Matthew 22
22
Chaptergē Lagwau Swaunshung wok Stung.
1WAIGEN Jesus hangtlan shouan, waigen kīgangē alth ltha ga il kīgangang.
2Shāgē kingdomgē nung king ga kingānu ēdung, waigen gwū inēl lagunungē kit unga an il tlaoutlaiang.
3Waigen ltha wautliwan ga il shūtaiang il lagunungasēs: kin hansta lagunungasēs wautliwan ēlthkīsītlo ītan kitzadalung il lagunungādaiang, waigen kum lagunung kāagē gu ltha istatlāngang.
4Houshen kitzadalung adda il lagunungādaiang, waigen kitzadalung hin il shūtaiang, ltha an lth aiyinḡun ga lth shūdo; kwoking lagunungē lth tlaēlthkiḡun, kiagin musmusgē isken, kiagin kin aia ishin lth tlitaḡun, waigen kin wautliwan ēlthkīḡun, altsīilth gwū inē lagunungē ai lth istzoo.
5Waigen ltha kāḡangang, waigen kūwē gud unga ltha istiēdang, nung swaun mūsmūs tligē gwi unga il stēlang: nung kalat waddanē ā unga il kaiitang:
6Waigen ltha kalat il kitzadalung istaiang ken ltha ltha tilthwangyūanḡangang, waigen ltha ltha tlitaiang.
7Waigen tlīstluan an nung king gas kwudangang tlo il kātliyilthdaiang: soldiergasgē kwan yūan il kil istiēdang, waigen ā ga lagunungas gē ga tlitaiā ni gē ishin ltha tlitiēdāni, waigen ilnigē ishin lthanga ltha hokulthtaiang.
8Wadlu hin kitzadalung il shūtaiang, gwū inēl lagunungē ēlthkīḡun, waigen āgīan ltha aiyingsu kum lānḡung.
9Altsīilth kūwē kwun ā lth istiēdo, waigen ltha wautliwan dalung kings kingān gwū inēl lagunungē ā ltha kil istiēdo.
10Yenkien il kitzadalung kūwē kwun ā istiēdang ken ltha wautliwan ltha kingskialk ltha ltha istaḡangang: ga lās gē isken ga dāungasgē ishin, waigen gwudlth inēlths rooingē lth hāada alth stāougāḡang.
11Waigen tlīstluan anung king gas āi katsaiang tlo touilung il kānḡēanā, nung swaunshung nung chādūnēlths kinā kum il giandāns il kāngang.
12Waigen hin lā il shūtaiang: toui, kasino nung chādūnēlths kinā kum dung giandānskenan ai dung katsouūdjang? Waigen il kil gouang.
13Itan anung King gas hin kitzadalung shūtaiang: il yhē isken il kwollo ishin langa yātselthto, wadshgwi lth il isto, waigen giouk halgas gē ā lth il dāngu, wiouk sahaigāsēsi gwau, waigen zing unga kōkopitāsēsi gwau ishin.
14Altsīilthlth hāada kwan an aiyingāḡung, waigen ltha gu kingstiāḡung.
15Wadlu Pharisee hāadē kiak issāgang tlo ltha counselgāgang tliku il kil da langa ltha dungdaḡwunasēsā eddē ā.
16Waigen kitzadalung Herodias hāadē alth lā ā ltha kil istiēdang, waigen hin ltha shouan: Nung ītlagidas, yenkien dung shūs an ītil ūnshītung, waigen Shānungetlagidas giē kūwē yenkien ltha dung skadadang: ltha ītlansida ishin alth kum dung aiyuānḡung, ltha ītlansida tlu addu kum dung kwulthilthānḡung.
17Tliku dung kwudungs lth ītil ga shūdi: giasou dālā Caesar ga talung istiē gu lā us? kum gwau?
18Waigen ltha kwutungē dāungas an Jesus ūnshitālang tlo hinū il shouan: kashintlou dī eddē dalung kil kinḡung?
19Dalung kwutungēstungs, giasou dālē di lth kingdo. Waigen centgē swaunshung lā ā ltha istaiang.
20Waigen hin ltha il shūtaiang, kīstā danījingaiu īching, waigen kasin kālungē edu īching?
21Waigen Caesar giē hin lā ltlia shūtaiang. Wadlu hin ltha il shūtaiang, Caesar kinā isis lth Caesar ga lth isto: Shānungetlagidas kinā isis tlou lth Shānungetlagidas ga lth isto.
