqta chunka pichqan watayoq kachkaptinmi churin Jared nacerqa. 16Churin Jaredpa nacesqanmantam Mahalaleelqa kawsarqa pusaq pachak kimsa chunkan watataraq. Chay watakunapim karqaraq qarikunapas warmikunapas wakin churinkuna. 17Chaynaqa Mahalaleelmi pusaq pachak isqon chunkan pichqayoq watata kawsaruspan wañukurqa.
18Jared pachak soqta chunkan iskaynin watayoq kachkaptinmi churin Enoc nacerqa. 19Churin Enocpa nacesqanmantam Jaredqa kawsarqa pusaq pachak watataraq. Chay watakunapim karqaraq qarikunapas warmikunapas wakin churinkuna. 20Chaynaqa Jaredmi isqon pachak soqta chunkan iskaynin watata kawsaruspan wañukurqa.
21Enoc soqta chunka pichqan watayoq kachkaptinmi churin Matusalen nacerqa. 22Churin Matusalenpa nacesqanmantam kawsarqa kimsa pachak watataraq Diospa agradonpaq kawsaspan. Chay watakunapim karqaraq qarikunapas warmikunapas wakin churinkuna. 23Chaynaqa Enocmi kawsarqa kimsa pachak soqta chunkan pichqayoq watata. 24Diospa agradonpaq kawsasqanraykum Dios pusakuptin chinkarurqa.
25Matusalen pachak pusaq chunkan qanchisnin watayoq kachkaptinmi churin Lamec nacerqa. 26Churin Lamec nacesqanmantam kawsarqa qanchis pachak pusaq chunkan iskaynin watataraq. Chay watakunapim karqaraq qarikunapas warmikunapas wakin churinkuna. 27Matusalenmi isqon pachak soqta chunkan isqonnin watata kawsaruspan wañukurqa.
28Lamec pachak pusaq chunkan iskaynin watayoq kachkaptinmi churin nacerqa. 29Paytam #Hebreo simipi Noey ninanqa “Samariy” ninanmi.Noeywan suticharqa kaynata piensaspa:
—Paymi llamkayninchikkunamantawan sasachakuyninchikkunamanta consuelawasun allpataqa Tayta Dios ñakasqanrayku —nispa.
30Churin Noey nacesqanmantam Lamec kawsarqa pichqa pachak isqon chunkan pichqayoq watataraq. Chay watakunapim karqaraq qarikunapas warmikunapas wakin churinkuna. 31Chaynaqa Lamecmi qanchis pachak qanchis chunkan qanchisniyoq watata kawsaruspan wañukurqa.
32Noey pichqa pachak watayoq kachkaptinmi churinkuna nacerqa. Paykunapa sutinmi karqa Sem, Cam hinaspa Jafet.
ప్రస్తుతం ఎంపిక చేయబడింది:
GENESIS 5: QUEAYA87
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి