Matthew 16
16
Chaptergē Klāalth wok Lthūunilth.
1WAIGEN Pharisee hāadē Sadducee hāadē alth istlāgang, waigen ltha kiānang alth il eddē ltha kil kāngang kaountsida shā stāhā ltha il kingdiēanā.
2Waigen hangtlan ltha il shūtaiang, singyāstlo sin lāshang dalung shūḡung yeni s'hetsi althlā.
3Waigen singai gastlo, aiat zīgulthasang yeni s'het isken waigen yeni lth'alth ishin isis althlā. Yeni hangi an dalung ūnshītung, waigen ashgē timegē kaountsida an gu kum dalung ūnshitāng us?
4Gwudistakānḡē dāungas isken waigen chaaigas ishin kin kaountsida gakinḡung, waigen kin kaountsida kum ga istiāngshang, tlan Jonah giē swaunan kin kaountsida īching. Waigen ltha stāhā il kaiitang ken tliga jinga ā il kaiitang.
5Tlīstluan lagagahatijanḡē inagūst istlāgang tlo, shibili istiē da ltha kīskitang.
6Waigen Jesus hin ltha shūtaiang, tuman lth agung kingo, waigen Pharisee hāadē isken Sadducee hāadē ishin giē tlikulthdouwē stāhā lth ga gwudagungo.
7Waigen gwud alth ltha kwulthilthgangang, waigen hin ltha shouan: kum shibili talung istaanḡun, altsīilth ītil an il kwutungē stiḡung.
8Waigen tlīstluan Jesus anūnshitalthstlo hin ltha il shūtaiang, kashintlou gwud alth dalung kwulthilthgunḡung kum shibili dalung istaangāni althlā. O klingān dalung yetang.
9Shibili hūga kwu klēlth ītlansidas lagwau klālē klālē stung wok lagwau klālē klēlth glu ēdung kum gu an dalung ūnshitāng us? waigen basketgē ā kīslu ā kwōkungwē isis dalung istān kum gu ē dalung kēitāng us?
10Kum gu shibili hūga kwu chigwau ītlansidas lagwau klālē klālē stung glu edāngudja? waigen basketgē ā kīslu ā kwōkungwē dalung istān ishin kum gu ē dalung kēitāng us?
11Kashintlou kum an dalung ūnshitānḡung (kumu shibili eddē ā dalung ā lth kaoukgaanḡun) Pharisee hāadē isken Sadducee hāadē giē tlikulthdouwē stāhā ga dalung gwudaḡungēanā.
12Itan shibili tlikulthdouwē stāhā ltha ga gwudaḡungē kum il shūtaans an ltha ūnshitālang: Pharisee hāadē isken Sadducee hāadē ishin kin ltha skadadasu il shūtaiang.
13Tlīstluan Ceaserea Philippi aiyuwē giouk gu Jesus kātlāgang tlo lagagahatijanḡē alth hin il kiānangang, kasin nung hāada edu dī is hin ltha shūḡung, dīū nung ītlinga kitu īching.
14Waigen hin ltha shouan, John the Baptist dahou is hin ltha tītch shūḡung; Elijah dahou is hin ltha tītch shūḡung: waigen ltha kalat Jeremiah dahou is bin shūḡung: waigen ga prophetgas gē swaun dahou is hin gu hutsu shūḡung.
15Waigen hin ltha il shūtaiang, kīstho dī is hin dalung shūḡung?
16Waigen Simon Peter hin hangtlan lā il shūtaiang, Shānungetlagidas hēninga kit Christ dahou īching.
17Waigen Jesus hin hangtlan lā il shūtaiang, Simon Bar Jonah yenhienu dung shūḡung, waigen dung kagunasang: kēā isken ai ishin kum dung ga shūtaanḡun: dī Aung shā isis lthāalgwi dung ga shūdaḡun.
18Waigen houshen hin dung ga lth shūḡung, Peter dahou īching, waigen tīsh kingānu dung ēdung; altsīilth dung inku churchnē unga lth tlaoutlāshang, waigen hetgwaugē kūwē kum wau gwikāēlthāngshang.
19Shāgē kingdomgē kīkustlouwē dung ga lth istāshang: waigen hētk tligē gu kin dung kētsgustlasken shā tligē gu ishin kētsguwaushang: waigen hētk tligē gu kin hēsta dung tlāadsken shā tligē gu ishin hēsta ltha adēlthsang.
20Itan lagagahatijanḡē il stitaiang, waigen Jesus Christ il isis kum nung ītlinga ga il shūtātlāngang.
21Ashgē timegē stāhā Jesus tliku Jerusalem tligē ā il kāasēs lagagahatijanḡē il skadadiēdang, waigen lth kīāsi isken laplēt ga ītlagidas gē ishin, takālung lēilung ishin il tīlthwandasēs isken lā ltha tiasēs ishin, waigen shantlan lth'unilthstlo houshen il kātlūsēs ishin.
22Itan, Peter il gidsgildasken lā il stitaiang, waigen hinū il shouan, agwan stigan lth jingāda Shālānā: adshi kum dung ī edāngshang.
23Waigen lā gwi il kīaiang ken, Peter hin il shūtaiang, Satan, di tlā lth kā, kin lth gin tlidalthtaguns kingānu dī an dung ēdung: lth ītlansidas kinā ou dung gwudanunḡung, waigen Shānungetlagidas kinā ou kum dung gwudanungānḡung.
24Wadlu lagagahatijanḡē hin il shūtaiang, nung ītlinga dī tlā kaiitē da kwudungs tlo agwan lth agung il chākwudandādi: skaumā sīk unga il istada dī tlā il kāgēanā.
25Altsīilth hēninga unga nung kagindasu gūdāshang, waigen dī hagunan hēninga unga nung gūdasu wau kīāshang.
26Nung ītlinga tligē askwan gwikāēlthsiken waigen hātlandē unga il gūdastlo, gūshū lā gwikāēlthasang? Gūshū nung ītlinga hātlandē unga saoutk istāshang?
27Altsīilth nung ītlinga kit Aung unga giē kin anyākwudungas isken ga angelgasgē dungalthan ishin langa il kātlāshang, waigen lth hāada wautliwan tliku lthāangwiltlidzus kingān ga il giasouasang.
28Yenkien dalung ga lth shūḡung, ādlun ltha tlazūgians titch kum kwotalthkāngshang nung ītlinga kit kingdomgē ai unga il kātlāgē ltha kānḡē kū.
ప్రస్తుతం ఎంపిక చేయబడింది:
Matthew 16: HAIDA
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
First published by the British and Foreign Bible Society 1891-1899.