22Waigen tlīstluan ltha kwudāngāni tlo ltha kaldungāḡangang, waigen lā stāhā kūwē gud unga ltha istiēdang.
23Ashgē shantlani tlo Sadducee hāadē lā an istlāḡang: kum kwōtal stāhā lth hāada kātlūāngān ltha shouan.
24Waigen hin lā alth ltha kiānangang, Nung ītlagidas, nung ītlinga kwōtalsken, kum il kit kaiānsken il tuan il chā alth gu inēlthasang, waigen kwai unga an kitilung il kaiawaushang hinū Moses shouangwau.
25Itan, gwudalth ltha istalgā chigwau ītil alth īching: waigen nung kwaias chādināēlgun ken il kwōtalgun. Kum il kit kaiānḡun althlā, altsīilth tuan unga ga chā unga il tatlistlaḡun.
26Waigen nung tuanasi ishin kingān īching, nung tuanas kalat ishin, waigen il chigwau an kwōtalthkaodzūḡun, waigen kum kit ltha kaiānḡun.
27Waigen otgwau agwi anung chada ishin kwōtalgun.
28Altsīilth kwōtal stāhā ltha kātlūs singē aik ā ga chigwau isisgē kinas chāū il isisang, il inā odzūḡunē althlā.
29Jesus hin hangtlan ltha il shūtaiang, dalung hadlouḡung Shānungetlagidas giē kōgīna isken il tagwias ishin kum an dalung ūnshitānsi althlā.
30Kwōtal stāhā ltha kātlūstlo kum ltha gwud lth inā gungānḡung, kum gwud ltha ināsing gungānḡung, waigen Shānungetlagidas giē angelgas gē shā tligē gu isis kingān ltha ēdunḡunḡung.
31Shānungetlagidas dalung shūtaiang tliku kwōtal stāhā ltha kātlūs edis kum gu dalung readadāngūdjang?
32Abraham an dī Ītlagidāḡung: Isaac an dī Ītlagidāḡung: Jacob an dī Ītlagidāḡung. Shānungetlagidas kum ltha kwōtalthkiē an Ītlagidānḡung: ga heningasgē an il Ītlagidāḡung.
33Waigen ltha skūlas kwudāngā ni tlo, kin il skadadas an ltha kwutungē kaldunorāḡanḡang.
34Waigen tlīstluan Sadducee hāadē il kilsitlthlīs Pharisee hāadē kwudangang tlo kwudā ltha idjan.
35Waigen nung swaunshung ltha shu Lawyer gāgang. Lā alth il kiānangang il eddē il kil kānḡēanā.
36Hinū il shouan, Nung ītlagidas, kingwoguns shu kinasu wautelgu yūanḡung?
37Waigen hin lā il shūtaiang, Shālānā dung ītlagīda lth kwutungē unga saaskwan alth kwōyāda: hātlandē unga wautliwan alth ishin: kwulthal unga wautliwan alth ishin Shānungetlagidas lth kwōyāda.
38Anisu kwuniāḡung, waigen kingwogung yūanu īching.
39Waigen nung swaun ishin wau hangast ēdung. Agung dung kwōyādatlidzūs kingān lth dung kwulth ltha naans ishin kwōyādatlidzu.
40Ashgē kingwogungē stung stāhā kingwogungē wautliwan isken ga prophetgas gē ishin kiāgāḡung.
41Waigen houān Pharisee hāadē kwudungalth īchingdang, Jesus hin ltha alth kiānangāng, waigen hinū il shouan:
42Kasino Christ an dalung kwudunḡung? Kīsta kitu il īching? Hin lā ltha shūtaiang David Kitā.
43Hin ltha il shūtaiang: kashintlou waiken hants unga alth Shālānā hin lā il kēyādou ūdjang?
44Hinū il shouan, Shālānā dī an nung Shālānā gas hin shūtaiang, soolgūst dī kwulth kouwa dung telga ltha kingsa dung stai hetgu lth istiē kū.
45David, Shālānā hin il kēyādaiangken kasino il kit il istlidzūḡung?
46Waigen kum nung ītlinga swaunshung kil swaushung alth hangtlan il shūtaangang: waigen gē shantlanē stāhā houshen lā alth kiānungē ga ltha hulskudang.
ప్రస్తుతం ఎంపిక చేయబడింది:
Matthew 22: HAIDA
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
First published by the British and Foreign Bible Society 1891-1899.